Efesus 5:22 - Buka Blahi Ka Cheke Holo

²² Ghotilo gaꞌase tholaghi ra leghudi khetomi are jateula ghotilo te leghuni Lord eghu.

Efesus 5:22 Referans Kwoze

Kolose 3:18

Ghotilo goro gaꞌasera, leghudi khetomire, naugna ghotilo naikno khiloau.

Taetus 2:5

Goro naikno biꞌo are mala farirhiudi goro gaꞌase majaghani are mala reireghi fakelidi reꞌe thedi nei au fakeli eghu, reireghi fakelidi nodi sugare, namhadi nei leghudi eghu puhidi khetodire eghu. Aonu mala theome tangomana kaisei naikno te cheke fadiꞌani u nogna Nonomho te Keli God na.

Jenesis 3:16

Aonu God ne cheke eghu ka gaꞌase na, “Iagho ginauna na para nigho fara kate bukla na. Eghuteuna iagho ginauna na kabru gheu fara kate karha gna sua na. Neuba iagho ne au papara, iagho ginauna na magnahagheni fara khetomu na, eghuteuna mana ginauna na funei fruni nigho iagho.”

Efesus 5:22

Ghotilo gaꞌase tholaghi ra leghudi khetomi are jateula ghotilo te leghuni Lord eghu.

Nogna Buka Esta 1:20

Kate nomhini vetula majaghani igne, goro gaꞌase te gnafa te au ke lamnadi phei kantri igre ginauna ghatho tahudi khetodire. Eghume ginauna, neubane khetodi hatimare mae funei ba fiti mae kolho, rehati ginauna na jaola ghatho tahudi khetodire.”

Ululahu Korin 14:34

Kheraguro, te keli na goro gaꞌasere nabadi na mala au kmu kolho kate tarai na. Iara theome snakredi reꞌe te cheke na. Rehati jaola mala theome baubatu. Igne unha te chekeni ka nogna vetula mae Moses na.

Nogna Buka Esta 1:22

Mana ne kilodi hatimare mae sekretri mala rioriso cheke igre ka nodi soasopai cheke naikno te au ka provins te gnafa ke lamnagna kantri Pesia, “Mae nalhaꞌu na ngala te mala funei fruni ni tharakna thegna na.”

Efesus 6:5

Ghotilo naikno sneka ra, leghudi nomi funei ka nauthoglu gne balu mhaghu nei ghatho tahu eghu. Eghuteuna gaoghathomi ghotilo re mala au doglo, eigna ghotilo leghudi mare jateula ghotilo te leghuni Kraes.

Kolose 3:1

Ghotilo neke karha fapulohi balugna mae Kraes. Eghume, ghotilo magnahagheini fabrahu unha te au kligna na, aheva mae Kraes te gnokro soru ka sape nafnakno mala funei ka khame nhetagna God.