Eksodas 10:3 - Buka Blahi Ka Cheke Holo

³ Aonu mae Moses ghe Eron ne leghuni chekegna Lord na ne tei filoni king, ne cheke eghu ka mana, “Nomi Lord God ghehati mae Hibru gre na ne cheke eghu: Ba? Niha fata tirou fanomho nei au fapari nigho themu eghu sagho ia? Snakredi nogu naikno iara gre mala tei pogho soru ghau iara.

Eksodas 10:3 Referans Kwoze

Ululahu Pita 5:6

Eghume ghotilo nhaꞌa fapari ghami themi mala au ke pari khamegna God te nolaghi fara. Kate thoke mei thofno narane na, mana ginauna na nhaꞌa haghe ghami ghotilo.

Jemes 4:10

Nhaꞌa fapari ghami themi ke ulugna God eghuteuna God ginauna nake nhaꞌa haghe ghami ghotilo.

Ululahu Kings 21:29

“Ba, iagho filoni King Ehab tela nhaꞌa faparini thegna gognarogne? Naugna tela nhaꞌa faparini thegna mana ke ulugu iara igne, iara ginauna theome eni kaisei puhi biꞌo mala thokeni mana kate karha teu mana na. Nu puhi biꞌo igne ginauna thokedi vikegna manare ka narane te king thugna mana na.”

Hibru 12:25

Eghume fanomho ghotilo eghu, thosei fofotho khulimi are ka God mae ihei te cheke teu ka ghotilo. Naiknodi Israel tifa re neke tirodi fanomho ka chekegna God te mei ka nauthoglu igne. Kate eni igne, mare neke theome rikhani fate na. Gognaro tahati nomhini chekegna God te mei funu kligna na. Tutuani fara, jame te tirodani tahati nogna cheke mana na, theo kaisei nabrou aheva nga te mala rikha tahati na!

Letas Teke Riso Tei Mae Pol Ka Khiloau Rom 2:4

Jau ghotilo ghatho faꞌikoini kolho puhigna God na, eigna mana au kmu fara nei theome faghose diꞌatagna, nu mana ofou kolho. Ba, ghotilo theome filo glanini kolho God te au kmu fara na, naugna mana magnahaghei ghami ghotilo te mala tughu nagnafa na eghu sia?

Profet Jeremaea 13:18

Aonu Lord ne cheke eghu ka iara, “Iagho tei cheke eghu ka mae king ghe idogna, ‘Ghopa thosei gnokro ka nomi sape nafnakno re, naugna nomi khepi nafnakno ghopa re la theo nafudihi, eghuteuna ghopa theome tangomana te funei fruni ni kantri igne gognarona.’ ”

Profet Esikiel 5:6

Neuba, naikno te gnafa Jerusalem igre theome magnahaghedi kolho nogu cheke iara re. Puhidi te diꞌa re thono diꞌa fara salaꞌudi puhidi naiknodi keha kantri te au lithuidi mare are. Mare tirodi leghu ghau iara, ba fanomho ka nogu cheke iara re, eghuteuna mare theome magnahaghei te leghudi nogu vetula iara re.

Profet Jeremaea 13:10

Naikno te diꞌa igre tirodi leghu ghau iara. Mare theome fanomho, nu mare leghuni kolho unha te magnahagheni thedi na. Mare leghudi nei tarai eghu ka nodi god mae bongihehe. Naugna igne, naikno igre ginauna theo nafudi jateula pohe te theo nafugna te theo kaisei naikno te magnahaghei pipichi ka pohe tuana.

Profet Isaia 2:11

Ka narane igne, Lord ginauna nhaꞌa faparidi naikno te fahaehaghe are, eghuteuna naikno te gnafa igre ginauna ghatho tahuni Lord kolho.

Profet Isaia 1:5

Naugna unha si ghotilo te tiromini chekegna God ignea? Ba, ghotilo magnahagheni God te para ghami fabrahu sia? Puhimi ghotilo re jateula mae te au nafnera biꞌo ka phaꞌugna na te theome ghaoghatho fakeli ra eghu.

Proveb 18:12

Jame mae te fahaehaghe te pala hagheni nanghagna thegna, ke leghu na ginauna krofu pari. Iagho theome naba te hata nangha biꞌo na jame te theome kulu nhaꞌa fapari nigho themu na.

Proveb 1:24

Iara kilo ghami ghotilo fabrahu mala mei ka iara, nu ghotilo tiromi mei.

Proveb 1:22

“Ghotilo iheire te theome au tami gaoghatho te keli ra, ghotilo magnahaghei te au jateula tuana eghu fabrahu? Ghotilo jateula naikno te fameomekro eghu. Ghotilo theome magnahaghei te hata glalase te keli, eghuteuna ghotilo cheke fahaehaghe tagna. Niha nau koko nga ghotilo puhi igne?

