Diutronomi 10:10 - Buka Blahi Ka Cheke Holo

¹⁰ Mae Moses ne cheke eghu, “Iara neke au ka thogele igne phiatutu narane nei phiatutu bongi, jateula teke eni iara ulu lahu ia neku. Eghuteuna Lord neke nomhini nogu tharai iara na ka narane tuana, aonu mana neke theome falehe ghami ghotilo.

Diutronomi 10:10 Referans Kwoze

Diutronomi 9:25

“Aonu iara ne thuru sukha pari ke ulugna Lord nabagna phiatutu narane nei phiatutu bongi, naugna iara laseni mana neke chekeni te mala falehe ghami ghotilo na.

Eksodas 34:28

Moses au neu ka vido igne balugna Lord nabagna phiatutu narane nei phiatutu bongi, ka narane igre, mana theome ghamu, nei jaola theome koꞌu. Eghuteuna Lord ne ghagra ke klignadi phei thina u Nhaꞌa Cheke igre, tuare Nabotho Vetula re.

Eksodas 33:17

Eghuteuna Lord ne cheke eghu ka Moses, “Iara ginauna thofno eni tutuani unha te toreni iagho na, naugna iara thofno lase nigho iagho fara, eghuteuna iara jaola keli tagu fara ka iagho.”

Matiu 27:42

ne cheke eghu, “Tore! Mana fakarhidi keha naiknore, nu theome tangomana te fakarhini thegna na! Eghume mana noda king tahati mae Israel. Te king tutuani mana na, lisani mala soru mei ka gaju fafatha na gognarola, eghuteuna tahati ginauna laseni te mae Kraes tutuani mana na.

Eksodas 32:14

Aonu, Lord ne tughu nagnafagna na ne theome eni kaisei puhi biꞌo te mala goigonidi nogna naiknore, jateula teke chekeni mana ululahu tifa ia eghu.

Eksodas 24:18

Aonu mae Moses ne haghe ka thogele na ne tei ke lamna khoveo, aonu mana ne au jare nabagna phia tutu narane nei phia tutu bongi.

Diutronomi 10:11

Nu Lord ne cheke eghu ka iara, ‘Iagho tei, mala batudi naiknore tei mala hata glose teke nhaꞌa chekehi iara mala tusu lao ka kuꞌemi ghotilo ra teku igne.’ ”