Solomon 5:7 - Godigo dwagi yai po buku

⁷ Te taun bagulali moni obo tonalubo bidigo ena suali. Te augwaligo ena elama, te eno tigi dolama, tama augwaligo eno bulali ugwa saket sali.

Solomon 5:7 Referans Kwoze

Solomon 3:3

Te taun tonalubo bidi dabego augwa bilibo sę eyu, augwaligo ena suali. Te eno augwaliba hanalu wali, “Dagego eno abagi sualiwe, ma meniwe?”

Hibru 12:2

Tama tiyu dago gedugo Jisasba naga tonono iyąo, aga te dago agade konealubo po dąų wabo kolesaga page bidi, tama nosali agai dago agade tią pabo kolesaga ebo mu usu naibao. Polobadu Jisas aga homugo te wiegi yai homu pemene yabo sę te nosali sabo homu elama, tama aga bomo elama bidali, tama aga dene bugagia tolama aga ni pedaide isai. Agai homugo te ni pedaide hale sabo te olo nai tiwai da, te homu yai. Tama megi da agai genuai nogi elalubaso, aga te God dulalubo sia saide te dolo nogo badude megi dulaluyu bidibo dao.

Filipai 3:6

Eno te Godigo nogi dolobo we bidi elaibao homu bomo elama, tama tede geda muyu eno te Krais wali pabo we bidi hani augwalibolo genuai dene mayu bidai dao. Te Godigo te Juda dabego bomai po dolo wali pabo bidibolo te doloba pai bidi nogi pogi sogo da, teda enabolo agai te nogi pogi da. Eno te bomai po me deli me bolobeo. Te eno dwagi yai kolesaga tama yali goli, te usu meni.

2 Korin 11:13

Magi baso meni. Te tobage sę ebo bidi dabe augwali te Godigo po sela pabo bidi dabe mu menio, augwali te tibo po wabo sę ebo bidi dabe naga bidibao. Augwaligo augwa kolesaga hasegelama, tama tigigo naga augwali te Kraisgo po sela pabo bidi dabe tiwai bidibao, we bidigo gedude.

Dwagi Yai Gesi Po Jongo Asęani 16:2

“Augwaligo dage te Juda dabego bomo yai po ola mabo bede mu sela sąwaibao, te dagede habu selebao. Tama te sę naga egobeo. Nosali sogo pedalobode, tama te dage ela mubo bage augwaligo homugo Godigo sę augwaligo bugagia ebao, te homu yaibao. Tama te homu eyu, tama dage dali tiwai sę yaibao.

Dwagi Yai Gesi Po Lukgo Asęani 6:22

Megi dagego ena te Godigo Bidi Mu wali pobaso gasa bidigo dage dali sesanobo po weyu, dage buluba gudula palu, dage bidasabo po dwai weyu, dage dwai bidi dao obaso da, teda dage bugai homu pemene yao.

Matyu 23:2

Agai e tiwai po wai, “Te bomai po page ola mabo bidi dabe dali, te Farisi dabe dali, augwaligo dagebolo te bomo yai po ola mabo dao, te Mosesgo yali gilama ebo dao.

Hosea 6:5

Tama tibaso, te eno profet bidi dabe tagala palama, te dage po tų yabo po augwaligo dageba bomonama weyu, tama te dage dwai dene mu saibao. Dagego odalio, te mena sę eno dageba yabo te dagego koneai. Te hania mu elalubao. Tama te sę dabe e tama telalubao.

Aisaia 62:6

O Jerusalem, te nago masigigo nigai genuai obo ugwadu daide eno te tonalubo bidi muai, tama augwaligo pedauwali te giligade hulide me pania sogobeo. Eno augwaliba te tiwai po wali, “Dage te Genuai Bidiba i wabo bidi dabe, dagego toma me nogobeo. Menio.

Solomon 8:11

King Solomongo wain gi te bulu Balhamonde elaluali. Te bidi dabe augwaligo te gi sę yabo homu ebaso da, te mone hauwa tausen te umabo 1,000 kina silva te kingbolo mobaso usu dao.

Godigo Nogi Ugwaba Sabo Tęąbi Po Wabo Buku Dabe 141:5

Wiegi yai bidigo te ena homu dene elama, tama ena sesanobo sę eyu, te enaba wado ilaibao. Awe, usu dao, po menio, te kolesaga ebogo agai ena tau sabo dao. Tiali goli, eno te dwai sę ebo bidi dabe dali abagi me wagobeo. Magi baso meni, te sesemane sogo eno te augwa ebo dwai kolesaga tagalomainu, te gedu haluasa po wabo dao.

Solomon 5:6

Eno ena abagi sunumi dalali. Tiali goli, aga pai yalio, tama eno aga subeo. Eno agai wali pode homu kone palama, tama eno haliga dwai mu yalio. Te eno aga gegebo sę yali, tiali goli eno aga me subeo. Eno aga i wali, tiali goli agai eno i weyu me ponobeo.

Solomon 5:8

Te Jerusalem we dabe, te dagego eno abagi wali bidi subaso da, dagego te tiwai po dąų walama, agabolo wao, eno aga homu godolo mu elama, te eno nogo sągą dili kimi meni yai elalubo po walao.