Taitus 1:14 - Godigo dwagi yai po buku

¹⁴ Te Juda dabego haniani olo namu po dali, te bidi dabego olo nigali bomo yai po dabe me, te tagalao. Te tobage po page bidi augwali da te Godigo mu po tudiba muani bage dao. Tama tibaso, dagego te tobage olo po wali pabo tagalao,” nago augwalibolo te po wao.

Taitus 1:14 Referans Kwoze

Polgo Si Wali Pas Timotiba Asęani - 2TI 4:4

Tama te we bidi augwaligo te mu po odobo tagaliyu, te tudiba munama, tama te haniani olo namu po waboba olo munama odaibao.

Kolosi 2:22

Te bomo yai po te naide wabo dao, tiali goli dago te nai tubaso da, te nai mu ela silibo dao. Te tobage bomo yai po dabe, te bidigo naga augwa homugo nigilama tama ola mabo dao.

2 Pita 2:22

Tama augwaligo ebo kolesaga te dago wąįgo polobadu wali mu po tiwai dao, “Te yowi ma geasa pelama, aga bugali bogu ma tugi pai.” Tama gasa po me weyu te po wai, “Te kibu aga wę pauwai digi, tiali goli te kibu aga pelama te tǫ pu yai digi pebege ma piligi pabo dao.”

Galesia 4:9

Tiali goli, megi dagego God koneai dao. Woo, meo, te po dwasianu usube. Te e tiwai dao, megi Godigo dage aga dali wadolai. Tama megi dagego God mu koneai digi, magi baso te tǫde dwai olo kolesaga ebo dologoba ma geasa peyu, tama dage te kolesagade kalabus sęde ma bidibo tiwai ebawe? Augwaligo dage tau sabo usu egobeo, bomo elalubeo.

Matyu 15:9

Augwaligo te bidi dabego ola mani bomo yai po naga pusuyu te po wabo dao, “E te Godigo po dao.” Tama tibaso augwaligo olo naga enabolo lotu po wabo dao,’ Godigo te po wali,” Jisasgo te po wai.

Aisaia 29:13

Genuai Bidigo te po wali, “Te we bidi hani dabe augwaligo eno nogi augwaligo pedauwalidu naga ugwaba sabo dao. Tiali goli, augwaligo homu dali, homu kolesaga si enade digibulu mu elalubao. Augwaligo enaba mu lotu po wabo menio. Augwaligo te bidigo digi muai bomai po, te po naga augwali ola mani po, augwaligo te po naga wali pabo dao.

Dwagi Yai Gesi Po Makgo Asęani 7:7

Augwaligo enade olo dali lotu po weyu ebo dao. Magi baso meni, augwaligo te bidigo nigali bomai po naga ola mayu te po wali, ‘Te e da Godigo po dao’ wai,” ’ Aisaiago te po asęani.”

Hibru 12:25

Dage dua dao. Tiyu dage olo pania selama tama megi e po wabo bidigo po sela sąyabuo. Polobadu digi e tǫde Godigo bomai po te we bidi augwalibolo mani, tiali goli augwaligo agai po sela sąwai. Tama te sogo polobadu, te augwali wi me pabo usu meni eyu, tama augwa sęgę te geda sabeo. Megi God te dagalude bidiyu dabolo agai po mawai. Tama dago aga tudiba muyu da, te da wi peyu te dabolo mabo sęgę geda sabo usu egowe? Mu menio.

Taitus 3:11

Nago koneani, tama tiwai bidi aga homu te gagea pai dao, tama agai ebo dwai sęgo aga te dwai bidi dao hania ola mabo dao.