Solomon 2:10 - Godigo dwagi yai po buku

¹⁰ Tama agai ena dali e po wali. “Eno abagi we sawi yai we mu, nage buluba teda asao, te nage ena wali asao.

Solomon 2:10 Referans Kwoze

Solomon 2:13

Te ni kaya du walobo gagalali. Te buside tigidali bonogo duduli pedelama, tama te plaua dabego wiegi yai denami ebao. Eno sawia pai we abagi mu, nage buluba teda asao, tama nage ena dali asao.

Kraisgo Geme Dualali Sę Pedelabo Po Jonbolo Ola Mani 22:17

Te Godigo Mobo Bidi dali, te Kibu Sipsip Waigo we dali sigo te po obao, “Nage asao.” Tama e po odali we bidi tigidali augwaligo me te po wao, “Nage asao.” Tama te wę nogone ebo bidi, aga asomainao. Wę tuainogo ebo bidi, aga aselama, te bidabo ula mabo wę tuagasao, te Godigo agabolo olo mu mawaibao.

2 Korin 11:2

Te gasa bidi dabe augwaligo te dagego Krais wali pabo kolesaga dolidali weyu, eno augwalide dwai homu ebo dao, te Godigo augwalide dwai homu ebo tiwai gilama. Magi baso meni. Bidigo aga penani sę munu me isąwai wiegi yai bidibo gesi wegi noma te bidi delibolo naga mabo tiwai, te eno dage te bidi deligo naga somainogo eyu sa muanio. Eno dage Kraisbolo maiabo homu ebo dao.

Solomon 2:8

Edao! Eno abagi wali bidi enaba asobao. Suao! Aga sasa mano dulu te bulu dabedu ugaba udada asobao, tama eno aga dogonidu wabo po odalio.

Jeremaia 31:3

Genuai Bidi te digibulu buludu aselama, te ena, Jeremaiaba pedelama, te tama po wali, “Dage Israel, eno dage sesemane sogo godolo elama, te eno wiegi yai kolesaga dageba ebao, te dage ena pageba asomainogo tebo dao.

Solomon 5:2

Te hulide ena godege pila mudu digi, tialima, eno homu kone palobo sę iduali. Te eno nade suali, te eno bidigo eno be sunumiba bebego udalio. Eno we da, te eno hobolu du mu dao, nago be sunumi dalama, ena tomoba asabo nigilao. Te hulide segeni ąį te eno tobolu niside pągąwai elalubao.

Godigo Nogi Ugwaba Sabo Tęąbi Po Wabo Buku Dabe 85:8

Eno te Genuai Bidi Godigo pusubo poba olo muani. Agai te wiegi yai nagame yai homu, me te da bugagia bidabo po wali, te dago polobadu yali dwai kolesagaba da ma begasa pisąbaso da te tama tiaibao wali.

2 Samuel 23:3

Te da Israel dabego God te genuai masigi tiwai elama, tama da bobegelalubao. Agai enabolo te tama po wai, ‘Te king God dologode bidiyu, tama te we bidi doloba pai kolesagade tonalubaso da,

Matyu 9:9

Te Jisas te bulu tagalama, tama aga pobadi agai bidi me deli te nai sela asobo we bidide takis mone sabo bede dulalubo suali, te bidi nogi Matyu da. Tama Jisasgo agabolo te po wali, “Nage ena wali asao.” Tama aga hodaluama, sisi elama, tama aga wali pai.

Solomon 1:9

Ae, nage eno sawi yai abagi da, nago au yali wiegi yai da, te Isip king bidigo karis dabe kekebo hos kibu dabe au yali tiwai dao.

Solomon 1:15

Nage gasa sawi yai we mu bidibaso, eno nage godolo mu ebao. Tama nago me nago ena godolo eyu, te nago ena dali gedu ebao.

Solomon 2:11

Nage te tulubagede wi me elamuo. Te tulubage be yali sogo silalio.