Solomon 2:13 - Godigo dwagi yai po buku

¹³ Te ni kaya du walobo gagalali. Te buside tigidali bonogo duduli pedelama, tama te plaua dabego wiegi yai denami ebao. Eno sawia pai we abagi mu, nage buluba teda asao, tama nage ena dali asao.

Solomon 2:13 Referans Kwoze

Solomon 2:10

Tama agai ena dali e po wali. “Eno abagi we sawi yai we mu, nage buluba teda asao, te nage ena wali asao.

Aisaia 61:11

Magi baso meni. God, Genuai Bidigo doloba pai kolesaga dali, te aga nogi ugwaba sabo kolesaga dali, te we bidi dabe tomode pedelaibao, te gide bulali nai wai kulubi pedelama, te genuai ebo tiwai yaibao. Tama te gasa Israel hani isąwai we bidi dabe tigidaligo sumainogo yaibao.

2 Korin 5:20

Tama tibaso, dago te Kraisgo pedauwalide po selama tama agai po pusubao. Te tiwai God aga digi te tigidali bidi dago pedauwaligo i obao. Dago Kraisde digi te po tigidali we bidibolo pusubao, tama dago te tiwai po augwalibolo obao, “Te dagego boi bidi homu ebo kolesaga tagalama, God dali abagi homu ebo kolesaga mu yao,” dago te po pusubo dao.

Dwagi Yai Gesi Po Lukgo Asęani 19:42

Agai te po wali, “Ena wali asobo we bidi dabe augwaligo te boi pibo sunumi konebao. Megi eno homugo boi pibo te page Jerusalem bage dagego megi koneaibao. Tiali goli, te page God agai geme dualali, dagego sube.

Matyu 24:32

“Dagego te ni kayade koneiąo. Te agai nologode te wę elaluyu, te gesi yabe pedalabo sogo, dagego koneaibao, te sogo te dwagi yai giliga nanobo si pedalainogo ebao, te po wabo dao.

Hagai 2:19

Te mu tama, te tubo nai muabo bede te sia gagawai nai wit me elalubeo, tama ni wain me, me te ni kaya fik me, tama me te ni pomigranet me, te oliv me, te ni dabe augwali du walisąbadi, tiali goli megi eno te gagalama, tama dage dali eno dwagi yai sę ma ilaibao,” te po wali.

Hosea 14:6

Te augwali wiegi yai mu te gesi ni yabe pedalubo tiwai eyu, te oliv ni wiegi yai pedalubo tiwai yaibao. Tama te we bidigo augwalide wiegi yai homu pemene eyu, te augwaligo te Lebanon wiegi yai ni sida dabe te wiegi yai denami ebo tiwai yaibao.

Aisaia 18:5

Te mu tama, megi te bulu te ni wain bomona holama, tama dudili elama, tama telega pelama, te wain du tau yabo magą ebo tiwai dao. Tialigo Genuai Bidigo te bulu dolaibao, te bidigo sębę elama, te ni wain nologo te wain du tau isąbadi toga sabo tiwai yaibao, te nedu du sabo magą isąbadi toga sabo tiwai yaibao.

Solomon 7:8

Ena te kokonas nidu ugaba holama, te nai aga du saibao. Eno nago ame suali, te du hauwa walai wain nologo elalubo tiwai yali.

Solomon 6:11

Ena dulama, tama ena te du wiegi yai walobo ni dabe elalubo giba asali. Ena asali, te gesi kulubi dabe te ni dabede te bulu odogode holobo sueinogo asali. Eno te ni waingo gesi kulubi dabe, me te nai du walali wiegi yai elalubo te eno sueinu yali.

Solomon 1:15

Nage gasa sawi yai we mu bidibaso, eno nage godolo mu ebao. Tama nago me nago ena godolo eyu, te nago ena dali gedu ebao.

Solomon 2:15

Te dwasianu bulu uni yowi dabe nogo pageabi elama, tola sao. Tiyu, augwali dago gi tomoba aselama, te wain ni duduli walobo plaua dolidalio,” wali.