Solomon 2:14 - Godigo dwagi yai po buku

¹⁴ Nago naga be tomode bidali, te ba te bulu du dwai madi dedage dwasianu tomode geme dualalubo tiwai elaluali. Te buluba dįą soao, te eno nago sawi yai gesabidi sulama, tama nago wiegi yai dogonigo po wabo eno odaibao.

Solomon 2:14 Referans Kwoze

Solomon 1:5

Dage Jerusalem we dabego, odao. Eno tigi husugu yali, tiali goli ena sawi yai pai mu da. Eno tigi husugu yali, te Kedar dabego wa pai bulude te sel ugwa be dabe husugu yai tiwai dao. Tiali goli, ena gasa sawi yai mu, te sawi yai name ugwa dabe te king Solomongo bede walalubo tiwai dao.

Solomon 8:13

Eno abagi, nage gide bidibaso, eno homugo nago po omainu homu ebao, tama eno hai namu dabego te nago dogonigo po wabo odomainao wali.

Solomon 5:2

Te hulide ena godege pila mudu digi, tialima, eno homu kone palobo sę iduali. Te eno nade suali, te eno bidigo eno be sunumiba bebego udalio. Eno we da, te eno hobolu du mu dao, nago be sunumi dalama, ena tomoba asabo nigilao. Te hulide segeni ąį te eno tobolu niside pągąwai elalubao.

Ma Dobola Sali 3:6

Tama ena te nago wąį dabego God dao. Ena te Abraham, me Aisak, me Jekop, te bagego God dao.” Mosesgo te po odolama, aga gesabi halua sali, magi basowe, agai te God subo wi ebaso, tiwai dao.

Kraisgo Geme Dualali Sę Pedelabo Po Jonbolo Ola Mani 5:8

Tama agai te buku sai digi, te aga genuai bidi mu bidibaso, te bidibo ula elalubo hasa me si me si badi, te bidi sese olama me badu nogo me si me si te polalubo tobolu bidi augwali te kibu sipsip wai pąba pelama, kidu sugunigi pai. Tama te tigidali tobolu bidi deli deli augwaligo te elebo nai gita tiwai badi, te wiegi yai kapa golgo nigai pou te tola sobadi yai. Tama me te pauda denami ebo nai te tigidali poude elalubo siago deyu, tama te holobo denami yai hano te Godigo we bidi augwaligo Godibolo wabo gedu haluasa po tiwai holobo eno suai.

Hibru 4:16

Tama dago te tobage genuai pris tobolu bidi elalubaso, da te dwagi yai homu eyu tama God pąba pao, te da wi me egimio. Aga da te olo tau siyu wiegi yai kolesaga mabo bidi dao. Tama da agaba peyu, tama agai da homu dene ebo homu eyu te da tau saibao. Tama dago sęgę elalubaso da, teda agai te olo tau sabo wiegi yai homu kolesaga ebogo te da tau saibao.

Obadia 1:3

Te duga hagoma ebo kolesagago naga, te dage tibo po ola mobao. Te bomai masigi obogo te dagego genuai taun bagua selama, te dage bulu du tomode bidibao. Tialima, dagego te tama po obao, ‘Dego da aiyaba elalueibawe? Mu menio,’ wabo.

Esekiel 7:16

Te me badu usu yali da, te augwali bulu duba wi pelawaibao. Tama te tigidali wi pali we bidigo te augwa yali dwai kolesagade homu kone palama, te augwa haliga sęgę elama, dwai gela waibao, tama augwaligo gela wabo te odogo bulude bidibo ba dabego gela tiwai pedelaibao.

Jeremaia 49:16

Nago te gasa hani we bidi dabe wi mu ilama, te nago nage te polalubo mu da homu yali. Tialima, naga digi tibo po ola mawai. Nago genuai taun te bulu du pesage daide ugwadu elaluali. Tialima, te nago taun te ba kemodagego be daide ugwadu sę ebo tiwai elalubo, te tagalao, te nage eno aiyaba kekasa duleibao. Te Genuai Bidi, eno po dao.”

Jeremaia 48:28

Dage Moap, dage te masigi dedage buluba geme duala sigi piąo. Dagego te ba dabego augwa be te sau dagede sę ebo tiwai gilama tama dage me tiąo.”

