Eksodas 12:13 - Buka Blahi Ka Cheke Holo

¹³ U dadara te ghiha ghotilo ka nomi sugare igne falalase ghau iara aheva te au teu ghotilo na. Kate filoni iara u dadara igne na, iara na ghasa polho ghami ghotilo. Eghuteuna ghotilo ginau na theome nanga nomi kau glehe nate eni iara ranghidi naiknodi Ijep gre.

Eksodas 12:13 Referans Kwoze

Hibru 11:28

Mana ne fatutuani ni God. Naugna igne, mana ne fufunu narane Gaghamu Ghasa-Polho na. Mana neke cheke ranghidi naiknogna Israel mala fuafusa dadaradi sua sipure ka grengathadi nodi sugare. Ka puhi igne nogna engel God ne falelehe fateo goro sua nalhaꞌu teke kulu karha ka naiknodi Ijep. Eghuteuna theo kaisei sua te lehe ka goro sua nalhaꞌu teke kulu karha ka naiknodi Israel.

Eksodas 12:23

Ka bongi tuana Lord ginau na tei ka vido te gnafa ka kantri Ijep gne mala falelehe mae sua nalhaꞌu teke kulu karha ka naiknodi Ijep. Kate filodi Mana u dadara te au ka geridi nomi grengatha ghotilo re, Mana ginau na ghasa polho ghami ghotilo. Eghuteuna Mana na theome snakreni engel te mala falehe naikno na te ruma te mala falelehe thumi ghotilo re.

Ululahu Jone 1:7

Nu te au tahati ka naphae ke ulugna God jateula mae Jisas Kraes teuna, tahati na kaisei au fodu fari theda, eghuteuna dadaragna mae Jisas Kraes Thugna God na fagaedi nakhiboda fateote'o re.

Ululahu Tesalonika 1:10

Jaola te chekeni mare na ghotilo ofoni Thugna God mala mei vuha kligna. God neke fakarha fapuloni mae Jisas ka glehe mala tangomana mana te fakarhi ghita ka fate nogna God nate mei tutuani thogheiro.

Josua 2:12

“Gognarona iara magnahaghei ghami ghopa te eni kaisei nhaꞌa cheke ka nanghagna nomi God na mala theome eni kaisei glepo te diꞌa ka iara baludi tharaknagu iara igre, jateula te eni iara ka ghopa gognarogne eghu. Ghopa na eni kaisei fagaglana ranghi ghau iara mala tutuani nomi nhaꞌa cheke na.

Eksodas 12:11

Kate ima na, ghotilo kulu famane pipichi fakeli nomi, fahaghe nomi sadol are nei louloku nomi khodo are eghu. Ima faghoeghose balu mhaghu nei rharhana eghu, naugna u Gaghamu Ghasa-Polho igne mala ghatho tahu ghau iara, nomi Lord na.

Profet Esikiel 9:4

Lord ne cheke eghu ka mana, “Iagho tei tongana ka namono igne, eghuteuna lilisei fagaglana ka greredi iheire te au diꞌanagnafa nei tanhi teu eidi glepo te diꞌa teke edi keha naiknoi ke lamnagna namono igne.”

Eksodas 12:7

Eghuteuna naiknore na atha keha dadara mala ghiha ka phei phile re nei ke kligna eghu ka grengathagna nodi suga na.

Josua 2:18

Nu igne unha te mala eni iagho na. Kate mei ghehati na, iagho hata gnarho ukru igne mala fagefe soru ka wida teke farurhu soru ghami ghepa iagho ka phukri igne mala laseni ghehati nou suga iagho na. Eghuteuna iagho idomu, kmamu, greghamu, thabusimu teu igre balu tharaknadi mala mei au fodu ka suga igne.