Solomon 4:15 - Godigo dwagi yai po buku

¹⁵ Nage te ulu ąį pągąnama, te buluba gelama, tama peyu, te giba ąį mabo tiwai ebao. Nage te dwasianu ąį gomo dabe tiwai te Lebanon bulu dude ulu pedelama, tama te giba aiya dulubo tiwai ebo dao.

Solomon 4:15 Referans Kwoze

Dwagi Yai Gesi Po Jongo Asęani 4:10

Jisasgo te webolo po wei ponoyu, te po wai, “Nago te God agai te we bidibolo olo mabo nai konegi sogo da, tama ena mena bidigo nagebolo ‘Aį ena mao, ena tueio’ obao konegi sogo da, te si nago konegi sogo da, teda nago ena hanalu olama, eno nagebolo te bidabo bomo elalubo ąį mao wagi da,” Jisasgo te po wai.

Dwagi Yai Gesi Po Jongo Asęani 7:38

Godigo wali po asęani bukude te po asęani po gilama, ‘Bidi mego enabolo homu dąų olama, mubaso da, ta, te bidigo homu kolesagade te bidabo bomo elalubo ąį hauwa mu ulu pedalama, bilaibao,’ wai,” Jisasgo te po wai.

Dwagi Yai Gesi Po Jongo Asęani 4:14

Tialima, bidi me deli eno mabo ąį tuyu da, tigidali sogo te bidi ąį nogone ma egobeo. Te ąį eno mawainogo ebo ąįgo da, te tama tiaibao, te ąį da bidabo bomo mabo wę ulu pedalubo ąǫ te bidi tigi tomode tiwai yaibao. Tama te ąį tigidali sogo pedaliyu, te bidi mu bidada peyu, mu bidada paibao,” Jisasgo te po wai.

Jeremaia 2:13

magi baso meni, eno we bidi dabego te dwai sę si yali. Hasia augwaligo ena tudiba muai. Ena te ulu wę tiwai te augwali bidabo ula maiabo wę elaluali, tiali goli, augwaligo ena tagalali. Tama me, tǫ diganama, augwa digi te wę sabobo nai nigali. Tiali goli, te wę sabobo nai te alua pelama, te ąį augwalide elalubo usu ebeo.’”

Kraisgo Geme Dualali Sę Pedelabo Po Jonbolo Ola Mani 22:1

Tama te ensel mobo bidigo pabo ąį me deli ena ola mawai, te bidibo ula mabo wę, tama te wę te dula ula mu gegemani ebo tiwai ula yai. Tama te ąį aga gomo, te God dali te Sipsip Wai augwali sigo tuni bidi duabo sai pagede te ąį gomo elalubao.

Jeremaia 17:13

Genuai Bidio, sesemane sogo da Israelgo konealubo po nageba dąų olama, te nago da tau sabo tonalubao. Te bidi dabego nage tudiba muani, augwali hale dwai mu yaibao. Polo tama te bidi dabego augwali homu kone palubo tagalu, te nogi me deli homu kone gegeda pabo tiwai eyu, bidigo te tǫ hogomude asęai po polo hola pabo tiwai yaibao. Genuai Bidi, nage te ąį ulu tiwai dabolo ula mabo tiwai ąį elalubao. Tiali goli, te bidi dabego nage tagalobo dao.

Solomon 4:12

Eno we, nage eno hobolu du mu da. Nage te obo baguai gi me deli tiwai elalubao, tama te tomoba niwai bidi me pisąwani. Nage te ulu wę me deli tiwai te gi tomode elalubao.

Kolesaga Koneai Bidigo Pusali Po Elalubo Buku 2:6

Eno te dwasianu sigi ąį ge dabe nigilama, te ni du gi dabeba ąį sagaduabo nidigili palio.

Godigo Nogi Ugwaba Sabo Tęąbi Po Wabo Buku Dabe 46:4

Te Godigo hanu da, te magi dwai sę meni yai wiegi yai bulu, te Ugwadu Mu Bidibo Godigo hanu dao. Te genuai soabo wę me deli te tomode elalubao, tama te węde te we bidi dabego wiegi yai pemene ebo dao.

Bugagia Bidibo Kolesagade Po Asęai Buku 5:16

Te nago subigila we dabede penani sę elama wai ame nobaso da, teda te wai dabego nage te nosali badu me tau sogobeo. Tama tiyu, te naga wego naga te naga wai dabe naga mu ame nomainao.

Bugagia Bidibo Kolesagade Po Asęai Buku 5:18

Godigo te nago webolo te wiegi yai sę bugagia emainao. Te nage gesi bidi bidiyu dali we te nago ulu wę tiwai da, tama nago agade wiegi yai pemene yao.

Aisaia 58:11

Te ena Genuai Bidi, te sesemane sogo eno dage bugagia tonalu, te dage bilibo dodolama, te dagego homugo wei homu ebo nai dabe usu nama mawaibao. Megi dage te ąį meni yai tǫde bidibo tiwai ebao, tiali goli eno dage wiegi yai bomai we bidi pedalumainu yaibao. Tama dage te gi tǫ ili ąį hauwa elalubo tiwai elama, te sula sisąbo ulu ąį tiwai elalueibao.

Sekaraia 14:8

Te sogo te wiegi yai ąį te Jerusalemde pedelama te soaibao. Te ąį me badu bugai te sigi ąį Detsiba peyu, te bugai me badu te genuai tamu ąį nogi Mediterenianba paibao. Te soabo ąį te tulubage tulubo sogo me te giliga nanobo sogo soaibao. Te ąį me sula sogobeo wali.