Diutronomi 8:2 - Buka Blahi Ka Cheke Holo

² Leuleghu fata na ghotilo mala ke ghathoni Lord nomi God mae ihei teke batu ghami ke lamna namono nagou nabagna phiatutu finogha. Mana neke fariuriu ghami ghotilo kate thokedi narane te ninhigrana mala laseni na tangomana ghotilo te leghudi nogna vetula mana re ba theo.

Diutronomi 8:2 Referans Kwoze

Jemes 1:3

Naugna ghotilo laseni igne, puhi igre mala mei fariuriudi nomi fatutuani ghotilo re. Eghuteuna ke leghudi fariuriu igre nomi fatutuani ghotilo re ginauna na heta fara.

Ululahu Pita 1:7

Fariuriu igre khogla fariuriudi kolho nomi fatutuani ghotilo re, mala laseni te nheta ba te klino na. Fariuriu igre jateula gol te lilisei ka khaꞌaghi te mala fariuriu nei famane fagagae teu ia eghu kolho. Neuba ngau, gol na ne theome tangomana te au fabrahu tifa tifa. Nu nomi fatutuani ghotilo na glepo ulu fara ka God ke tulao gna gol. Eghume ka narane mala ke pulo meigna mae Jisas Kraes na, mana ginauna kilo fnakno ghami nei cheke fakelidi nanghamire nei ghatho tahu ghami naugna nomi fatutuani na ne heta fara.

Diutronomi 8:16

Eghuteuna mana neke tusu mei ka ghotilo ‘manna’ igne mala ghamu boho ghotilo. Nu gano igne, ghotilo baludi kuꞌemi ghotilo tifara neke theome laseni gano igne. Lord neke eni igne mala thoke ghami ghotilo narane te ninhigrana mala fariuriu ghami ghotilo, nei mala gaoghathomi ghotilo na, eghuteuna ke leghu na Lord neke fablahi ghami ghotilo ka kmana nafnata glepo te keli.

Eksodas 16:4

Aonu Lord ne cheke eghu ka mae Moses, “Iara ginau na tusu mei gano gna kligna na mala soru mei jateula nakhete eghu ka ghotilo. Leuleghu narane na naiknore mala jifla atha gano malagna narane tuana. Ka puhi igne iara ginau na fariu riudi naikno gre mala laseni te leghudi ghu theo ghu teu nogu cheke iara re.

Diutronomi 2:7

“Ghotilo thosei ghatho ihoni Lord, nomi God, mana fablahi ghami ghotilo ka gobigna lepo te edi ghotilo re. Phiatutu finogha te nolo tafri tahati ka namono nagou igne, mana neke reireghi fakeli ghami ghotilo, eghuteuna ghotilo neke theome kmoꞌe ka kaisei glepo.”

Fapea Kronikols 32:31

Kate nomhini king gna Babilonia thoutonu eigna God te eni fagaglana igne Juda na, mana ne kurudi keha nogna mae biꞌo mala tei hironi gaoghathogna fagaglana igne. Nu ka narane tuare, God magnahaghei te fariuriuni King Hesekaea mala hironi gaoghathogna unha teke eni mana na, aonu mana ne snakreni Hesekaea mala leghuni gaoghathogna thegna na.

Eksodas 15:25

Aonu mae Moses ne tarai heta ka Lord ne cheke eghu, “Lord, togho ghau iara!” Lord ne falalase ka mae Moses kaisei phugra gaju ikoi. Mae Moses ne atha haghe phugra gaju ikoi tuana ne koko lao ka khoꞌu te raha na. Eghuteuna khoꞌu na neke keli neke naba mala teke koꞌu na. Ka vido igne God ne tusu ranghidi hatimare mae Israel keha vetula nei fariuriudi mare jare mala laseni glahula me leghuni Mana gu theo ghu teu naiknore.

Jemes 4:10

Nhaꞌa fapari ghami themi ke ulugna God eghuteuna God ginauna nake nhaꞌa haghe ghami ghotilo.

Jone 2:25

Neubane theo kaisei naikno te cheke fajiflani kaisei glepo ka mana eidi naiknore, mana kulu lasedihi unha te au ka gaoghathodi naiknore.

