Diutronomi 1:6 - Buka Blahi Ka Cheke Holo

⁶ Mae Moses neke cheke eghu, “Tifa, kani au teku tahati ka Thogele Sanai, Lord, noda God tahati na neke cheke eghu ka iara: Ghotilo au raugha fara ka thogele igne.

Diutronomi 1:6 Referans Kwoze

Eksodas 3:1

Moses ne reireghidi nogna sipu nei nanigot teu nanghogna mana Jetro igre, mae ihei te pris gna Midian. Kaisei narane Moses ne batudi sipu nei nanigot teu igre ne tei ka namono nagou na, eghuteuna mana tei ne posa ka thogele blahi Sanai.

Eksodas 17:6

Kate ari te posa iagho ka thina te au ka Thogele Sanai ia na, iara ginau na au jare balumu iagho. Eghuteuna iagho mala atha nou khodo ana mala puphuri ka thina na, eghuteuna khoꞌu na ginau na jifla mei ka thina tuana mala koꞌu naikno are.” Mae Moses ne eni igne ne jifla mei khoꞌu na ka thina na kate filo teu goro mae biꞌodi Israel re.

Diutronomi 5:2

Lord, noda God neke eni kaisei nhaꞌa cheke baluda tahati ka Thogele Sanai.

Naba 9:22

Jame te au fabrahu gromno na ke kligna gna suga thapuale na nabagna phei narane, ba kaisei nhigra, ba kaisei finogha teuna, mare theome tangomana te jifla kokoni vido tuana. Nu jame te thugha haghe gromno na, mare jaola thugha.

Diutronomi 9:8

Jare Thogele Sanai, ghotilo neke faꞌeiꞌei neke diꞌatagna fara Lord, eghuteuna diꞌatagna mana igne namo falehe ghami ghotilo.

Diutronomi 18:16

Tifa, ka narane teke au ghotilo ka Thogele Sanai ia, ghotilo neke theome magnahaghei te nomhini naoglagna Lord nomi God ba filoni khaꞌaghi biꞌo na, naugna ghotilo neke mhaghu nomi fara na eghunu lehe nomi neku gaoghathomi na.