Thoutonu Eigna Mae Job 42:6

Eghume, iara tirogu ghau thegu, eghuteuna iara gnokro lamna nakrofu nei ka gaughavu glose fagaglana gna te tughu nagnafa iara na.”

Fapea Kronikols 33:19

Eghuteuna keha glepo la ngau teke edi Manase re, Hosae neke rioriso soru ka nogna buka na. Ka buka igne, au thoutonu eigna nogna tharai mae Manase nei nogna cheke tughu God ranghini mana. Eghuteuna ka buka igne jaola au thoutonu eidi glepo te diꞌa teke kulu edi mana re, nei thoutonu eidi puhigna mana te diꞌa re, nei thoutonu eidi vido aheva teke horo mana vido blahi re, nei thoutonu eigna mumuju gna god gaꞌase Asera nei keha mumuju god teke lisei haghe langau mana re eghu. Igre glepo teke edi mana ame nhaꞌa faparini nga thegna teku na.

Fapea Kronikols 33:12

Mana au papara ne diꞌanagnafagna fara, aonu mana ne tarai ne toreni God mala toghoni. Mana nhaꞌa faparini thegna neke figri ka Lord nodi God kuꞌegna tifa ra.

Ululahu Kings 18:21

Profet Elija kegra ke uludi naiknore ne cheke eghu, “Niha fata au tami si ghotilo phei nafnata gaoghatho igre ia? Jame Lord gne te God tutuani na, leghuni mana, nu jame Baal gne te god tutuani na, leghuni mana.” Nu naiknore ne theome ghagri kaisei cheke.

Naba 14:27

“Niha fata buiburi ghau iara si naikno te diꞌa igrea? Tutuani, iara nomhidi nodi cheke mare te buiburi ghau iara igre.

Eksodas 16:28

Aonu Lord ne cheke eghu ka mae Moses, “Ghema Moses, niha fata tiromi fanomho ka nogu cheke nei ka nogu farirhiu teu iara gre siba ghotilo mae Israel grea?

Eksodas 9:17

Nu iagho ne maku fara nagnafamu na ne theome snakredi nogu naikno iara gre mala tei neu.

Fapea Kronikols 7:14

Nu jame te nhaꞌa fapari ghami themi ghotilo nogu naikno iara ra, eghuteuna koko ghotilo puhimi te diꞌare, eghuteuna tarai mei ghotilo ka iara teuna, neubane au neu iara kligna, iara ginauna nomhi ghami ghotilo. Eghuteuna iara ginauna hata fadelei nakhibomi ghotilo re, eghuteuna iara ginauna eni glose igne mala ke keli fapulo.

Eksodas 4:23

Eghuteuna iara neke kulu chekehi te iagho mala snakreni thugu iara na mala jifla ka namono igne, mala mei tufru soru ghau iara. Nu naugna iagho ne theome snakredi mare te mei na, iara ginauna aknu falehe thumu nalhaꞌu ululahu iagho na!’ ”

Eksodas 10:4

Jame te theo iagho na, iara nathuꞌu na ginau kuru mei kmana cheche fara mala mei fodu ka nou kantri iagho igne.

Fapea Kings 22:19

Iagho neke diꞌanagnafa nei nhaꞌa fapari nigho themu neku ke ulugna Lord kani teke nomhini iagho teke cheke faparini Jerusalem nei naikno gna ra. Iagho neke tanhi ke ulugu iara eidi nakhibomu re, eghuteuna iagho neke rerheku nou pohere kate nomhini iagho eigna namono igne ginauna groꞌe teuna. Tutuani fara, iara la nomhidihi nou tharai ghotilo ra.

Profet Jeremaea 50:29

Lord ne cheke eghu, “Ghotilo mae te lase fada ka phaloho ra, ghotilo tei magra Babilonia. Ghotilo bara ligohoni Babilonia mala theome tangomana kaisei naikno te rikha na. Ghotilo ke tughu fapulo unha teke edi mare ra. Uve, paradi si ghotilo jateula teke edi mare ka keha naikno ra eghu. Naugna mare ne phaꞌu maku fara ne theome leghu ghau iara Lord nodi God mae Israel te thofno blahi fara.

Profet Daniel 5:22

“Iagho gragna mae Nebukadnesa, eghuteuna iagho lasedihi glepo igre. Nu neuba, iagho theome nhaꞌa fapari nigho themu.

Eksodas 5:1

Moses ghe Eron tei ne filoni king gna Ijep, eghuteuna phiamare ne cheke eghu ka mana, “Lord nodi God maedi Israel ne cheke eghu, ‘Snakredi nogu naikno iara gre mala jifla ka kantri igne, mala tangomana mare ei gaghamu ka iara ke lamna namono nagou!’ ”