Eksodas 20:16 - Buka Blahi Ka Cheke Holo

¹⁶ “Thosei vuavuha cheke ranghini ihei.

Eksodas 20:16 Referans Kwoze

Proveb 19:5

Te chaghi ka fate na, iagho ginauna au papara. Te chaghi fabrahu na, iagho ginauna theome snagla.

Matiu 19:18

Mana ne cheke eghu ka mae Jisas, “Vetula aheva gre?” Mae Jisas ne cheke eghu ka mana, “Thosei falehe naikno. Thosei tolaghi pedo. Thosei blau. Thosei chaghi eigna kaisei mae kau fate.

Nodi Khoje Hatimare Mae Jiu 15:3

mana theome mala chaichaghi tafridi keha naiknore. Mana theome mala eꞌei puhi te diꞌa ranghini kheragna fofodu na, ba theome mala vuavuha cheke te mala goigoni ni nanghagna ihei te au ka namonogna na.

Eksodas 23:1

Mae Moses ne cheke soru ka naiknore chekegna Lord na, ne cheke eghu, “Kate tei ka fate na, ghotilo thosei toutonu chaghi ranghini ihei unha glepo te theome tutuani na, ba toghoni mae ihei te diꞌa puhigna na.

Proveb 10:18

Jame mae te pophoru nagnafa te theome namhani keha mae na, mana kaisei mae chaichaghi. Eghuteuna mae te fameomekro na, vuavuha cheke eigna keha mae na.

Jemes 4:11

Kheraguro, thosei cheke fadiꞌani ihei, naugna mae ihei te cheke fadiꞌani mae kheragna fofodu na, mana jaola cheke fadiꞌani nogna vetula God na. Eghuteuna mae ihei te fateni mae kheragna fofodu na nei nhaꞌa faparini mana teuna, mana nhaꞌa fapari nila nogna vetula God na. Te eghu ghotilo na, ghotilo theome leghuni nogna vetula God na, nu ghotilo nhaꞌa fahaghe ghami themi ke kligna gna u vetula na.

Ululahu Timoti 1:10

ba iheire te eni puhi te diꞌa, ba iheire te glalama fari nalhaꞌu, ba iheire te blau naikno te mala fofoli jateula sneka, ba iheire te cheke chaichaghi tafri, ba iheire te cheke chaichaghi ka fate, ba iheire te eni kaisei glepo te theome leghuni farirhiu te keli na.

Efesus 4:31

Lilisei puhi te gnafa te poru ka nagnafamire te mala fari fadiadiꞌai; thosei cheke diꞌa ba diꞌatami; thosei fnaja fabiꞌo; thosei vuavuha cheke; thosei majora.

Mae Khuru 6:13

Eghuteuna mare hata ne mei keha mae mala chaghi eigna mae Stivin. Mare ne cheke eghu, “Mae igne ne cheke faparini koba noda Sugablahi tahati igne nei cheke faparini la noda vetula tahati gne.

Fapea Timoti 3:3

Mare ginauna theome namhani ihei. Mare ginauna tirodi hata fadelei nakhibogna ihei. Mare ginauna vuavuha cheke eidi keha naiknore. Mare ginauna magnahaghei magra koba nei eꞌei puhi eghu. Mare ginauna theome magnahaghei kaisei glepo te keli.

Proveb 11:13

Iagho thosei fatutuanini ihei te toutonu tafri na. Nu iagho fatutuanini kolho ihei te au kmu na.

Levitikas 19:11

“Ghotilo thosei blau, ba thosei chaghi tafridi keha kherami re.

Levitikas 19:16

“Eghuteuna ghotilo thosei cheke fadiꞌani ba chaghi eigna ihei. Eghuteuna jame kaisei kherami tei ka kot, eghuteuna iagho laseni unha teke eni mana na, iagho mala cheke fajiflani igne ka kot eigna puhi te tutuani na mala toghoni mana. Naugna iara Lord.

Luku 3:14

Keha mae soldia langau ne ghusna eghu ka mana, “Ghehati ba? Unha nate eni ghehati na?” Mana ne cheke eghu ka mare, “Thosei chaghi nei huhurudi eghu naiknore mala tusu ari sileni ka ghotilo. Nu gleꞌani ngala nomi vido taba na.”

Levitikas 19:18

“Ghotilo thosei susuku ni kaisei kherami ba tughu fapulo kaisei puhi diꞌa teke eni mana na. Nu, ghotilo mala thofno namhadi kherami re jateula ghotilo te namha ghami themi eghu, naugna iara Lord.

Diutronomi 5:20

Thosei vuavuha cheke ranghini kheramu fofodu na.

Proveb 25:18

Kate chaghi iagho eigna mae kheramu fofodu na, iagho jateula naflahi, ba gaju, ba jata eghu kolho.