Diutronomi 1:42 - Buka Blahi Ka Cheke Holo

⁴² “Nu Lord ne cheke eghu ka iara, ‘Moses, iagho mala cheke faheta ka mare, eghuteuna iagho lhotidi mare mala thosei tei magra, naugna iara ginauna theome au baludi mare, eghuteuna nodi naoka mare igre ginauna uludi mare.’

Diutronomi 1:42 Referans Kwoze

Profet Hosia 9:12

Eghuteuna neubane au thumi ghotilo, nu iara ginauna na kafe falelehe thumi ghotilore. Ghotilo kokhoni ghami fara. Eigna kate tei koko ghami iara na, kmana nafnata puhi te diꞌa ginauna na thoke ghami ghotilo.

Ululahu Samuel 4:2

Eghuteuna maedi Filistia igre jifla mei ne magra ka maedi Israel. Mare magra heta ne aknu falehe fati thogha maedi Israel.

Levitikas 26:17

Iara ginauna figri tagru ghami ghotilo, eghuteuna nomi naoka ghotilo are ginauna ulu ghami ghotilo, eghuteuna iheire te susuku ghami ghotilo are ginauna funei fruni ghami ghotilo. Neubane theo kaisei naikno te ngolhi ghami ghotilo na, ghotilo ginauna rikha, naugna ghotilo ne thono mhaghu nomi fara!

Profet Isaia 30:17

Eghuteuna jame te filoni ghotilo kaisei nodi soldia mae naoka re, kaisei thogha mae ka ghotilo ginauna rikha, naugna ghotilo ne mhaghuni mana. Jame te filodi ghotilo glima mae ka mare na, ghotilo te gnafa na ginauna na kafe rikha. Eghuteuna keha ka ghotilo kolho nate karha te mala jateula kaisei gaju flagi te kegra sopa thegna ka thogele ra teuna.”

Ululahu Samuel 4:10

Aonu mare tei neke magra, eghuteuna naugna te magra heta mare na, mare ne uludi hatimare maedi Israel. Mare ne aknu falehe tolufulu thogha soldia di Israel. Eghuteuna keha maedi Israel rikha ne tei ka nodi namono thedire.