Eksodas 30:13 - Buka Blahi Ka Cheke Holo

¹³ Naikno te gnafa te kaha iagho re mala famei katha vido silva ikoi tahugna na kaisei sekel te fagefe lao mare ka nogna skel mae pris.

Eksodas 30:13 Referans Kwoze

Levitikas 27:25

Ihei te magnahaghei foli fajifla kaisei mae ba kaisei glepo mala snagla tei, mana mala foli fajifla ka praes pris teke fananaba ka silva teke skel mare ka nodi skel mae pris.

Naba 3:47

Eghume folidi mae tuare, glima sileni silva kaisei mae eghu. Mare mala leghudi sileni teke skel mare ka nodi skel mae pris ke lamnagna Sugablahi ia.

Matiu 17:24

Mae Jisas baludi nogna mae fanomhore ne tei ka namono Kapanam. Kate au teu mare jare na, keha mae mala salo takis gna Sugablahi na mei ne ghusna eghu ka mae Pita, “Ba, nomi mae velepuhi ghotilo gne foli takis langau signea?”

Matiu 27:24

Mae Paelat laseni mana theome tangomana te eni kaisei glepo eigna igne. Naugna magra na la fufunuhi, mana hata keha khoꞌu ne titihi khame ke uludi naiknore. Aonu mana ne cheke eghu, “Iara theo kaisei nakhibogu ka glehegna mae te doglo igne! Nu nakhibomi ghotilo themi te eni na!”

Matiu 21:12

Mae Jisas ne tei ruma ka glalabagna Sugablahi na ne filodi naikno te foifoli ka vido tuana. Aonu, mana brue fajifladi ne gnafa naikno te foifoli nei sabiri teu jare igre. Mana fapogru nodi tevo mae te tutughu sileni te mala foli takis gna Sugablahi na nei nodi mala gnokro mae te sabiri balhu te mala fafara re.

Jenesis 23:15

“Mae biꞌo, fofoli gna glose igne thono biꞌo fara, naba varadaki silva. Eghume ka noda namha biꞌo te au fari hoteida tapa na, glepo igne theo nafugna kolho. Hata kolho sagho glose igne mala giugilui khetomu na.”

Eksodas 30:14

Kate kaha na, iagho kahadi mae iheire te funu ka varadaki finogha haghe, aonu mare mala tusu mei sileni igne ka iara.

Eksodas 38:24

Gol atha te mei naiknore te mala tusu lao ka Lord te mala loku ka Suga Tapuale te Blahi igne, tahudi re thokeni nheva gobi nheva salei glima kilo. Kate skel mare gol igre, mare edi ka nodi skel mae pris.

Levitikas 5:15

“Jame kaisei mae ka ghotilo theome ghathoni ne huhughuni vetula eigna nogu glepo blahi iara Lord, iagho atha mei kaisei sipu nalhaꞌugna te theo kaisei thona ka thinigna na, malagna fafara te mala poloru igne. Praes gna sipu igne fananaba ka unha teke eni mana na, eghuteuna mare mala fananaba ka praes gna sipu na ka silva koen teke skel mare ka nodi skel mae pris.

Levitikas 27:3

mana mala foli fajifla ka praes teke lilisei pris ka silva.” Kaisei mae te varadaki finogha tei thokeni namnosalei finogha, praes na glimafulu silva.

Fapea Kings 12:4

Kaisei fata, King Joas ne cheke eghu ka hatimare mae pris, “Sileni teke fafara naiknore ka nogna Sugablahi Lord igre mala tusu lao ka mana, ghotilo mala tathajiu mala ke babana Sugablahi ana. Sileni teke takis ka sensas, sileni teke famei naiknore te mala fagnafa gna nodi nhaꞌa cheke na, nei sileni teke koko naiknore ka Sugablahi na leghuni unha teke magnahagheni mare na.

Naba 18:16

Kate thokeni kaisei nhigra mae sua nalhaꞌu na, mae kmagna na ginau foli fajiflani mana ka iara. Eghuteuna foligna mana te nanhaꞌa lao iara na glima silva koen teke skel mare ka nodi skel mae pris ra. Tahugna silva koen igne jateula varadaki koen ikodi te kilodi mare ‘gera.’

Fapea Kings 12:5

Kate fadoglini ghotilo glokugna Sugablahi gne, ghotilo tangomana te hata sileni ka mae iheire te mala reireghi sileni are. Tuare sileni te mala loku ghotilo te mala fakekheligna unha te diꞌa ka Sugablahi na.”