Eksodas 15:11 - Buka Blahi Ka Cheke Holo

¹¹ Lord, theo kaisei god aheva nga te jateula iagho teuna, thono theo fara. Iagho kaisei mae king te blahi fara. Naiknore nabadi te mhaghu nigho nei ghatho tahu nigho teuna. Iagho tangomana te edire u kofubobhoi nei fagaglana teu igre.

Eksodas 15:11 Referans Kwoze

Ululahu Kings 8:23

ne tarai, “Lord, iagho nomi God ghehati naiknomi Israel, theo kaisei god te au kligna ba te au ka nauthoglu te jateula iagho teuna. Iagho leghuni fabrahu nou nhaꞌa cheke teke eni iagho ka ghehati. Eghume ghehati thofno gleꞌa fara te leghuni puhimu iagho na.

Ululahu Samuel 2:2

“Theo kaisei te blahi jateula iagho teuna Lord, eghuteuna theo kaisei god jateula iagho teuna. Iagho kaisei nomi vido keli mala poru ghehati, eghuteuna ghehati theo kaisei naikno te mala togho ghami jateula iagho teuna.

Fapea Samuel 7:22

“Lord God iagho thofno kligna lahu tulao! Theo kaisei jateula iagho teuna! Thono theo fara. Ghehati te nomhini nei laseni teuna kaisei iagho ngala God na. Theo ihei nga.

Thakle 4:8

Fati glepo te karha igre sopa au namno baghi. Glepo te karha igre thinidire iko tongana ka tatha, ke lamna nei ke kosi. Bongi narane na mare theome gnafa te kojeni, “Blahi, blahi, blahi Lord God thofno nolaghi, teke au tifa, nei gognaro gne nei nake pulo mei nathuꞌu nauriha.”

Profet Isaia 6:3

Mare kafe koje fodu eghu fabiꞌo: “Lord mae ihei te au nolaghi fateote'o, mae ihei te blahi fara! Nogna nolaghi biꞌo mana na siasigla ka vido te gnafa ka nauthoglu igne.”

Diutronomi 3:24

‘Lord, iagho nogu Funei iara, iara lase nigho iagho teke fufunu fakakhana nou nolaghi biꞌo na. Theo kaisei god kligna nei ka nauthoglu igne eghu tangomana te edi re nafnata glepo biꞌo te nolaghi te edi iagho igre.

Nodi Khoje Hatimare Mae Jiu 86:8

Lord, theo kaisei god ka keha kantri gre te jateula iagho teuna. Naugna theo kaisei god ka kantri tuare te tangomana te jateula iagho teu te edi gloku te keli gre.

Nodi Khoje Hatimare Mae Jiu 77:14

God, kaisei iagho ngala te tangomana te edi kofubobhoire. Uve, tifa na iagho neke fakakhana nou nolaghi na ka keha naiknore.

Thakle 15:4

Naikno te gnafare ginauna ghatho tahu nigho, eghuteuna pala hagheni nanghamu na. Naugna iagho themu ngala te blahi na. Naikno te gnafa ka namono te gnafa igre ginauna mei mala pogho soru nigho, naugna mare laseni nou gloku iagho te doglore.”

Profet Isaia 40:25

Igne nogna cheke God mae te blahi fara, “Ihei gne te jateula iara teu puhigna na?

Diutronomi 33:26

Aonu mae Moses neke cheke eghu ka naikno te gnafadi Israel, “Theo kaisei god te jateula nomi God ghotilo naiknomi Israel te doglo ra. Mana tangomana te kasa ka maloa na te togho ghami ghotilo, eghuteuna mana tei ke lamna khoveo ka nogna nolaghi biꞌo.

Nodi Khoje Hatimare Mae Jiu 77:19

Iagho neke nonolo ke kligna galo, eghuteuna iagho neke kasa farihotei nhorora, nu theo kolho kaisei naikno teke filo nigho na eghu.

Profet Isaia 40:18

Ihei gne te jateula God teuna? Ba? Mumuju na jateula God eghu filogna na?

Nodi Khoje Hatimare Mae Jiu 35:10

Eghuteuna ka nagnafagu fateo na iara ginauna cheke eghu ka God, “Theo kaisei naikno te jateula iagho teuna, iagho togho fakelidi naikno te nigra re. Eghume naikno te nheta re theome tangomana te goigonidi re naikno te kumare.”

