Taitus 3:13 - Godigo dwagi yai po buku

¹³ Nago te bomai po page koneai bidi nogi Senas dali, te gasa bidi me Apolos augwali si nago tau sao. Augwali si te gasaba painogo ebo si, tama nago augwalibolo te gasaba pabo tau sabo nai bugagia mao, tama augwali si bilibo nai tųde menia sogobeo.

Taitus 3:13 Referans Kwoze

Godigo Sęba Tagala Palai Bidigo Po 18:24

Te Juda bidi me deli Efesus be naniba sabolagasali. Agai nogi da Apolos, agai page bulu Aleksandria be nani da. Tama te bidi aga da po digi wabo bidi, te agai dwagi yai Godigo po asęani bukude ebo po page tigidali koneai bidi mu da.

Matyu 22:35

Tama augwali tomode te bomo yai po page koneai bidi me deli bidali. Agai Jisas usu siyu hanalu wainogo yali,

Godigo Sęba Tagala Palai Bidigo Po 28:10

Augwaligo dabolo dwagi yai kolesaga elama, haniani dwagi yai nai da olo mani. Tama nosali da pabode augwaligo tigidali nai dago habuge yali nai augwaligo selama, te moni gebaba munai.

1 Korin 16:11

Tama tibaso, bidi me badugo aga te olo nai tiwai bidi da homu eyu, tama aga tudiba me munamuo. Menio. Dagego aga homu nagame ilama, tama nosali aga te enaba asabo sunumiba bugagia tagalagaselama, tama aga ena pageba asomainogo yao. Eno te ama dede meba dali aga asobo tonaluaibao.

Polgo Po Pas Rom Dabeba Asęani 15:24

Tama tialigo da, megi eno homugo te ena te digibulu tǫ pedai nogi Spen, te dagego bulu Rom u badu bulu, teba ena paio. Tama te Spenba pobadi tama tomode ena dagego hanu Romba hasia sabolaibao. Tama dageba te tiwai sabolama, tama ena dwasianu sogo dage dali dwagi yai homu eyu bidama, tama dagego ena tau siyu ena odasa pelama, te Spen bulu pabo tųba tagaligi pagameo.

Godigo Sęba Tagala Palai Bidigo Po 21:5

Tiali goli, da tede bidali sogo sia selama, da te bulu tagalama, moni gebaba ma pali. Te Jisasgo po wali pabo we bidi, wai puluba me, augwali da hodobo pelama, tamu ąį sesegeba sabolali. Te kemi tǫde da sisinama, kidu sugunama, Godibolo gedu haluasa po wali.

Dwagi Yai Gesi Po Lukgo Asęani 14:3

Jisasgo te bidi sulama, te Juda bagego bomo yai po mu koneai bidi dabe me, te Farisi sibi dabe me, te hanibolo te po hanalu wali, “Te Sabat sogode dago te gasi yai bidi dabe usu ma iliyu dodolobo sę ebaso da, usu yaibawe?”

Dwagi Yai Gesi Po Lukgo Asęani 11:52

Dage bomo yai po ola mabo bidi dabego te mu po dualigi menigi sogo da, teda te we bidigo bugagia konegi da. Tiali goli, dagego te po dualali. Dagego te po bugagia odisąwai, gasa we bidigo odainu sinabadi yaide, dagego augwali togolaliao,” Jisasgo te po wali.

Dwagi Yai Gesi Po Lukgo Asęani 11:45

Te Juda dabego bomo yai po ola mabo bidi mego agabolo te po wali, “Po ola mabo bidi, nago te tama po wabogo te dago nogi me dolobao.”

Dwagi Yai Gesi Po Lukgo Asęani 10:25

Te Juda dabego bomo yai po ola mabo bidi me asama, Jisas usu sai hagede, agai po hanalubo po wagasali. Agai te po wali, “Po ola mabo bidi, eno noma te bugagia gamonabo pesageba painu, magi sę yagawe?”

Dwagi Yai Gesi Po Lukgo Asęani 7:30

Tiali goli, te Godigo augwali tau sainu yali homu Farisi sibi dabe me, Juda dabego bomo yai po ola mabo bidi dabe me, augwaligo te homu sela sąnama, “Jongo da baptais mabo hagelabo,” te po wai dao.

Godigo Sęba Tagala Palai Bidigo Po 15:3

Tama tibaso, Jisasgo hani Antiok be nani bidigo augwali Jerusalemba pabo bidi dabe tagala palali. Tama augwali Fonisia tǫ dali, Samaria tǫ dali, te bulu si tomodu augwali pali. Tama te sogo augwali Jisasgo hani dali bidu, augwaligo sę ebo po dali pusali, me badu Juda bidi hani isąwai bidi, augwali te sogo Jisasba augwa homu mu muani, te po augwalibolo pusa mani. Tama te sogo augwaligo te po odama, augwaligo moni bugai homu mu yali.

Godigo Sęba Tagala Palai Bidigo Po 19:1

Te sogo Apolos te Korin be nanide bidibadi, Pol aga te Galesia tǫ tomoba sabolali, nosali te Efesus be naniba sabolali. Tama te bulude agai Jisasgo po wali pabo bidi me badu bidibo suali.

1 Korin 16:12

Tama dago ama Apolos, te agade po te tiwai dao: te hauwa sogo eno po agabolo bomo elama weyu, te aga ama dede dali augwaligo dage suagasomainogo po wai dao. Tiali goli aga pabo hagela homu mu yai. Nosali, te aga pabo sogo suali usu ebaso da, teda aga dageba sabolagasaibao.