Eksodas 26:32 - Buka Blahi Ka Cheke Holo

³² Eghuteuna mare na edi fati khegra ka gaju akesia, eghuteuna mare ghiha tafru khegra igre ka gol. Eghuteuna mare edi fati pesidi igre ka silva, eghuteuna pesidi igre thofno nabadi fara khegra igre. Mare jaola na edi thagho ka gol, mala lilisei kligna ka khegra igre mala fagegefe pohe biꞌo igne tadi.

Eksodas 26:32 Referans Kwoze

Nogna Buka Esta 1:6

Mare lalaoni vido mala ima igne ka pohe te jateula blu nei ka pohe te vegha. Mare fagefe haghe pohe igre ka phukri te ngonge. Eghuteuna haru phukri silva igre ka famane thina te kiloi mabol. Eghuteuna mare jaola hata mei keha chea teke hohoro ka silva nei ka gol. Glalaba igne famane tulao, naugna mare horo ka famane thina te vegha, te ukru, te kakarha nei keha nafnata glepo te siasigla jateula thiro.

Eksodas 36:38

Mare edi glima khegra, eghuteuna mare lilisei thagho kligna kate mala fagegefe gna pohe biꞌo igne. Eghuteuna mare toku tafru khegra igre baludi nhughadi gol, eghuteuna mare edi glima pesi ka bras maladi khegra igre.

Eksodas 26:37

Mare na edi glima khegra ka gaju akesia, eghuteuna mare lilisei thagho teke eni ka gol kligna kate mala fagegefe gna pohe biꞌo igne. Eghuteuna mare na toku tafru khegra igre balu gol, eghuteuna mare edi glima pesi ka bras maladi khegra igre.”

Eksodas 25:5

nei guli sipu nalhaꞌugna te eni faꞌukru, guli vena, thaba gaju akesia,

Eksodas 26:31

“Mare na susuki kaisei pohe biꞌoi. Mae iheire te lase edi re, mare atha famane pohe vegha, nei ghajo blu, nei ghajo ngonge, nei ghajo ukru, aonu mare na susuki thotoghale di engel ka pohe biꞌo igne.

Eksodas 26:33

Iagho mala fagegefe pohe biꞌo igne ka thagho teke horo ka gol, mala fofota gna chogho biꞌo ke lamnagna suga tapuale igne ka phia vido. Chogho ululahu igne mare kiloni Chogho Blahi, eghuteuna keha chogho na au ke dela gna, Thofno Chogho Blahi igne. Eghuteuna iagho mala lilisei lamna ka Thofno Chogho Blahi igne nogu Bokis Nhaꞌa Cheke Blahi iara na.