Eksodas 12:14 - Buka Blahi Ka Cheke Holo

¹⁴ “Ghotilo mala ghathoni fabrahu narane tuthuana igne leuleghu finogha. Ghotilo mala gleale'a balu gaghamu biꞌo eigna unha teke eni iara ranghi ghami ghotilo na. Eghuteuna iheire nate karha mei ke leghumi ghotilo ginau re mala jaola eni gaghamu biꞌo igne.”

Eksodas 12:14 Referans Kwoze

Fapea Kings 23:21

King Josia ne cheke eghu ka naiknore, “Tahati na ei Gaghamu Ghasa-Polho mala cheke fakelini Lord, noda God. Tahati na eni jateula te chekeni ka Buka Nhaꞌa cheke ia eghu.”

Eksodas 12:24

“Kate jifla te tei ghotilo ka kantri teke nhaꞌa chekenihi Lord ka ghotilo ia, ghotilo nei goro thumi are teuna, ghotilo mala eni koba u Gaghamu Ghasa-Polho igne leu leghu finogha na.

Eksodas 12:17

“Ghotilo mala ei Gaghamu biꞌo eigna u Bret te Theo Isi gna na. Igne kaisei nomi narane biꞌo ghotilo te mala ghathoni ghotilo leuleghu finogha na. Naugna ka narane ulu lahu ka fafitu narane na, iara neke atha fajifla ghami ghotilo Ijep.

Eksodas 12:43

Eghuteuna Lord ne cheke eghu ka mae Moses ghe mae Eron, “Igne u vetula eigna u Gaghamu Ghasa-Polho na. “U Gaghamu Ghasa-Polho igne malami ghotilo kolho theome maladi keha naikno delei.

Matiu 26:13

Tutuani fara, te chekeni iara ka ghotilo na. Aheva ka nauthoglu igne te toutonuni Nonomho te Keli na, naiknore ginauna nake ghatho fapuloni unha teke eni naꞌa igne.”

Nodi Khoje Hatimare Mae Jiu 135:13

Lord naikno igre ginauna laseni fabrahu nou nafnakno iagho na. Uve, naiknore ginauna theome gnafa te toutonu eigna te iagho ngala God na teuna.

Nodi Khoje Hatimare Mae Jiu 111:4

Lord magnahaghei ghita tahati te ghathodi fabrahu glepo te keli teke edi mana igrei. Eigna Lord ne thofno keli ranghi ghita nei kokhoni ghita eghu fabrahu.

Diutronomi 16:11

Ghotilo balu thumi, nomi mae gloku nei gaꞌase gloku, nei mae Livaet ka namonomi ghotilo ra, maedi delei te au balumi ghotilo ra, goro sua glehe kokoi ra, goro naikno biꞌo ra, ghotilo te gnafa na kafe tei mala glealeꞌa ka vido blahi aheva Lord teke vahini te mala au nanghagna na.

Diutronomi 16:1

Aonu mae Moses ne cheke eghu, “Leuleghu finogha, ka nhigra Abib, ghotilo ei Gaghamu Ghasa-Polho. Ghotilo eni gaghamu igne, naugna kaisei bongi ka nhigra Abib, Lord, nomi God ghotilo na neke hata fajifla ghami ghotilo Ijep.

Eksodas 5:1

Moses ghe Eron tei ne filoni king gna Ijep, eghuteuna phiamare ne cheke eghu ka mana, “Lord nodi God maedi Israel ne cheke eghu, ‘Snakredi nogu naikno iara gre mala jifla ka kantri igne, mala tangomana mare ei gaghamu ka iara ke lamna namono nagou!’ ”

Luku 22:19

Ke leghugna igne, mana hata bret na, ne cheke fakelini ka God, mana piepike ne tufa ka mae fanomhore. Aonu mana ne cheke eghu, “Igne thinigu iara na, iara tusu ari ka ghotilo mala fakarha ghami ghotilo. Ima igne mala ghatho fapulo ghau iara.”