Diutronomi 29:5

Lord neke cheke eghu ka ghotilo, ‘Phiatutu finogha iara neke batu ghami ghotilo ke lamna namono nagou, eghuteuna nomi pohe nei nomi slipa teu ghotilo re neke theome breku ba neke theome diꞌa.

Luku 18:14

Mae Jisas ne cheke eghu ka mare, “Te chekeni iara ka ghotilo na. Mae te diꞌa igne kate ke pulo ka suga na, mana ne thono doglo fara ke ulugna God, eghuteuna mae Farasi gne ne theo kolho. Eghume mae ihei te fahaehagheni thegna na, God ginauna nake nhaꞌa faparini mana, nu mae ihei te nhaꞌa faparini thegna na God ginauna nake nhaꞌa fahagheni mana.”

Profet Emos 2:10

Iara neke hata fajifla ghami ghotilo Ijep. Eghuteuna batu ghami ke lamna namono nagou nabagna phiatutu finogha. Eghuteuna tufa ka ghotilo nodi vido glose vikegna mae Amo.”

Profet Isaia 2:17

Jateula puhi igne eghu, Lord ginauna tapla faparidi naikno te fahaehaghe. Eghuteuna mumuju god igre ginauna gnafa dofidi, eghuteuna naikno te gnafa gre ginauna ghatho tahuni Lord kolho.

Proveb 17:3

Naikno na tangomana te fariuriudi gol ghe silva ka khaꞌaghi. Nu Lord na tangomana te fariuriuni thiꞌagna naikno na.

Nodi Khoje Hatimare Mae Jiu 136:16

Mana batudi neke tei nogna naiknore ke lamna namono nagou na. Mana ne namha ghita tahati tifa tifa.

Nodi Khoje Hatimare Mae Jiu 106:7

Tifa, kani au teku Ijep mae kuꞌedara, mare neke theome filo glanidi u kofubobhoi teke edi God ra. Uve, kmana fata mare ghatho ihodi kolho puhi teke fakakhana mana nogna namha te biꞌo na ka mare ra. Mare neke figri tagruni mana ka Thongna Ukru na.

Nodi Khoje Hatimare Mae Jiu 81:7

Kani teke thoke mei puhi biꞌo ka ghotilo na, ghotilo kilo mei ghau iara, eghuteuna iara neke fakarhi ghami ghotilo. Uve, iara ngala teke togho ghami ghotilo kani teke mei iara ke lamnagna fila ia. Iara neke fariuriu ghami ghotilo jare ke lamnagna namono nagou na ka glokha khoꞌu Meriba.

Nodi Khoje Hatimare Mae Jiu 77:11

Lord God, iara ginauna ghathodi glepo biꞌo teke edi iagho ra. Uve, iara ginauna ghathodi glepo biꞌo teke edi iagho tifara.

Thoutonu Eigna Mae Job 33:17

Mana eni igne mala thosei tapla jafra naiknore ka nakhibo, nei mala thosei fahaehaghe.

Fapea Kronikols 33:12

Mana au papara ne diꞌanagnafagna fara, aonu mana ne tarai ne toreni God mala toghoni. Mana nhaꞌa faparini thegna neke figri ka Lord nodi God kuꞌegna tifa ra.

Diutronomi 13:3

Nu ghotilo thosei leghuni nogna cheke mae profet tuana. Lord nomi God ghotilo na, mana tangomana te fariuriu ghami ghotilo mala laseni jame ghotilo te thofno namhani mana ka nagnafami fateote'o nei ka gaoghathomi fateote'o.

Diutronomi 7:18

Nu ghotilo thosei mhaghudi mare! Khogla ke ghathodi unha Lord nomi God teke edi ka king nei ka naikno te gnafa Ijep tifa ra.

Jenesis 22:1

Ke leghugna igne God neke fariuriuni mae Ebraham. Kaisei narane God kiloni mae Ebraham ne cheke eghu ka mana, “Ebraham.” Mae Ebraham ne cheke eghu, “Iara au teu ao Lord.”

