Solomon 6:11 - Godigo dwagi yai po buku

¹¹ Ena dulama, tama ena te du wiegi yai walobo ni dabe elalubo giba asali. Ena asali, te gesi kulubi dabe te ni dabede te bulu odogode holobo sueinogo asali. Eno te ni waingo gesi kulubi dabe, me te nai du walali wiegi yai elalubo te eno sueinu yali.

Solomon 6:11 Referans Kwoze

Solomon 7:12

Te kigamu digi mu te da hogodasa peyu, te wain ni dabe sueibao. Te augwali kulubi pedelama, te augwa yabe diligi naniwe, ma meniwe, te homu ebao. Tama dago te nai du wiegi yai walobo ni dabe sueibao. Te augwa plaua dabe diligi naniwe, ma meni yaliwe? Da te wain gide bidalu, te eno te tiwai nagebolo ola mobaso, te eno nage godolo mu eba homu yagameo.

Godigo Sęba Tagala Palai Bidigo Po 15:36

Te nosali me badu polua silama, Pol agai Barnabasbolo e tama po walali, “Dadi si ma pelama, dadi sigo Genuai Bidigo po polobadu pusa mani we bidi augwali Godigo po bugagia wali pabo wenama, sugi pinao,” te po wai.

Dwagi Yai Gesi Po Makgo Asęani 11:13

Agai te ni kaya me deli te dwasianu digibulu gana dolalu, tama yabe te hauwa elalubo suali. Aga te ni pąba pelama, te du meba walai elalubowe naga gegainu yai. Tama aga te ni pageba sabolali, tiali goli tede te nai du walai elalubo me deli subeo. Menio. Te yabe naga elaluali. Magi baso meni, te ni fikgo du walobo sogo pedalubeo.

Solomon 6:2

Eno abagi wali bidi aga giba pali. Te gide te wiegi yai denami ebo nai dabe pągąnąlubao. Te aga meme dabego te nosai dabe tubo sę eyu, tama agai te au sawia pai plaua dabe sisinibo sę eyu ebao.

Solomon 5:1

Eno we, nage eno hobolu du mu da, ena te ena giba asalio. Tama eno te wiegi yai denami ebo nai dabe sisinagasali. Eno te wiegi yai pusu yai nai hani tuali. Te eno ame pę me wain dali tuali. Dage si abagi wali wiegi yai mu da, dage si nai me ąį tuao, dage si mu pągąną pao.

Tigidali Nai Gagalama Nigali Side 2:9

Tama Godigo te gide haniani ni dabe pedelao obaso pedelai. Augwali te gasa wiegi yai au yai mu, tama augwaligo dwagi yai nai walai. Tama te gi tomode te we bidi bidibo ula maiabo ni me deli digi elaluali. Tama gasa ni me deli te bidigo mena kolesaga ebo dwagi yai dawe, ma mena kolesaga ebo dwai dawe, te konemainogo yabo du elalubo ni me deli elaluai.

Dwagi Yai Gesi Po Jongo Asęani 15:16

Dagego ena sai olama, sa mubeo. Eno dage sa muyu, dage ena bage dao wai dao. Tama eno dage sęba muai dao, tama dage pelama, du gilama walama, tama dagego du elalumainogo, te da eno dage sa muani page dao. Tama dagego tama du waloluyu da, eno nogide dagego magi sę me yainogo, eno Ayabolo hanalubaso da, agai dage tau siyu, te nai mawaibao,” Jisasgo te po wai, aga wali pabo bidi dabe dali.

Dwagi Yai Gesi Po Lukgo Asęani 13:7

Du walisiąbaso, agai te gi sę ebo bidibolo te po wali, ‘Edao. Kibu be selade ena e haga du suagasidu geani. Tiali goli, du walobeo. E ni gelao. E nigo te tǫ ili magi baso olo sabo dawe?’

Tigidali Nai Gagalama Nigali Side 40:10

Tede te nologo sela elaluali. Te yabe dabe pedelama, tama polo te dudili pedelama, tama te ni wain du walama, tama tigidali tau ela silai.

Solomon 6:12

Eno abagi we, eno nage sulama, ena noma sali. Eno kone palali, ena te genuai bidi mu deligo karisde bidibo tiwai yalio.

Solomon 7:13

Eno abagio, eno te wiegi wiegi yai ni du wai naga selama, te be sunumi pąde muai elaluali, te nago tumainogo yali. Meba eno polobadu sali, tama meba megi naga eno sali. Tama dago te wiegi yai bono dabe denami ebaso, te dago godolo ebo homu hodolomainu ebao.