Eksodas 14:10 - Buka Blahi Ka Cheke Holo

¹⁰ Kate filoni hatimare mae Israel mae king gna Ijep na te mei balugna nogna tothoghei soldia na, naiknore ne thono mhaghu nodi fara ne toreni Lord mala toghodi mana.

Eksodas 14:10 Referans Kwoze

Nodi Khoje Hatimare Mae Jiu 107:6

Kate au teu mare ka hoholo na, mare tanhi lao ka Lord mala toghodi. Aonu mana ne fakarhidi ka thua hoholo fateote'o.

Nodi Khoje Hatimare Mae Jiu 34:17

Kate tarai nogna naiknore mala toghodi teuna, Lord ginau na toghodi nei hata fajifladi eghu ka hoholo.

Nehemaea 9:9

“Eghuteuna kate au teku kuꞌemi ghehati Ijep ra, iagho neke filodi maedi Ijep gre neke paradi fara mare. Eghuteuna kate jifla mare Ijep te tei ka Thongna Ukru na iagho neke nomhidi mare neke tanhi ka iagho mala toghodi.

Josua 24:7

kuꞌemi ghotilo ra neke tanhi mei ka iara mala togho ghami ghotilo, aonu iara neke lisei soru gromno biꞌo farihoteimi ghotilo nei maedi Ijep. Iara jaola neke eni thongna biꞌo na mei toku tafrudi maedi Ijep teke ngolhi ghami ghotilo igre. Eghuteuna mare ne kafe knoho ka thongna igne. Ghotilo la filodihi unha teke edi iara ka maedi Ijep ka narane tuana. “ ‘Ghotilo neke au kmana finogha ke lamna namono nagou,

Nodi Khoje Hatimare Mae Jiu 106:44

Nu kate tanhi lao mare ka mana na, mana nomhidi mare ne kokhoni nognadi, naugna mare ne au fari hotei hoholo.

Nodi Khoje Hatimare Mae Jiu 53:5

Nu mare ginauna na thono mhaghu nodi fara. Tifa na mare neke theome mhaghu nodi jateula tuana neku. Thono theo fara. God ginauna falehedi nei tofa tafridi eghu nhubradire. Mana ginauna roꞌedi naugna mana ne theome magnahaghedi.

Fapea Kronikols 18:31

Aonu kate filoni King Jehosafat igne, nogna komanda king gna Siria igre gaoghathodi mare na ne king gna Israel neu nodini ne tei magra ka mana. Nu King Jehosafat ne eha fabiꞌo ka Lord, eghuteuna Lord ne toghoni mana. God brue teidi mare ne tei kokoni mana.

Ululahu Jone 4:18

Theo kaisei namhaghu ka thofno namha na. Nu thofno namha na brue fadeleini namhaghu. Eghuteuna ihei te ofoni fate na au balu mhaghu. Eghume ihei te mhaghu na, thofno namha na theome horoghoto ka mana.

Profet Jeremaea 22:23

Gognarona ghotilo au fakeli nomi ka famane suga te keli teke horo ka gaju sida gna Lebanon. Nu puhi biꞌo ginauna thoke ghami ghotilo. Eghuteuna ghotilo ginauna kabru ghemi tanhi fabiꞌo jateula gaꞌase te kabru kate fakarha sua ra eghu.”

Profet Isaia 26:16

Lord! Kate mei te para ghami iagho na nou naikno themu gre, ghehati ke ghatho fapulo ka iagho neke tarai ari ka iagho.

Profet Isaia 7:2

Kate nomhini King Ehas baludi nogna naiknore te loku fodu nodi soldia phei king igre te mala magra Juda na, mare ne mhaghu nodi fara.

Nodi Khoje Hatimare Mae Jiu 107:28

Kate au teu mare ka hoholo na, mare tanhi lao ka Lord mala toghodi. Aonu mana ne fakarhidi ka thua hoholo fateote'o.

Nodi Khoje Hatimare Mae Jiu 107:19

Kate au teu mare ka hoholo na, mare tanhi ka Lord mala toghodi. Aonu mana ne fakarhidi ka thua hoholo fateote'o.

Nodi Khoje Hatimare Mae Jiu 107:13

Kate au teu mare ka hoholo na, mare tanhi lao ka Lord mala toghodi. Aonu mana ne fakarhidi ka thua hoholo fateote'o.

Eksodas 15:25

Aonu mae Moses ne tarai heta ka Lord ne cheke eghu, “Lord, togho ghau iara!” Lord ne falalase ka mae Moses kaisei phugra gaju ikoi. Mae Moses ne atha haghe phugra gaju ikoi tuana ne koko lao ka khoꞌu te raha na. Eghuteuna khoꞌu na neke keli neke naba mala teke koꞌu na. Ka vido igne God ne tusu ranghidi hatimare mae Israel keha vetula nei fariuriudi mare jare mala laseni glahula me leghuni Mana gu theo ghu teu naiknore.

Diutronomi 9:7

“Ghotilo thosei ghatho ihoni unha teke eni Lord nomi God ka namono nagou ia, mana neke diꞌatagna fara ka ghotilo. Funu ka narane teke jifla ghotilo Ijep te thoke ka narane te mei posa ghotilo ka namono igne, ghotilo neke theome leghuni Lord.

Nodi Khoje Hatimare Mae Jiu 81:7

Kani teke thoke mei puhi biꞌo ka ghotilo na, ghotilo kilo mei ghau iara, eghuteuna iara neke fakarhi ghami ghotilo. Uve, iara ngala teke togho ghami ghotilo kani teke mei iara ke lamnagna fila ia. Iara neke fariuriu ghami ghotilo jare ke lamnagna namono nagou na ka glokha khoꞌu Meriba.

Eksodas 13:17

Ke leghugna te snakredi mae king gna Ijep gne naiknore te jifla Ijep na, God na neke theome batudi naiknore ka nabrou te namo te ratha te tei ka kantri Filistia. Naugna God na ne cheke eghu ka nagnafagna na, “Jame te leghuni naiknore u nabrou te namo igne na, naiknore ginau na filodi keha vike re te mei magridi na, eghuteuna mare tangomana teke tughu nagnafa teke figri Ijep na eghu.”

Josua 24:6

Eghuteuna kate hata fajifla ghami iara baludi kuꞌemi ghotilo ra, maedi Ijep ne hata chariot mala magra, baludi soldia te saghe ka hose, eghuteuna mare neke ngolhi ghami ghotilo. Eghuteuna kate tei te thoke ghotilo ka Thongna Ukru na,