Eksodas 3:1 - Buka Blahi Ka Cheke Holo

¹ Moses ne reireghidi nogna sipu nei nanigot teu nanghogna mana Jetro igre, mae ihei te pris gna Midian. Kaisei narane Moses ne batudi sipu nei nanigot teu igre ne tei ka namono nagou na, eghuteuna mana tei ne posa ka thogele blahi Sanai.

Eksodas 3:1 Referans Kwoze

Ululahu Kings 19:8

Aonu mana kegra haghe ne ghamu nei koꞌu neu. Eghuteuna mana rheta ne nolo nabagna phiatutu narane ne ghilei tei posa ka Thogele Sanai, nogna thogele blahi God.

Eksodas 17:6

Kate ari te posa iagho ka thina te au ka Thogele Sanai ia na, iara ginau na au jare balumu iagho. Eghuteuna iagho mala atha nou khodo ana mala puphuri ka thina na, eghuteuna khoꞌu na ginau na jifla mei ka thina tuana mala koꞌu naikno are.” Mae Moses ne eni igne ne jifla mei khoꞌu na ka thina na kate filo teu goro mae biꞌodi Israel re.

Naba 10:29

Kaisei narane mae Moses ne cheke ka mae Hobab thugna mae Ruel. Mae Ruel gne mae gna Midian, eghuteuna mae Ruel gne nanghogna mae Moses. Moses ne cheke eghu ka mae Hobab, “Ghehati ginauna tei ka vido te keli teke nhaꞌa chekeni Lord mala tufa ka ghehati teku gne. Eghume keli fara jame te mei iagho balumi ghehati na. Jame te mei iagho na, ghehati ginauna reireghi nigho iagho.”

Profet Malakai 4:4

“Ghotilo mala ghatho tahudi nogna farirhiu mae nogu gloku iara mae Moses, nei vetula teke tusu lao iara ka mae Moses ka Thogele Sanai ra eghu malami ghotilo te gnafa Israel.

Jajis 4:11

Ka narane tuare, Heba kaisei mae ka vikegna Kein, mana neke tei kokonihi vikegna na. Vike igne neke jifla mei ke leghugna Hobab, kaisei nanghogna Moses. Heba neke fakegra haghehi nogna suga thapuale na ka namono Kedes, rhegna kaisei gaju biꞌo ka vido te kiloi mare Sananim.

Eksodas 19:11

eghuteuna tarabana mala mei pogho soru ka iara nauriha. Naugna ka narane tuana, iara Lord ginauna soru mei ke kligna Thogele Sanai eghuteuna naiknore ginauna tangomana te filo ghau iara na.

Luku 2:8

Ka bongi tuana, keha mae grereighi sipu au neu jare ke kosigna namono na fiofilodi neu tothoghei sipure.

Nodi Khoje Hatimare Mae Jiu 106:19

Ka Thogele Sanai, mare neke hohoro kaisei mumuju buluka ka gol neke pogho soru tagna.

Diutronomi 4:10

Thosei ghatho ihoni narane teke mei kegra kuꞌemi ghotilo ka Thogele Sanai teke kegra ke ulugna Lord nomi God. Ka narane tuana, mana neke cheke eghu ka iara, ‘Chekedi naikno ra mala kafe mei rhegu iara agne. Iara magnahaghedi mare te mala nomhidi gobigna lepo nate chekedi iara ka mare. Ka puhi igne, mare tangomana te ghatho tahu ghau iara fabrahu ka nakarhadi re, eghuteuna mare tangomana nate farirhiudi thudi re mala ghatho tahu ghaula iara.’

Diutronomi 1:6

Mae Moses neke cheke eghu, “Tifa, kani au teku tahati ka Thogele Sanai, Lord, noda God tahati na neke cheke eghu ka iara: Ghotilo au raugha fara ka thogele igne.

Eksodas 24:13

Aonu mae Moses ghe mae Josua ne tarabana ne jifla ne tei, eghuteuna mae Moses ne haghe ka nogna thogele God na.

Eksodas 19:3

Mae Moses ne haghe ka thogele igne mala cheke balugna God. Aonu Lord ne cheke eghu ka mana, “Igne nogu cheke iara na mala tei cheke iagho ka naiknodi Israel vikegna mae Jekop ra.

Eksodas 3:5

Aonu God ne cheke eghu ka mana, “Moses, thosei mei namo agne! Hata koko nou sadol are, naugna glose te kegra teu iagho igne blahi fara!

