Efesus 5:12 - Buka Blahi Ka Cheke Holo

¹² Glepo te edi poru naiknore igre, neubane chekeni kolho tahati, thono mamaja noda ni fara.

Efesus 5:12 Referans Kwoze

Efesus 5:3

Nu te gnognoro ba eni te kaisei nafnata glepo te diꞌa ba mamagna teu igre, thofno theome naba ghotilo naikno blahi nogna God ra te edire.

Letas Teke Riso Tei Mae Pol Ka Khiloau Rom 2:16

God ginauna tusu lao nolaghi ka mae Jisas Kraes mala fatedi naikno te gnafare. Mana ginauna fatedi, kehare na fate fadoglodi nei kehare mala fate falehedi. Igne ginauna thoke mei ka narane God nate fatedi gobigna lepo te poru teku ke lamnadi naiknore. Eghuteuna igne leghuni u Nonomho te Keli te toutonuni iara gne.

Profet Jeremaea 23:24

Eghume, theome tangomana kaisei naikno ka ghotilo te poru ka tathagu iara na. Naugna iara fodu ka vido te gnafa kligna ba ka nauthoglu pari igne!

Eklesiasti 12:14

Neuba tahati ne eni unha glepo te keli ba unha glepo te diꞌa na, God ginauna fatedi gobigna glepo te gnafa gre baludi glepo te poru teu.

Fapea Samuel 12:12

Iagho eni puhi te diꞌa na ka vido te poru, nu iara ginauna na chekeni mae ihei te namhani fara iagho igne mala eni puhi te diꞌa na ka vido te snagla, eghuteuna naikno te gnafa Israel igre ginauna kafe filo tathadi.”

Thakle 20:12

Eghuteuna iara ne filodi naikno te gnafa teke lehe ra, mae teke fnakno ba mae teke theome fnakno tifa ra, mare kegra ke ulugna nogna sape nafnakno mae King na. Eghuteuna mare ne tothora bukare mala toutonudi unha teke edi teke mei naikno te gnafare ka nakarhadire. Aonu mare jaola ne tothora nogna buka God na. Mana neke rioriso soru nanghadi naikno te mala karha fabrahu tifa tifa ka buka igne. Mana ne kafe fatedi naiknore leghudi unha teke edi mare re.

Ululahu Pita 4:3

Tifa na ghotilo neke raꞌe salaꞌui fara kate leghuni puhidi naikno te theome fatutuani ni God re, eigna ghotilo neke magnahagheni fara te jafra ka ihei na, ghotilo magnahagheni fara te eni puhi te diꞌa na, ghotilo magnahagheni fara te koꞌu waen na, ghotilo neke eꞌei gaghamu biꞌo mala ghamu nei koꞌu nei edi glepo te thono diꞌa fara re, nei ghotilo edi glepo te jafra fara kate tufru sorudi ghotilo mumujure.

Proveb 9:17

“Khoꞌu te blau iagho igne, mamahe salaꞌui! Eghuteuna gano te ghamu poru iagho igne, famane mamahe fara!”

Efesus 5:11

Eidi naikno te au nga teu kate romno gre, ghotilo thosei fofodu baludi mala edi glepo te diꞌare. Eigna glepo igre mala fadiꞌadi kolho nakarhadi naiknore. Nu ghotilo falalase ranghidi unha te eni mare igne mala filo glanidi mare nodi najafrare.

Efesus 5:13

Nu kate thakle te gnafa gobigna lepo igre kate phae na, naiknore ginauna thofno filo glanidi glepo te edi thedi igre. Eigna u naphae na mala fathakledi gobigna lepore. Naugna igne kaisei cheke naba na cheke eghu, “Dofra haghe ghotilo iheire te thuru ra! Kegra haghe ka glehe, eghuteuna mae Jisas Kraes ginauna faphae ghami ghotilo.”