Eksodas 8:10

Mae king ne cheke eghu, “Eni tuana nathuꞌu.” Mae Moses ne cheke eghu ka mana, “Uve, unha te magnahagheni iagho na eni au. Eghuteuna naikno te gnafare ginau na laseni eigna jare na theo kaisei god aheva nga te jateula Lord nomi God teu ghehati mae Hibru gre na.

Nodi Khoje Hatimare Mae Jiu 66:5

Tore, mei si ghotilo, mala filodi glepo te biꞌo te edi God igre. Uve, mei si ghotilo mala filodi gloku te biꞌo fara te edi mana farihoteidi naiknore igre.

Profet Jeremaea 49:19

“Naoka na ginauna mei jateula lion te jifla mei rhegna Khoꞌu biꞌo Jordan te mei ka vido te au sipu tagna ra eghu na megei nga mei. Eghuteuna naiknodi Idom ginauna rikha kokoni nodi kantri na. Aonu iara ginauna vavahi kaisei mae te magnahagheni iara na mala funei fruni ka kantri igne. Theo kaisei mae jateula iara teuna! Ihei gne tangomana nate tapla fapari ghau iara na? Thono theo fara. Eigna theo kaisei mae te funei fruni te au nogna nolaghi te mala tapla fapari ghau iara na.”

Profet Isaia 57:15

Lord mae ihei te haghe nei blahi fara, nei karha fabrahu te tifa te tifa igne, mana ne cheke eghu, “Iara au ka vido te haghe nei blahi, nu iara jaola au baludi naikno te nhaꞌa faparidi thedi nei au diꞌanagnafa fara eidi nakhibodi re teu igre, eghuteuna iara tusu lao ranghidi nakarha majaghani.

Nodi Khoje Hatimare Mae Jiu 145:17

Gobigna lepo te edi Lord gre thofno doglo fara, eghuteuna gobigna lepo te edi mana re falalase ranghi ghita te mae keli fara mana ka tahati na.

Profet Jeremaea 10:16

Nu nogna God mae Jekop igne theome jateula keha nafnata god are eghu. Mana ngala mae ihei teke vuavuhadi gobigna lepo ka nauthoglu igne. Eghuteuna vahi fadelei ghita tahati naiknoda Israel mala nogna naikno thegna. Nanghagna na Lord mae ihei te au nolaghi fateote'o.

Nodi Khoje Hatimare Mae Jiu 119:120

Iara thono mhaghu nogu nigho fara ne ngegra thinigu na. Uve, kate ghathoni iara te fateni iagho naikno na, iara ne mhaghu nogu nigho fara.

Luku 12:5

Iara na falalase ari ka ghotilo unha nafnata mae te mala mhaghuni ghotilo na. Mae jame te mala mhaghuni ghotilo na God ngala, naugna mana au nolaghi te mala falehe ghami ghotilo na, nei jaola au nolaghi te mala koko lao ghami ghotilo Gehena. Uve, kaisei mana ngala jame te mala mhaghuni ghotilo na.

Nodi Khoje Hatimare Mae Jiu 90:11

Theo kaisei naikno te filo glani u nolaghi te diꞌatamu iagho ka ghehati igne. Naugna nou nolaghi iagho na thono biꞌo fara. Uve, theo kaisei naikno te filo glani u namhagu nate thoke ghami ghehati kate diꞌatamu iagho ka ghehati ginauna.

Profet Isaia 30:11

Ghotilo mae profet ra thosei toutonuni mei ka ghehati. Ghehati theome magnahaghei te nomhidi thua nafnata cheke eigna God te Blahi gna Israel!’ ”

Nodi Khoje Hatimare Mae Jiu 89:18

Lord God, iagho ngala te vahini naikno na te mala saghe leghu ghami ghehati na. Uve, iagho ngala te blahi na nei iagho ngala nomi God ghehati mae Israel, nei iagho ngala teke vahini mae king te mala funei fruni ghami ghehati na.

Thakle 13:4

Naiknore ne pogho soru ka pholi biꞌo na naugna mana neke tusu lao nogna nolaghi na ka bosu na. Eghuteuna mare jaola pogho soru ne cheke fakelini bosu na, “Theo kaisei naikno te nheta jateula bosu igne teuna! Jaola theo kaisei naikno te naba te mala magra nei tapla soruni teu bosu tuana!”

Eksodas 3:20

Iara ginauna loku ka nogu nolaghi mala edi kmana nafnata kofubobhoi ka tathadi naiknodi Ijep, mala mhaghu nei paradi eghu mare. Eghuteuna ke leghugna igne, king ginauna snakre ghami mala jifla ghotilo.

