Sekaraia 9:15 - Godigo dwagi yai po buku

¹⁵ Tama Genuai Bidi Tigidali Bomo Elalubo Bidigo te aga we bidi tudi badu tonalu posolalueibao, tama augwaligo augwa boi bidi dabe ela silaibao. Te boi hwįbo side te augwaligo i wabo te bomai ąį tuai bidigo i hae wabo tiwai eyu, tama augwaligo te boi bidi dabe ela mueibao. Te boi bidi dabego kaneme te augwaligo te ofa yainu te poude tabilama te altaba gealubo tiwai yaibao.

Sekaraia 9:15 Referans Kwoze

Sekaraia 12:6

“Te sogo eno ilama, tama te Juda dabe polalubo bidi dabe te kalade te genuai isi bogoli dala sabo tiwai pedalu, ma te wa pai wit gide isi bogoli ula pedalubo tiwai yaibao. Tama augwaligo te augwali pąde elalubo bulu tǫ kantri bidi hani tigidali ela silaibao, tiali goli Jerusalem taun te aga elaluali pesagede tama elalueibao,” Genuai Bidigo te po wai dao.

Sekaraia 10:7

Te Israel we bidi dabe augwali te bomai ami bidi dabe tiwai pedalubaso, te augwali te wain ąį tubo bidi dabego homu pemene ebo tiwai yaibao. Te augwaligo nosali ame nabo wai dabego te wiegi yai sę Genuai Bidigo augwa bulai wąį dabede yali sę homu kone ma palama, te wiegi yai homu pemene mu yaibao,” wali.

Sekaraia 12:8

Te tebo sogode Genuai Bidigo te Jerusalemde bidibo we bidi te obogo bagulubo tiwai yaibao, te boi hwįbo side mubo sabelego te tigi bea sabo tiwai gilama yaibao. Te eno augwali dąų walobaso, te boi hwįabo bomo meni yani bidi dabego me, augwali te polobadu bidali bidi king Devit tiwai bomai bidi pedelaibao. Tama te Devitgo bulali wąį nǫų dabe te nosali pedalubo hani bage te augwa polalubo bidi bidaibao, te Genuai Bidigo mobo bidi ensel tiwai, ma God aga tiwai digi bidibo tiwai yaibao.

Sekaraia 10:5

Tama tibaso, te Juda dabego te boi bidi dabe aiyaba elalubo sę eyu, te ami bidi dabego te taun sunumi dabede te tǫ pude te boi bidi aiyaba agabo tiwai yaibao. Te Genuai Bidi augwali dali bidibaso, te augwaligo hwįbo bomo eyu, te hos kibude dugayali boi bidi dabe me augwali aiyaba elaluboba usu naibao,” wali

Ma Dobola Sali 27:2

Tama te kibu bulmakau gąų tiwai nai me si me si te ni akasgo nigilama, tama deli deli dage badu dąų walama, tama te alta tigidali te brasgo mesegelao, te aga deli tigi naga elaluaibao.

Godigo Nogi Ugwaba Sabo Tęąbi Po Wabo Buku Dabe 78:65

Tialima, megi da, Genuai Bidi hodaluali, te bidi betde pilama hodalubo tiwai gilama yali, tama te bomai bidigo te wain wę hauwa tulama, tama te i hai ola bilibo tiwai gilama yali.

Pris Sę Ebo Bomai Po 4:25

Tama prisgo nogo dani deli te meme kibu kanemeba munama, te alta kom me si me siba te dwasianu kaneme munana pao. Te elalubo kaneme yai baso da, agai selama, te alta aiyaba dogwa sali dedageba gealuao.

Pris Sę Ebo Bomai Po 4:18

Tama agai te kau kibu kaneme meba te me si me si wali kom gąų te alta wiegi yai denami hano holobo te Genuai Bidigo gedu badu mubaso, usu yaibao. Te kau kibu kaneme tigidali me badu elalubadi ebaso da, agai te Ugwa Be sunumi bulu badu te augwaligo ofa ulubo badu sela solama, te alta aiyadu dogwali madiba gelao,” wali.

Efesus 5:18

Te dage te bomo yai ąį hauwa tulama te polobo bidi tiwai egimio. Menio. Te tebo kolesagago dageba daganama dolainogo ebo dao. Dagego God agai wiegi yai Mobo Bidigo dageba daganama tonalumainao, te dage bugagia bidimainogo yao.

1 Korin 1:18

Eno koneani, te augwali digi dolobo sę ebo tųdu pabo we bidi augwaligo homu te Krais ni pedaide isali po te homu kolesaga meni yai bidigo wabo po naga dao. Tiali goli te da Godigo ma dobola sabo we bidi, te dago homu te po da te Godigo genuai bomo hania ola mabo po dao.