Thakle 2:23

Iara ginauna jaola falehedi iheire te leghuni naꞌa re. Aonu khiloau te gnafare ginauna lase ghau iara te tangomana te filo glanidi unha te au ke lamnagna nagnafadi naikno te gnafare. Eghuteuna iara ginauna jaola foli fapulo ghami ghotilo hui leghuni ngala unha teke eni ghotilo na, te keli ba te diꞌa.

Fapea Kronikols 33:19

Eghuteuna keha glepo la ngau teke edi Manase re, Hosae neke rioriso soru ka nogna buka na. Ka buka igne, au thoutonu eigna nogna tharai mae Manase nei nogna cheke tughu God ranghini mana. Eghuteuna ka buka igne jaola au thoutonu eidi glepo te diꞌa teke kulu edi mana re, nei thoutonu eidi puhigna mana te diꞌa re, nei thoutonu eidi vido aheva teke horo mana vido blahi re, nei thoutonu eigna mumuju gna god gaꞌase Asera nei keha mumuju god teke lisei haghe langau mana re eghu. Igre glepo teke edi mana ame nhaꞌa faparini nga thegna teku na.

Eksodas 16:35

Naiknodi Israel gre ne ima u “manna” igne nabagna phia tutu finogha neke tei nga neke au soru jare ka nohi Kenan. Mare fananaba “manna” igne malagna kaisei naikno teuna leuleghu narane. Igne namo thokeni phei kilo nabagna kaisei khara'o ikoi, mare kiloni igne oma. Nabotho oma na nabagna kaisei efa.

Eksodas 20:20

Mae Moses ne cheke eghu, “Thosei mhaghu, God na mei mala fariuriu ghami ghotilo kolho, eghume ghotilo mala ghatho tahuni Mana eghuteuna ghotilo mala thosei eni kaisei nakhibo eghu.”

Naba 14:33

Eghuteuna thumi ghotilo re ginauna nolo tafri ka namono nagou igne nabagna phiatutu finogha. Naugna ghotilo ne theome ghatho tahu ghau iara, eghume thumi ghotilo re ginauna au papara naugna puhi te diꞌa te edi ghotilo. Mare ginauna au papara ghilei thoke kate thuru lehe teu ghotilo ka namono nagou gne.

Jajis 2:22

Iara ginauna hata vikegna Kenan igne mala farirhiudi naiknodi Israel igre mala laseni ihei gne te leghudi puhigu iara te keli jateula teke edi kuꞌeda tifa ra.”

Jajis 3:4

Naikno igre neke au fapulo naugna Lord neke fariuriudi nogna naiknore. Mana magnahaghei te lasedi glahula leghudi cheke teke tusu lao mana ka Moses teke cheke mana kuꞌedi mare tifa teke mei ra, ba theo.

Nehemaea 9:19

“Naugna puhimu iagho te thofno kokhonidi naiknore, iagho neke theome lisa kokodi jare ka namono nagou na. Ka narane na gromno na kegra fadoglo haghe ne batudi ka nabrou na. Ka bongi na khaꞌaghi na kegra fadoglo haghe ne falalase ranghidi nabrou na.

Profet Esikiel 20:19

Iara nomi Lord God ghotilo, eghuteuna ghotilo mala leghudi nei ghatho tahudi eghu nogu vetula nei cheke teu iara igre.

Diutronomi 32:7

“Ghathodi narane tifa te mei ra. Tei ghusnani kmamu mala toutonu ranghi nigho. Tei ghusnadi kuꞌemi are mala toutonu eidi glepo te thoke ghita tahati igre.

Nodi Khoje Hatimare Mae Jiu 103:2

Iara mala cheke fakelini nanghagna God na, eghuteuna iara ginauna na theome tangomana te ghatho ihodi glepo te keli teke edi mana re.

Profet Jeremaea 2:6

Mare ghatho ihoni teke atha fajifladi iara ka kantri Ijep tifa ra. Eghuteuna iara neke batudi neke tei ke lamna namono nagou. Namono te theo kaisei khoꞌu nei theo kaisei naikno tagna. Neuba iara ne fakarhidi, mare theome ghatho ghau nei hiro ghau eghu iara.