Sekaraia 9:4 - Godigo dwagi yai po buku

⁴ Tiali goli Genuai Bidigo augwaligo te nai doado bage tigidali dagala sąwaibao. Genuai Bidigo Tair dabego te nai dabe te tamu ąįba sąwaibao, tama te boi bidi dabego te taun siago ulama, te tigidali mu dolaibao.

Sekaraia 9:4 Referans Kwoze

Esekiel 28:18

‘Tair bulu king bidi, nago te bisnis sę yali sogo, te nago dwai kolesaga hauwa mu yalio, tama nago te sęgęgo te lotu be dabe dwai meda yai mu pedelalio. Tama tibaso, eno te isi te taun tomode pedelemainu elama, tama sese ula silali, tama te isi sisi dulu keli hali naga te elaluali. Tama gasa tigidali bidi hanigo suali.

Esekiel 26:17

Tama augwali te king dabego te dagego taun dolali sęde te e tiwai hobede ebo balia po waibao, ‘Hobede mu da, genuai nogi yai taun, nage dolalio. Te taun nago we bidi dabe te tamu ąįba asai, te polobadu augwaligo sip hauwa elalu, te augwali tamu ąįde sę yali polalubo hani dabe bidali. Tama te tamu ąį pąde bidalubo taun we bidi dabe, te augwali nago taun we bidide wi dwai mu yali. Tiali goli, megi da, nago sip dabe iba soyu, eda asiyu eyu, te bisnis sę iduali munu ma egobe dao.

Amos 1:10

Eno te Tair taun obo dabeba te isi tula palama, tama te taunde bomai be dabe te isigo dela silaibao,” te po wai.

Joel 3:8

“Te eno te Juda dabego te dagego wai ogwa dabe me wegi somainu ilaibao. Tama te Sabea dabe, te digibulu bidi dabego, te Juda dabeba aselama, te dagego ogwa me, wegi me, abelagaselama, te augwali digibulu sela paibao. Ena Genuai Bidi, eno te po wai dao,” wali.

Esekiel 28:16

Nago bisnis sę bulu hauwaba yali. Tama nago te we bidi dabe dali hwįnama, tama nago bisnis sę tau somainogo yali, tama nago sęgę sali. Mu tama, nage tonalubo ensel bidi tiwai dao, tiali goli nage eno gedude meda mu yai pedelai dao. Tama eno nage sela sąnama, tama nago eno bulu du taga soali. Tama nage te udula pai masigi tomode ma me bidibeo.

Esekiel 28:8

Tama augwaligo nage dolama, mu tagalama, tama nage naga bulude elama muaibao, te tamu ąį tomode. Tama nage aiyaba isai bidigo buluba aiyaba dulaibao.

Esekiel 28:2

“Tǫde bidi, eno homugo nago Tair kingbolo ena God Genuai Bidigo eno po aga dali pusainogo ebo po pusigi pao. Eno po e dao. Tair king bidi, nago naga nogi ugwaba siyu, te po wali, nage god me deli dao, wali. Tama nago bulu te god dabego bulu yali gilama tamu ąį tomode elalubao. Mu tama, nago te po wali, tiali goli, nage god menio, nage olo bidi dao.

Bugagia Bidibo Kolesagade Po Asęai Buku 11:4

Te nago masigi hauwa elalubadi digi te tagalao, tego te Genuai Bidigo nageba te dwai sę yali wei ponainu ebo sogo te nage tau me sogobeo. Tiali goli, nago te doloba pai kolesaga wali pali da, tego te nage tau selama, tama nage polo me isigobeo.

Bugagia Bidibo Kolesagade Po Asęai Buku 10:2

Te nago kolesaga dwai wali pidu, tama te mone hauwa elalubo bidi pedalubaso da, teda naga te monego te nage wiegi yai ilama bidimainu ebaso, usu egobeo. Tiali goli, nago te doloba pai kolesaga wali pali da, te nage dolabo sęgo gegelama, me dologobeo.

Aisaia 23:11

Genuai Bidigo nogo te tamu wę daide balalubao, te tamu wę sesegede elalubo bulu dabe dolainu. Tama tibaso, te bulu we bidi dabe augwali didibili dwai mu ebao. Agai te Fonisia bulude bomai hanu dabe dolainu po polo mawai dao.

Sekaraia 9:5

Tama te Askelon we bidi dabe augwaligo te tiwai sę tede pedalubo dabe sulama tama augwali wi yali. Tama augwali me dolama, tama nosali augwaligo bulude te bidi dabe meni yai. Te gasa bulu bidi dabego me te genuai sęgę augwaliba pedalubo sulama, te augwaligo king bidi isaibao. Te Ekron bulu bidi dabego sulama, te sęgę tiwai augwali me saibao. Augwaligo homugo te Tair dabego augwali tau saiba homu yaibao. Tiali goli, menio. Te augwali mu hagawaibao.