Eksodas 9:14

Jame te theome eni iagho igne na, gognaro na iara ginau para nigho iagho baludi nou mae funei nei naikno teu iagho are. Ghotilo ginau na thofno laseni te theo kaisei god jateula iara teu te au nolaghi biꞌo ka nauthoglu igne na.

Eksodas 18:11

Gognaro na iara thofno laseni Lord na thono uludi fara keha god te pogho sorudi keha naikno re, naugna Mana ne reireghi fakeli ghami ghotilo ka narane te fakokhoana ghami ghotilo mae Ijep ra.”

Eksodas 20:3

“Thosei ghatho tahuni kaisei god delei, kaisei Iara ngala te mala ghatho tahu ghau ghotilo na.

Fapea Kronikols 2:5

“Iara ghaoghatho mala horo kaisei famane Sugablahi biꞌo malagna mana, naugna nomi God ghehati maemi Israel igne haghe fara salaꞌudi keha god are.

Fapea Kronikols 6:14

Aonu mana ne tarai eghu, “Lord, nomi God ghehati maemi Israel, theo kaisei god aheva nga kligna ba ka nauthoglu igne te jateula iagho teuna. Iagho leghuni nou nhaꞌa cheke na ne ghatho tahudi nou naikno iheire te thofno magnahaghei te leghuni puhimu iagho na.

Nodi Khoje Hatimare Mae Jiu 22:23

Iara ginauna na cheke eghu, “Ghotilo maemi Israel, vikegna mae Jekop te ghatho tahuni nei pogho soruni teu God ra. Ghotilo mala cheke fakelini mana.

Nodi Khoje Hatimare Mae Jiu 113:5

Theo kaisei naikno te jateula God noda Lord tahati gne teu na. Mana mae King te gnokro teu kligna ka nogna sape nafnakno na.

Nodi Khoje Hatimare Mae Jiu 136:4

Lord ngala teke edi kofubobhoi te biꞌo te jaglodi fara tahati gre. Mana ne namha ghita tahati tifa tifa.

Profet Maeka 7:18

Lord, theo kaisei God jateula iagho teuna. Iagho paradi nou naiknore, nu iagho atha fadelei nakhibodi iheire te karha teu eghuteuna iagho theome tangomana te goigonidi mare na. Iagho ginauna na theome diꞌa tamu fabrahu, naugna leuleghu fata na iagho glealeꞌa kolho fagaglana gna iagho te ghatho tahu ghami ghehati.

Eksodas 8:6

Aonu mae Eron ne leghuni chekegna Lord na ne loku haghe nogna khodo na ke kligna khoꞌu biꞌo, eghuteuna groma na ne haghe ne thafru kantri thongana na.

Diutronomi 1:30

Lord, nomi God ghotilo ginauna batu ghami ghotilo mala magra balumi ghotilo, jateula tela filonihi ghotilo Ijep

Diutronomi 4:34

Ba, keha god au aheva nga teke tei ka kaisei kantri teke hata fajifla naikno ka namono igne te mala nogna naikno thegna na? Theo! Nu Lord neke tei Ijep neke hata fajifla ghita ka khame nhetagna. Ghotilo neke filo tathami unha teke eni Lord nomi God, mana neke hata fajifla ghami ghotilo Ijep, mana neke loku ka puhi biꞌo, nei ka kofubobhoi, nei ka nolaghi, nei ka magra biꞌo, nei ka glepo te mamhaghuana fara.

Ululahu Kronikols 16:25

God na fnakno kligna lahu. Uve, tahati pala hagheni nanghagna mana na. Mana haghe fara tulao salaꞌudi keha god are. Tahati mala ghatho tahuni mana kolho.

Nodi Khoje Hatimare Mae Jiu 60:2

Iagho neke fakheudi glose au teu ghehati gre, gognaro na la bagra la khora biꞌo. Glose gne la diꞌa, ke fakekheli fapulo sagho.

Nodi Khoje Hatimare Mae Jiu 77:11

Lord God, iara ginauna ghathodi glepo biꞌo teke edi iagho ra. Uve, iara ginauna ghathodi glepo biꞌo teke edi iagho tifara.

Nodi Khoje Hatimare Mae Jiu 86:10

Kaisei iagho ngala thofno God na. Uve, kaisei iagho ngala te au nolaghi na, nei kaisei iagho ngala te tangomana te edire glepo te biꞌore.

Profet Isaia 46:9

Ghotilo ghathodi glepo teke edi tifa ra. Eghuteuna te mala laseni ghotilo na, kaisei iara ngala God na, theo kaisei god ahevanga te jateula iara teuna.