Diutronomi 26:5 - Buka Blahi Ka Cheke Holo

⁵ Aonu iagho cheke eghu ke ulugna Lord nou God, “ ‘Kuꞌegu iara maegna Aram, mana theo kaisei nogna namono thegna. Mana hata tharaknagna na ne tei au Ijep. Kate tei mare na, mare theome kmana, nu kate au mare ka namono na, mare kaisei vike te rheta, nei au kmana vike tagna.

Diutronomi 26:5 Referans Kwoze

Diutronomi 10:22

Kuꞌemi ghotilo teke sukha teke au Ijep tifa ra neke theome kmana, mare neke fitusalei naikno kolho. Nu gognarona Lord nomi God ghotilo na fablahi ghami ghotilo la ghilei kmana fara jateula nathunu ka maloa na are lau!”

Jenesis 46:27

Teke karha Ijep ka khetogna mae Josep na neke phei mae nalhaꞌu. Eghume khaputudi teke thugna nei gragna teu mae Jekop teke tei au Ijep re neke fitu salei.

Jenesis 31:20

Mae Jekop theome cheke ka mae Laban ne jifla neke pulo ka namonogna na teuna. Nu mana pophoru fara u gaoghatho igne ne megei nga ne jifla kolho.

Jenesis 45:11

Te mei iagho agne Gosen na, iara ginauna fiofilo nigho ke lamnadi glima finogha te theo gano igre. Eigna iara theome magnahaghe nigho iagho nei tharaknamu nei nou sipu, nanigot, nei buluka teu iagho are te rofo na.’ ”

Jenesis 45:7

Eghume, God na neke kuru mei ghau iara agne ke ulumi ghotilo mala togho ghami ghotilo nei mala theome lehe ghotilo ka glehe rofo te jaglo nodani tahati gognaro gne. Naugna ka nafnata puhi igne mana magnahaghei te ke hata fapulo ghami ghotilo.

Jenesis 43:12

Sileni nate hata ghotilo gognaro na, na jateula te phei fata eghu thutagna na ke tulaognai teke hata teke tei ghotilo ka thei ulu lahu ia. Eghuteuna ghotilo na jaola ke hata fapulo sileni teke lilisei mare ka nomi duku ghotilo ra eghu. Glahula me keha najafra kolho mare neke lilisei ka nomi duku ghotilo ra.

Jenesis 31:24

Ka bongi tuana mae Laban ne mifi, eghuteuna God ne thakle ka mana ne cheke eghu, “Ghema Laban, iagho thosei chekeni kaisei cheke, na eghu nu cheke faheta fara iagho ka mana eghu.”

Mae Khuru 7:15

Eghuteuna mae Jekop na soru ne au jare Ijep. Kate lehe mana jare baludi mae thugnare,

Profet Hosia 12:12

Tifa na kuꞌeda mae Jekop ia neke rikha neke tei ka namono Mesopotemia. Ka namono igne mana neke reireghi sipu. Mana neke eni gloku igne mala tolaghi ka thugna gaꞌase mae ihei teke khotodi sipu igre.

Jenesis 25:20

Mae Isak gne neke phiatutu finoghagna neke tolaghi na ka Rebeka. Rebeka gne neke thugna mae Betuel, kaisei mae ka vikegna mae Aram maegna Mesopotemia. Eghuteuna Rebeka gne neke greghagna mae Laban ka vikegna mae Aram.

Jenesis 24:4

Nu iagho mala ke pulo ka thofno namonogu nei vikegu teu iara ra mala filoni kaisei gaꞌase jare mala khetogna mana, mae thugu iara igne.”

Diutronomi 7:7

“Lord namha ghami ghotilo neke vahi fadelei ghami ghotilo, theome naugna te kmana te salaꞌudi ghotilo keha naiknore ka nauthoglu igne. Ghotilo laseni, ghotilo bua fara salaꞌudi keha naiknore ka nauthoglu igne.

Eksodas 1:12

Nu neuba, naiknodi Israel igre, kmana fara ne salaꞌui nei rheta eghu heva heva ka kantri Ijep. Naugna igne, naikno te gnafa te au ke lamnagna kantri Ijep ne thofno theome magnahaghedi nei mhaghu nodi fara ka mare.

Eksodas 1:7

Nu naiknodi Israel igre ne au kmana thudi ne vuragha fara nei nheta fara neu heva heva jare Ijep.

Eksodas 1:5

Eghuteuna ka narane tuare, Josep kaisei mae ka mae thabusigna igre kulu auhi ka kantri Ijep. Eghuteuna khaputudi naikno teke tei au jare igre fitu salei naikno.

Jenesis 47:27

Hatimare mae Israel gre neke soru au Ijep ka nohi Gosen, ne au nodi glose jare, dedi nodi nei vuragha fara naikno na sua na neu jare.

Jenesis 31:40

Kmana fata iara neke brana ghau naprai ba neke rheka nogu kate loku bongiro na ba neke theome thuru fakeli nogu ka teke loku ranghi nigho iagho na.

Jenesis 28:5

Aonu mae Isak ne kuru teini mae Jekop ka mae Laban, thugna mae Betuel ka namono Mesopotemia. Mae Betuel gne kaisei mae ka vikegna mae Aram. Eghuteuna mae Laban gne neke thabusigna Rebeka, idodi mae Jekop ghe mae Iso.

Jenesis 27:41

Mae Iso ghatho laoni u fablahi teke tusu lao mae kmagna na ka mae Jekop igne ne diꞌatagna fara ka mae Jekop. Ne cheke eghu, “Narane te mala lehegna mae mama gne la namo farahi, eghuteuna ka glehegna mana na ghehati ginauna na diꞌanagnafani mana. Eghuteuna kate ari te gnafa narane te mala diꞌanagnafa na, iara ginauna na faleheni mae Jekop.”

Jenesis 12:2

“Iara ginauna na fabruarani vikemu iagho gne mala thovu. Eghuteuna iara ginauna na fablahi nigho nei naiknore ginauna na lase nigho iagho kaisei mae biꞌo fara. Eghuteuna keha naiknore ginauna na cheke fakeli nigho iagho, na cheke eghu fari thedi, ‘God na fablahi nigho jateula teke eni mana ka mae Ebram tifa ia eghu.’

Jenesis 47:4

Ghehati magnahaghei te mei au katha vido kmoꞌei kolho ka kantri igne, naugna vido te rofo igne la thono diꞌa fara ka ghehati Kenan, eghuteuna jare na theo kaisei buburu te mala ghamudi nomi sipu ghehati gre eghu. Eghume te keli teu iagho na, snakre ghami mala au soru ghehati ke lamnagna nohi Geson.”

Diutronomi 1:10

Lord, nomi God ghotilo igne fablahi ghami ghotilo la kmana fara la jateula nathunu ka maloa na are lau.

Diutronomi 26:4

“Eghuteuna mae pris tuana ginauna hata kharaꞌo tuana ka khamemu iagho na, aonu mana ginauna tei lilisei ke ulugna nogna olta Lord.

Profet Hosia 12:13

Eghuteuna ka narane teke au mae Israel ka kantri Ijep, Lord neke kuruni kaisei mae profet mala tei hata fajifladi Ijep. Eghuteuna mae profet igne neke reireghi fakelidi mare.