Eksodas 2:16

fitu gaꞌase ne mei ka vido igne. Gaꞌase igre thugna mae Jetro kaisei mae pris gna Midian. Gaꞌase igre mei balu nogna sipu nei nanigot eghu Jetro mae kmadi na mala fakoꞌudi.

Profet Emos 1:1

Cheke igre neke cheke thegna Lord ka profet Emos. Mae Emos gne kaisei mae au nogna kmana sipu, ka namono Tekoa ka kantri Juda. Mana neke chekedi cheke igre ke lamnadi phei finogha neke thoke mei nga nakheu biꞌo na ka mare. Ka narane igre, king Iusaea neke funei Juda, nei king Jeroboam thugna mae Jehoas neke King Israel.

Eksodas 4:27

Lord ne cheke eghu ka Eron, “Eron. Iagho tei thafoni Moses ka namono nagou gno.” Eghume, Eron tei ne thafoni mae Moses ka thogele blahi Sanai ne gnanghoni mana.

Eksodas 2:21

Aonu mae Moses mei ne au baludi mare. Ke leghu, Jetro ne snakre lao thugna gaꞌase Sipora igne ka mana mala khetogna mana.

Eksodas 2:18

Kate pulo ka mae kmadi na, mae Jetro ne ghusna eghu ka reꞌe, “Ne faꞌunha site ghosei teke pulo mei ghotilo gognaro gnea?”

Mae Khuru 7:30

“Ke leghugna te au Midian phiatutu finogha na, kaisei narane engel nogna God na ne thakle ka mae Moses ka namono nagou na rhegna Thogele Sanai. U engel tuana au ke lamnagna khaꞌaghi te deudeplu teu ka kaisei gaju ikoi na.

Eksodas 3:12

Aonu God ne cheke eghu, “Thosei mhaghu. Iara ginauna au balumu iagho. Eghuteuna fagaglana te mala laseni iara te kuru nigho iagho igne: kate batudi iagho naiknore te jifla Ijep na, iagho ginauna mei ka thogele igne mala pogho soru ghau iara.”

Eksodas 4:18

Kate au teu Moses ka nohi Midian igne, Lord ne cheke eghu ka mana, “Iagho ke figri Ijep. Naugna mae te magnahaghei falehe nigho iagho ra la kafe lehehi.” Aonu Moses neke figri ka nanghogna Jetro ne cheke eghu ka mana, “Iagho snakre ghau iara mala ke tei filodi vikegu Ijep ra. Iara magnahaghei te tei filodi te karha teu ba tela lehehi teure.” Jetro ne cheke eghu ka mana, “Keliu kolho, iagho tangomana te tei na.”

Eksodas 18:12

Aonu mae Jetro ne fafara ka God glepo tautagu te thofno krono fara. Mana ne jaola ne eni keha fafara na ka God. Eghuteuna mae Eron nei hatimare mae biꞌodi Israel gre ne mei ima balugna mae Jetro ke ulugna God.

Eksodas 33:6

Aonu, funu ka narane te jifla kokoni mare Thogele Sanai, fapea nanghagna na Horeb igne, naiknodi Israel igre ne theome fahaghe nodi famane glepo re.

Naba 10:33

Kate jifla kokoni mare Thogele Sanai na, mare ne nolo nabagna thilo narane. Nu mare ne kulu pala ne tei nogna Bokis Blahi Nhaꞌa Cheke Lord na, mala tangomana Lord te falalase namono te mala au mare tagna na.

Ululahu Samuel 16:11

Aonu mae Samuel ne ghusna eghu ka mae Jesi, “Mae igre kolho thumu iaghore?” Mae Jesi ne cheke eghu, “Uve, nu mae leghu lahu ka mae igre na, mana reireghi sipu.” Aonu mae Samuel ne cheke eghu, “Iagho kuruni kaisei mae mala tei atha meini mana agne. Tahati na theome fufunu fafara na ghilei mei posa mana.”

Ululahu Kings 19:19

Profet Elija jifla ka Thogele Sanai neke pulo Israel. Eghuteuna mana tei ne hironi mae Elisa, thugna mae Safat. Elisa loku ka nogna nagare na ka kaisei plao te korho ka phei buluka. Eghuteuna nogna mae gloku mana re loku ka keha nabotho kaisei plao mala dokha glose. Aonu mae Elija ne hata koko nogna pohe brahu na ne nhaꞌa lao ka mae Elisa, igne kaisei fagaglana eigna mae Elisa teke tughuni mana na.