Aisaia 60:8

“Te magi tedela yai nai asesa mu asu, te dagalu pǫ waligo te tamu ąį daidu selasa asobo tiwai yali, te ba hi dabe augwa beba ma bola asobo tiwai ebawe? Te magi nai dawe?

Aisaia 51:3

“Ena Genuai Bidi, eno te Jerusalemde homu dene mu yali, te taun dolai elaluali, te eno agai sęgę tigidali sia somainu yaibao wali. Megi te olo masigi sane pesage elaluai, tiali goli eno te wiegi yai sę hauwa pedalumainu elama, tama te tonobo gasa sawi mu eyu, te eno nigali Iden gi tonobo tiwai yaibao. Te wiegi yai homu genuai pemene ebo pesage pedelama, te sesemane sogo aga we bidigo te enaba usu da wabo balia po waibao.”

Solomon 1:15

Nage gasa sawi yai we mu bidibaso, eno nage godolo mu ebao. Tama nago me nago ena godolo eyu, te nago ena dali gedu ebao.

Jutgo Asęani Pas 1:24

Te God agai bomo elalubaso, agai dage bugagia tonaluyu, dage me tulalugobeo. Tama agai dage tau siyu, tama dage dwai sę me isiąwai, dwagi yai homu pemene mu eyu, tama agai dage aga moni ula elaluyu gegemani ebo madigi teba sela pabo usu yaibao.

1 Pita 3:4

Te tobage au yabo nai te osogo naga elalubo nai dao. Dagego au yabo nai te gasagi yai mu dao. Te dagego homu kolesaga tomode geme dualali au yabo gasagi yai nai mu tedali elalubo dao. Tama dage nagamea pai homu eyu, dua bidabo kolesaga elalubaso, teda te gamonabo au yabo nai mu dao, tama Godigo gedude te wiegi yai dila pai nai mu dao.

Hibru 10:22

Tama elalualigo da, teda da homu mu eyu, tama homu si me esiąyu dago Godiba konealubo po dąų mu olama, tama da aga pąba pinao. Agai dago yali dwai sę sęgę sela sąnama, tama dago homu wiegi yai ma ilali. Me agai dago tigi sese te wiegi yai ąįgo mu telawali.

Kolosi 1:22

Tiali goli megi aga Ogwago tǫde bidali tigi isali kolesagago agai dage aga abagi ilai dao. Agai homugo dage tedali mu we bidi, dage bugagia magi sęgę me meniama wiegi yai agai gedude nigiliyu, tama agai dage aga pageba odasa asomainogo agai dage aga abagi dabe ilai dao.

Efesus 5:27

Tama Krais agai homugo aga po wali pabo we bidi agai gedude augwali te wiegi yai mu pedalomainu yali. Tama augwali te husugwa sai me, bedogola sai me, te tiwai elaluidali weyu, tama augwaligo te magi dwai sę me esiąyu wiegi yai kolesaga naga eyu bugagia mu bidimainao. Te homu Kraisgo aga po wali pabo we bidi dali yai.

Matyu 10:16

“Odao, eno dage te sipsip tiwai te uni yowi augwali tomoba tagala palobao. Tama tibaso dagego te hasamanigo ebo kolesaga tiwai wali peyu, tama hasia bolo dagego yabo sę bolo homugo kone palao. Tama dagego te ba higo ebo nagamea pai kolesaga tiwai wali peyu, tama dwai sę me deli yabo homu kolesaga egimio.

Matyu 3:16

Tama Jisas baptais selama, tama polo aga te wę tagalama te wę sesegeba holai. Tama dagalu tomode buga palima, te Godigo Mobo Bidi te aiyaba dulubo te agai suali, te ba hi tiwai tama aselama, te Jisasgo tigiba bidagasali.

Daniel 9:7

Genuai Bidi, naga duba deligo naga te doloba pai kolesaga ebo God da, tiali goli te dena dwai kolesagago te hale genuai da tigidali Israelba sela asali. Tagala, da Judia tǫde bidibadi, ma Jerusalemde bidibadio, ma tigidali buluba te nago da tagala paliyu ela bilibo da, te dago nago po me sela sąbaso, nago da tagala palai dao. Tama megi te dwai halego da mesegelai dao.”

