Solomon 8:12 - Godigo dwagi yai po buku

¹² Solomongo aga te mone 1,000 kina somainao. Tama te gi sę ebo bidi dabego te mone bidi sese nogo si 200 kina somainao. Tialima, eno augwalide moni homu hauwa me ebeo. Ena da, te ena wain gi elalubao.

Solomon 8:12 Referans Kwoze

Solomon 1:6

Mu tama, eno tigi husugu yali, tiali goli dagego homugo ena te olo sę ebo we tiwai da homu elamuo. Giliga ena tigide dolama, tama eno tigi te tiwai pedelali. Te eno abe dedego ena dali wado po obaso, tama ena te wain gi dabe tonalugi pabo sę idualio. Tama tialigo eno tigi ena digi bugagia tonalusąwani.

1 Tesalonaika 2:19

Tama nosali dago Genuai Bidi Jisas e tǫba ma asobo sogo te da tǫde we bidi aga gesabidide da dolaluaibao. Tama aga asobo sogo da dwagi yai homu eyu tonalubo dao. Tama aga asobo sogo dago te dwagi yai nai dali te dwagi yai au yabo nai dali te si waibao. Dago dwagi yai nai dali au yabo nai dali te si de dawe? Te dage tama dao.

2 Korin 5:15

Tama agai da tigidali hasegelama isalio, te agai tama tibaso, da bidibo ula dali bidibo we bidi dago dena digi homu koneama munu me biligobeo. Menio. Te da tobade hasegeleyu isama tama ma hodaluali bidi, te dago aga homu naga wali peyu tama aga sę eyu bilao.

1 Korin 6:20

Menio. Godigo te genuai naigo mu dage ma abelalio. Tama tibaso, penani sę isąyu, te dagego tigigo te dagego Godigo nogi ugwaba sabo kolesaga naga yao.

Godigo Sęba Tagala Palai Bidigo Po 20:28

Pol agai te tobolu bidi dabebolo te po wali, “Dua dao. Duga digi dali, te Godigo Dwagi Yai Mobo Bidigo dagego nogode muai we bidi dali, bugagia tonaluao. Tama dagego augwali te kibu sipsip tiwai negebo ąǫ yao. Dagego kone dao, Godigo aga ogwa Jisasgo kanemego te hani aga abelama, aga ma sai dao. Tama dagego augwali bugagia negao. Magi basowe?

Bugagia Bidibo Kolesagade Po Asęai Buku 4:23

Te nage bidabo wiegi yai ula dodolabo wiegi yai homu kolesaga, te naga homude pedelaibao, te wę te idu wę gomo pedalubo tiwai ebo dao. Tama tiyu, tigidali sogo nago te naga homude ebo te bugagia mu tonaluao.

Bugagia Bidibo Kolesagade Po Asęai Buku 27:18

Te bidigo aga bulali nedu du tuabo homu eyu da, aga te ni te bugagia tonaluao. Tama te bidigo aga tonalubo bosman bidi te bugagia tonalubaso da, teda te tonalubo bosman bidigo aga nogi ugwaba sabo dao.

Solomon 2:3

Eno abagi te gasa gesi bidi dabe tomode bidibao, te wiegi yai nai du walai ni me deli te gasa buside elalubo olo ni dabe tomode elalubo tiwai ebao. Te genuai giliga nanobo side, ena te ni dologo madi dugulaluabo homu godolo ebo dao. Te ni du walali wiegi yai mu elalubaso, te eno pedauwalide pusu mu ebo dao.

Solomon 8:11

King Solomongo wain gi te bulu Balhamonde elaluali. Te bidi dabe augwaligo te gi sę yabo homu ebaso da, te mone hauwa tausen te umabo 1,000 kina silva te kingbolo mobaso usu dao.

Solomon 8:13

Eno abagi, nage gide bidibaso, eno homugo nago po omainu homu ebao, tama eno hai namu dabego te nago dogonigo po wabo odomainao wali.