Taitus 3:12 - Godigo dwagi yai po buku

¹² Nosali eno Artemas me Tikikus te eno nage bidibo digi tagala palobaso da, te nage polo ena bidibo digi Nikopolis te hanuba asao. Magi baso meni, ena te Nikopolis bulude te dwai kedau sogo ena te bulude bidaibao, eno te homu dąų wali.

Taitus 3:12 Referans Kwoze

Polgo Si Wali Pas Timotiba Asęani - 2TI 4:9

Nage asesą tama nage ena bidibo madi polo asao.

Godigo Sęba Tagala Palai Bidigo Po 20:4

Tama te bidi dabe me badu Pol dali hodobo pali. Te bidi nogi me Sopater, aga aya da Pirus da, aga bulu da Beria. Bidi me nogi da, Aristarkus, te gasa bidi me nogi Sekundus. Augwali sigo bulu da Tesalonaika. Tama gasa bidi me nogi da Gaius, aga bulu da Derbe. Tama gasa bidi me nogi Timoti. Bidi me nogi Tikikus, te gasa bidi me nogi Trofimus, augwali si bulu da Esia tǫ da.

Polgo Si Wali Pas Timotiba Asęani - 2TI 4:21

Nage asesa polo asiyu, tama te kedau eyu dwai wali asobo sogo asisąbadi nage eba polo sabolao. Te bidi dabe Yubulus me, te Pudens badi, te Linus me, te we nogi Klodia me, augwaligo te siade dao po nagebolo ola tolobao. Te gasa ede bidibo ama dede dabe tigidaligo me te po ola tolobao.

Polgo Si Wali Pas Timotiba Asęani - 2TI 4:12

Eno te bidi Tikikus te Efesus hanuba tagala palai dao.

1 Korin 16:6

Tama sabolama, tama ena dwasianu sogo te dage dali bidabo homu ebao. Ena kuna konebe, te ena dage dali bidibadi te moni kedau ebo silibo sogoba usu nagasaibao homu yai. Tama nosali ena gasa buluba sę egi paibao, te mena bulu te megi eno konebeo. Tialima ena gasa buluba painogo ebode, teda dagego te pabo sunumiba ena odasa pelama, tama tau siyu tagaligi pagameo.

Efesus 6:21

Te bidi Tikikus aga te dago ama mu tiwai, tama aga te Genuai Bidigo dwagi yai sę ebo bidi dao. Tama agai te eno ebo sę po tigidali dagebolo pusagasomainu te bidi eno megi aga dage bidibo digi tagala palobao.

Kolosi 4:7

Tikikus da, te dago aga dali dwagi yai homu eyu godolo ebo ama dao, tama agai dagebolo te enaba pedalali sę po tigidali pusaibao. Agai te ena dali homugo kęą pai bidi dao, tama agai te ena tau sabo dwagi yai sę bidi mu dao, tama da dali deli sę eyu Genuai Bidigo sę ebo bidi dao.