Biblia Todo Logo
Bib sou entènèt

- Piblisite -




Solomon 5:6 - Godigo dwagi yai po buku

6 Eno ena abagi sunumi dalali. Tiali goli, aga pai yalio, tama eno aga subeo. Eno agai wali pode homu kone palama, tama eno haliga dwai mu yalio. Te eno aga gegebo sę yali, tiali goli eno aga me subeo. Eno aga i wali, tiali goli agai eno i weyu me ponobeo.

Gade chapit la Kopi




Solomon 5:6
30 Referans Kwoze  

Te hulide ena godege pila mudu digi, tialima, eno homu kone palobo sę iduali. Te eno nade suali, te eno bidigo eno be sunumiba bebego udalio. Eno we da, te eno hobolu du mu dao, nago be sunumi dalama, ena tomoba asabo nigilao. Te hulide segeni ąį te eno tobolu niside pągąwai elalubao.


Te eno bidi meba wei eyu da, te eno augwali dali wado po weyu, te augwaligo kolesaga eno dodolobo dao. Tama tibaso, nago bomo elama, tama homu hodolama, nago yali dwai kolesagade ge neyu, tama nage homu begelao.


Tama polo te ba kakaruk hwa si sogo wai. Tama Pitago te Jisasgo agabolo wali po te homugo ma kone palali, “Te ba kakaruk po si sogo wasiąbadi, tama nago po sela sogo wagi soyu, nago ena konebeo po waibao,” wai. Tama Pita aga dwai gela mu wai.


Tama megi da Pitago Jisasgo aga dali wali po homugo ma koneanio, “Te ba kakaruk po wasiąbadi, tama nago po sela sogo olama, te nago ena konebeo waibao.” Tama Pita aga te bedu buluba solama, gela geninama mu wai dao.


Tama eno augwaligo gedu haluasa po wabo odai menio. Magi baso meni, augwaligo eno po odisąma ebaso.


“Te ena te ena buluba ma pelama, te ena we bidi tagaligi pelama da, tama te augwali te augwa yali dwai sęgęde te dene me sęgę sabo sogoba usu somainu yaibao. Tiali goli, nosali te augwali enaba ma asaibao. Te augwali dwai dene siyu bolo elama, te augwali enaba ma asaibao,” wai dao.


Augwaligo sipsip me bulmakau te Genuai Bidiba ofa yainu sali, tiali goli augwaligo te ofa olodali yali. Magi baso meni, Genuai Bidigo augwali tagalali, tama tiyu augwaligo aga munu ma susiąbo ąǫ yai.


Eno i olama, Genuai Bidibolo ena tau sao po olama, hanalubo dao. Tiali goli, agai eno gedu haluasa po waboba olo saganama, odobo menio.


“Mu tama, te tigidali sogode augwa te enaba lotu wabo kolesaga eyu, te eno homu kolesaga osola sueinu yali. Te augwaligo enaba hanalu, te augwaliba doloba pai kolesaga yao weyu, te augwali pąde bidibaso, te augwali wiegi yai pemene yaibao wali. Tiali goli, te hani dabego tibo po mu wai. Augwaligo te eno bomo yai po tudiba munama, te augwa dwai kolesaga naga ebo sę yai dao.


Eno ena we bidi dabeba sesemane sogo wado eyu, haliga sębę idugobeo. Te eno tama tiyu da, eno koneani, te augwa bidibo ula dolama, te mu silaibao, te bidibo ula ena digi eno augwaliba mawai dao.


“Eno dage gegagasali sogo, magi baso eno te bidi me deli bidibo subewe? Te eno dage i wali sogo, magi baso dagego eno i wali wei ponobewe? Dagego homugo te eno dage ma sabo bomo meni da homu yali da, agawe? Odao. Eno te po obaso, te tamu ąį tigidali mu sula saibao. Eno te po obaso, te genuai soabo ąį te masigi sane olo elalueibao. Te sųgų dabe isilama, kugumini dwai yaibao.


Tama te sogo dage Israel dabego te balia po waibao. “Genuai Bidi, eno nago nogi ugwabo sobao. Nago ena dali sębę yali, tiali goli nago sębę silalio, tama nago ena wiegi yai sę ilalio. Tama megi da, eno homu bugagia bidibao.


Megi da, eno te Genuai Bidi agai yaibao wali te sę ebo deli naga tonaluaibao. Agai Israel we bidiba polo tudi ola mawai dao. Tama agai augwaliba te begela ma tonogobeo. Tiali goli, eno agai bomo deli naga konealuaibao.


Nage gasa sawi yai we, tama nago tigidali we aiyaba elaluali. Nago abagi wali bidi mena paliwe? Dago nage tau selama, aga gegaibao. Tiali goli, aga mena sunumidu wali paliwe?


Tialima, eno abagi wali bidigo te sunumide daganama, uga siyu, edaba tola siyu ebo nai handelba nogo tola sagasida wabo eno odama, tama eno haliga hogodalu, te eno wiegi yai homu pemene yalio.


“Te tama tebo sogo te eno dage tau somainu te dagego ena i waibao, tiali goli eno po wei me ponegobeo. Tama dagego ena gegebo sę ebadi, tiali goli te dagego ena me susiąwai.


Genuai Bidi, nage te Tigidali Bomo Elalubo God dao, nisu naga sogo digi te nago naga we bidi dabego gedu haluasa po wabode te wado po me nago elalu odaibawe?


Eno homugo Godiba kone palama, tama eno haligade gela wali. Eno homu konealubode tama eno haliga sęgę elaluai.


God, eno nageba te i wedu wedu gebo sę edubadi, tama eno bomo te silalio. Tama eno dogoni wa pelama, tama eno gedu dene yai, magi baso meni, eno te sesabi elama gana nago ena tau sabo tonaluai.


Genuai Bidi, nago enaba wiegi yai sę mu eyu, tama ena te bomonama dolalumainu eyu, te bulu dude dolalubo bomai be tiwai gilama ilali. Tiali goli, nage geme duala sali sogo, te sogo ena wi elama, aiyaba mu dulai dao.


Genuai Bidi, nage da te ena seselalubo bidi dao, tama eno nageba i obao. Eno gela wabo odao. Te nago eno gedu haluasa po wabo wei ponisiąyu da, teda ena te isai we bidi dabe tiwai elama, tama te isali bidi dabego pesageba paibao.


Tiali goli, kingo Abisaibolo me, te aga ama Joapba me, te tama po wai, “Te dage sigo sę me menio. Te aga gogola tagalao. Te Genuai Bidigo te bidiba po walobaso, te agai enaba te dwai po waibaso da, teda dego agaba hanalu waibawe, ‘Magi baso nago te tobage po obawe?’”


Tama tiyu, agai te Genuai Bidiba te tama po hanalu wali, “Te eno mena tama sę yagawe?” Tiali goli, Genuai Bidigo te nade agabolo te po wei ponisiąyu, ma te Godigo homu konea pabo masigi me, ma te profet dabego pedauwalide me, te po wei me ponisiąwai. Genuai Bidigo te po me deli te wei me ponobeo. Mu menio.


Tama aga ama dedebolo i wali, “Suao! Augwaligo te eno mone ma te begba bulali! Te eno begde munalubo suai.” Augwaligo te po wabo odama, tama augwali dwai noma mu sali. Tama augwali wi mu elama, tama subigila po miyu, te po wali, “Godigo mena sę dabolo megi yaliwe?”


Swiv nou:

Piblisite


Piblisite