Aisaia 6:5

Tama tibaso, ena wi ebaso, te po wali. “Mu tamao, ena mu dolaibao. Tigidali sogo eno pedauwalidu dwai po wabo dao. Tama ena dwai po wabo we bidi dabe tomode bidibo dao. Ena dwai sęgę wa abibo bidi dao. Tama megi da, eno te tuni bidi polo suali, aga Genuai Bidi Tigidali Bomo Elalubo Bidi. Tama tibaso, ena isaibao,” eno te po wali.

Aisaia 2:21

Tama te sogo da, Genuai Bidigo te tǫ mali iliyu, tama tǫde wi mu yabo sę dabe yaibao. Tama te we bidi dabe me wi mu elama, te masigi ola beba me, bulu du dologode elalubo masigi dedageba dabe wi duala sigi paibao. Te augwaligo te Genuai Bidi aga ula dali, bomo dali, asobo augwaligo suidali weyu.

Solomon 1:8

Eno abagio, nage gasa sawi yai we mu da. Te nago ena suabo homu ebaso da, teda nago te sipsip dabego sągą pasalu wali poanao. Nago wali pobaso da, teda naga meme dabego tuabo wiegi yai nosai elalubo sueibao. Te nosai te sipsip tonalubo bidi dabego sel ugwa be pąde elalubao.

Bugagia Bidibo Kolesagade Po Asęai Buku 15:8

Genuai Bidigo te dwai kolesaga ebo bidigo ofa ebo te wei mu me egobeo. Menio. Agai tede dwai homu mu ebo dao. Tiali goli, agai te doloba pai bidigo gedu haluasa po wabo te wei mu eyu, wiegi yai pemene mu ebo dao.

Godigo Nogi Ugwaba Sabo Tęąbi Po Wabo Buku Dabe 110:3

Te nago te boi bidi dabe dali hwįainu ebo sogo, te naga hani bidi dabego usu da, pinao po weyu, te nage dali pelama, tama nage tau somainu yaibao, tama dage te Godigo bulu duba ugwaba holaibao. Tigidali sogo hulide tulubage wę segeni te nosade pedalu, tama te nosago gesi bomo siyu ebo dao. Tama nage me nage te tigidali sogo bomo saibao.

Godigo Nogi Ugwaba Sabo Tęąbi Po Wabo Buku Dabe 74:19

Te nago hani bage te augwali bomo meni yai. Tama tiyu, nago da tagalubaso, tama te boi bidi dabego daba te dwai sę mu elama mu dolaibao. Te boi bidi dabego te naga we bidi dabolo te dwai dene mabo sę ebao. Iya, nago da homu kone me gegeda paligio.

Godigo Nogi Ugwaba Sabo Tęąbi Po Wabo Buku Dabe 68:13

Te we dabe te silvago, me golgo te gasagi yai au mu elama, tama augwa te tonani te gasa wiegi yai ba sawi yai tiwai yali, tama aga te silvago ula tiwai yali, tama aga bogo te golgo gegemani ebo tiwai ebao. Tiali goli, magi baso bidi meba te sipsipgo obo tomode bidibawe?

Godigo Nogi Ugwaba Sabo Tęąbi Po Wabo Buku Dabe 50:23

Te enaba usu da weyu, gedu haluasa po weyu, te enaba ofa mabo tiwai ebo bidi, agai te eno nogi ugwaba sobao. Tama eno te po wali pabo bidi dabe te eno ma dobola saibao,” po wai.

Godigo Nogi Ugwaba Sabo Tęąbi Po Wabo Buku Dabe 45:11

Nago tama tebo te kingo subaso da, te nage sawi yai we da weyu, tama te nage godolo mu yaibao. Aga te nago genuai bidi da, tama tiyu, nago agai po wali pao.

Godigo Nogi Ugwaba Sabo Tęąbi Po Wabo Buku Dabe 22:3

Tiali goli, naga digi nage te tedali wiegi yai mu elalubao. Nage te king bidibaso, tama te Israel dabego nago nogi ugwaba sabo dao.

Jopgo Po Asęani Elalubo Buku 9:16

Ma, tama eno aga i olama, tama te po tų odagasa obaso da, tama aga asigi sogo da, teda eno homugo agai eno po odogi menio.

Godigo Nogi Ugwaba Sabo Tęąbi Po Wabo Buku Dabe 45:12

Te Tair bulu we bidi augwaligo te nageba wiegi yai homu ilibo nai dabe sesaibao, tama te mone hauwa elalubo bidi dabego me te nageba wiegi yai homu ebo nai dabe mawaibao.