Eksodas 15:14 - Buka Blahi Ka Cheke Holo

¹⁴ Kate nomhini igne keha kantri te au faligoho ka vido tuare ne thono mhaghu nodi fara ne fififri fara. Hatimare mae Filistia gre ne jaola ne mhaghu nodi fara.

Eksodas 15:14 Referans Kwoze

Diutronomi 2:25

Funu gognarogne, iara ginauna edi naikno ka namono te gnafa igre mala mhaghu ghami ghotilo. Kate nomhidi mare thoutonu eimi ghotilo na, mare ginauna mhaghu nodi fara na fififri fara thinidi re.’ ”

Profet Isaia 14:31

“Ghotilo naikno te au ka namono biꞌo Filistia! Ghotilo mhaghu tanhi fabiꞌo! Naugna ghotilo ginauna filoni gagahu biꞌo te haghe ke mosu kate nako mae naokare namono tuana. Eghuteuna mare te gnafa na ghosei tarabana mala jaola mei goigoni ghami ghotilo.”

Nodi Khoje Hatimare Mae Jiu 48:6

Mare ne bobolo nodi fara balu khabru biꞌo jateula gaꞌase te namo karha sua ra neu.

Josua 9:24

Mare ne cheke eghu ka mae Josua, “Mae biꞌo, ghehati ginauna eni tuana, naugna ghehati lasenihi eigna Lord nomi God ghotilo igne neke chekehi ka mae Moses, nogna mae gloku mana tifa ia, mana ginauna tusu ari namono igne ka ghotilo. Eghuteuna kate mei ghotilo ke lamnagna namono igne, ghotilo ginauna falehe ghami ghehati gnafa. Eghuteuna ghehati jaola laseni cheke igne thofno tutuani fara, naugna igne ghehati mhaghu ghami ghotilo fara. Eghume, ghehati mala eni igne gognarona, naugna ghehati theome magnahaghei te lehe na.

Naba 14:14

Eghuteuna naiknodi Ijep gre na cheke eigna igne ka iheire naikno te au ka vido tuana. Mare la kulu nomhini hila eimu iagho na sia Lord. Mare la kulu laseni hila te au iagho baludi nou naiknore nei fakakhana nigho themu teu ka nou naiknore. Mare la kulu laseni hila eigna nou khoveo iagho te au ke klignadi te batudi iagho nou naiknore ka gromno fei narane nei khaꞌaghi fei bongiro teuna.

Profet Isaia 14:29

Lord ne cheke eghu, “Ghotilo naiknomi Filistia ra! Theome keli te glealeꞌa fabrahu ghotilo na! Tutuani, khodo teke puri ghami iara ia la klopahi. Nu keha khodo na au ngau. Khodo igne jateula kaisei mogo faghughumhu tela lehehi ra eghu, nu thugna te karha teuna jaola faghughumhu.

Naba 22:5

ne fatei kaisei nonomho ka mae profet Balam, thugna mae Beo jare ka namono Petoa, rhegna Khoꞌu biꞌo Iufretis. Nonomho igne ne cheke eghu agne, “Iara magnahaghei nigho iagho te laseni eigna kaisei vike biꞌo neke jifla mei funu Ijep. Mare mei au rhegu iara, eghuteuna mare la khotodi hila namono te gnafa re.

Josua 10:2

Mae king igne baludi nogna naiknore ne mhaghu nodi fara, naugna mare laseni namono Gibeon igne kaisei namono biꞌo fara jateula keha namono biꞌo te au nodi king are eghu. Eghuteuna naiknogna namono igne kmana fara salaꞌudi naiknodi Ai, eghuteuna mare jaola thono nheta fara ka magra.

Ululahu Samuel 4:7

mare mhaghu nodi ne fififri fara, ne cheke eghu, “Kaisei god la mei ka nodi namono mare na! Mare ginauna goigoni ghita tahati! Theo kaisei glepo jateula igne teku teke thoke ghita tahati tifa na!

Ululahu Kronikols 14:17

Eghuteuna naikno te gnafa te au heva heva ka namono te gnafa ka nauthoglu igne ne nomhini thoutonu eigna unha te eni mae Devet igne ne fafnaknoni mana, Lord neke eni igne ka mae naokare mala mhaghuni mana.

Profet Isaia 23:5

Kate nomhini naiknodi Ijep igre u thoutonu eigna namono biꞌo Taea igne, mare mhaghu nodi ne nanga nodi fara.

Profet Esikiel 32:9

Kate goigoni nigho iara na, naiknore mhaghu nodi fara. Uve, iara ginauna farhanidi naikno te au ka keha kantri teke theome lase nigho tifa ra ginauna mhaghu nodi fara.

Profet Habaku 3:7

Lord, iara filodi naiknodi ka kantri Kusan igre mhaghu nodi fara, eghuteuna naiknodi Midian igre fififri fara.

Josua 2:11

Kate nomhidi ghehati thoutonu eidi glepo igre, ghehati mhaghu nomi fara. Eghuteuna gognarona gaoghathomi ghehatire thofno glaꞌe farahi. Lord nomi God ghotilo igne mana thofno God gna kligna nei nauthoglu igne.

Josua 9:9

Mare ne cheke eghu ka mana, “Ghehati mei funu ka kaisei kantri te khaba fara. Ghehati nomho kmana thoutonu eigna Lord nomi God ghotilo te edi ka naiknodi Ijep.

Ululahu Samuel 4:8

Nodi God mare igne au nogna nolaghi! Mae ihei gne te tangomana nate hata fajifla ghita ka nogna nolaghi mana na? Igne ngala god mae ihei teke kuru mei puhi biꞌo teke falehedi maedi Ijep ka namono nagou ia.

Nodi Khoje Hatimare Mae Jiu 48:7

Mare ne mhaghu nodi fara jateula hatimare mae pasenja ka vaka te namo lodu ka nuri biꞌo ia eghu.

Profet Habaku 3:6

Kate kegra haghe iagho na, nauthoglu igne nghali. Kate filo iagho ka naiknore, naiknore ginauna suaraghi balu mhaghu. Thogele biꞌo nei gukhu teu teke au funu tifa igre ginauna diha soru pari. Tutuani, God na neke au funu tifa neke au nga gobigna lepo ka nauthoglu igne.