Profet Sekaraea 6:14

Eghuteuna khepi nafnakno igne ginauna au fabrahu ka nogna Sugablahi Lord jateula kaisei tuthuana mala ghatho tahudi mae Heldae, mae Tobaeja, mae Jedaea, nei mae Josaea thugna mae Sefanaea.

Profet Esikiel 46:14

Leuleghu narane na, ghotilo ginauna hata mei thilo kilo flaoa ka famane wit balugna kaisei lita oliv oel mala ngigno ka flaoa igne, mala hata mei ka iara. Ghotilo mala leghuni vetula igne mala hata mei ka koba iara.

Ululahu Samuel 30:25

Aonu mae Devet ne eni vetula igne, eghuteuna funu ka narane igne, hatimare mae Israel leghuni vetula igne ne ghilei mei posa ka narane igne.

Josua 4:7

Tahati ginauna cheke eghu ranghidi, ‘Igne tuthuana eigna narane teke pala mae pris nogna Bokis Blahi Nhaꞌa Cheke Lord na teke kasa ka Khoꞌu biꞌo Jordan igne, eghuteuna khoꞌu biꞌo igne neke krango. Thina igre ginauna au fabrahu ka vido igne, eghuteuna iheire nate karha mei ke leghuda tahati re ginauna ghathoni fabrahu unha teke eni ka tahati ka vido igne.’ ”

Naba 18:8

Aonu Lord neke cheke eghui ngala ka mae Eron, “Uve, fafara te blahi te funu ka naiknodi Israel te theome raꞌe gahu te knoro igre, iara ginauna tufa ari fafara igre ka iagho nei thumu iaghore eghu. Eghuteuna glepo tuare ginauna nomi ghotilo fabrahu.

Naba 10:8

“Eghuteuna thugna mae pris Eron gre kolho te mala ifudi phei nifu tuare. Nu igre phei vetula te mala tathaji fabrahu ghotilo ginauna:

Eksodas 12:6

Kaisei tharakna teuna mare mala famane tathaji fakeli u sipu ba nanigot teke vavahi thedire ghilei thokeni grafi gna nabotho fati narane gna nhigra igne. Ka grafi gna narane tuana goro mae biꞌo re ginau na aknu falehe sipu ba nanigot.

Eksodas 23:15

“Ghotilo mala khapru ka Gaghamu biꞌo eigna Bret te Theo Isi gna igne mala tarai jateula teke chekeni iara ka ghotilo ia eghu. Ghotilo mala ima bret te theo isi gna igne nabagna fitu narane ka narane teke lilisei iara ka nhigra Abib, naugna ka nhigra igne ngala teke jifla ghotilo Ijep na. “Eghume kate mei ghotilo ka iara na, ghotilo mala atha mei balumi kaisei famane glepo mala fafara ka iara.

Levitikas 23:6

Eghuteuna ka nabotho glima narane gna nhigra igne, ghotilo ginauna mala fufunu Narane biꞌo gna Bret te Theo Isi gna tuana. Narane biꞌo tuana eni nabagna fitu narane eghuteuna bret te ghamu ghotilo na mala theo kaisei isi tagna.

Diutronomi 6:8

Ghotilo rioriso soru cheke igre, eghuteuna haru famaku jateula kaisei tuthuana eghu ka khamemi nei ka greremi teu are.

Eksodas 27:21

Leuleghu bongi na, Eron na fakasa juta re ka Thaba te lilisei Juta, eghuteuna mana fiofilodi mala phae ke ulugu iara ghilei hamerane. Thaba te mala lilisei Juta igre mala au ke ulugu iara ke lamna Suga Tapuale te Blahi ke kosi ka pohe te bobotho Chogho te Thofno Blahi fara na aheva te au Bokis Blahi na. Ghotilo naiknodi Israel mala leghuni fabrahu vetula igne.”

Naba 15:15

Ka tathagna Lord na, ghotilo te gnafa na kaisei nanaba gnafa ngala, neubane mae gna Israel ba mae phosa kolho, vetula gna fafara igne ginauna au fabrahu ka ghotilo gnafa.