Sekaraia 14:20

Te sogo augwaligo te tama homu eyu, te tigidali nai Genuai Bidigo nai naga da homu elama, te dwasianu nai belo te hos dabego magede domoani naiba usu nama yaibao. Tama te po me deli augwaligo te belode te tiwai asęani elaluaibao, “Te nai da Genuai Bidigo dao,” teda asęna elalueibao. Te olo sospen sęnę dabe tama me te Genuai Bidigo bede munaluali nai baso da, teda Genuai Bidigo nai mu pedelaibao, te ofa ebo kaneme gelebo genuai pou dis dabe tiwai yai baso te Genuai Bidigo dao.

Sekaraia 9:17

Te tǫ da, wiegi yai mu elalueibao. Tama te gesi wegi ogwa dabego te wit nai me wain hauwa elalueibao, tama augwali te genuai hani te bomai we bidi mu pedelaibao.

Maika 5:8

Te Israel hani te gasa hani tomode bidiyu, te laiongo buside te hasa sibi ela tueinu gegebo sę tiwai eyu, ma te sipsip obode ela tueinu ebo tiwai yaibao. Aga te sipsip dabe tomoba pelama, te augwali daiba samonama, te augwali gąųgo subigila tologa sąsąbo tiwai eyu, tama te sipsip dabe tau sabo bidi me deli meni ebo ąǫ yaibao.

Aisaia 55:1

Genuai Bidigo te po wai, “Tega, dage te ąį nogonego sabo we bidi dabe, dage enaba aselama, dage wę tuagasao. Dage te mone meni yani hani dabe, dage enaba aselama, te dage nai sela tuagasao, te aselama te ąį wain me hasa bulmakaugo ame pę ąį sagasao, te monego me abeligobeo.

Aisaia 37:35

Eno tama tiaibao, magi baso meni, eno ena genuai nogi homu kone palama, te polobadu eno dąų wabo po ena sę bidi Devit dali wali po koneyu, tama tiaibao,’ wali.”

Solomon 7:9

Eno nago pedauwali denami odali, te wiegi yai nedu du laulau denami ebo tiwai. Nago ena dali nono nani, te wain ąį pusu mu ebo tiwai yali. Awe, eno abagi wali bidi, eno te wain nage mawaibao. Te godege pibo sogo me te tobage wain wiegi yai ebo da.

Solomon 5:1

Eno we, nage eno hobolu du mu da, ena te ena giba asalio. Tama eno te wiegi yai denami ebo nai dabe sisinagasali. Eno te wiegi yai pusu yai nai hani tuali. Te eno ame pę me wain dali tuali. Dage si abagi wali wiegi yai mu da, dage si nai me ąį tuao, dage si mu pągąną pao.

Solomon 1:4

Nago ena selama, da udayu pinao. Nage eno king bidi tiwai, te nago ena selama, te nago be habuba pinao. Te da si pemene yaibao. Nago ena godolo mu ebaso, tama da pemene mu ebao. Dago wiegi yai pemene ebogo te bidi dabego wain ąįde pemene homu ebo aiyaba elalubo dao. Nage uganu mu elalubao. Tibaso, tigidali we dabe nagede mu tulalubo dao.

1 Samuel 17:45

Tama Devitgo po wei ponoyu, te po wai, “Nago te bainat me sesemone dabe tolasa asu, ena dali hwįagasainu ebao. Tiali goli, eno nageba hwįagasainu ebo te Tigidali Bomo Elalubo Genuai Bidi, te da Israel ami dabe tonalubo Godigo nogide, te eno nage dali hwįagasobao. Te God agaba nago hagoma elama, tama agabolo te dwai posobo po wali dao.

Pris Sę Ebo Bomai Po 4:7

Tama aga te wiegi yai denami ebo hano holobo ofa ebo alta te Genuai Bidigo geduba Ugwa Be tomoba pao. Tama agai te kau kibu kaneme meba te kau kibu gąų kom me si me si tiwai alta me si me si dage badu teba mumainao. Te kau kibu kaneme me badu tigidali elalubaso da, te agai Ugwa Be sunumi badu alta buluba sela solama, te augwaligo ofa ulubo madi, te alta ulubo dogwa saliba te kaneme gelao,” wali.

Jopgo Po Asęani Elalubo Buku 41:28

Te bidi dabego ene selama, aga ene badi, aga wi me pogobeo. Ma, te bidi dabego katapul selama, masigi waigo aga enebaso da, teda agai tigiba olo ni yabe sasi aga tigiba tulalubo ąǫ yaibao.

Sekaraia 14:3

Tama Genuai Bidigo te bulu tǫ kantriba boi hwįgi paibao, te agai hwįbo sogo te ebo kolesaga tiwaigo te boi hwįaibao wali.

Sekaraia 2:9

Tialima dagego eno we bidi dolobaso da, teda ena digi dage dali hwįaibao. Tama te we bidi polobadu dagego augwali dagego kalabus sę yali da, te augwa digi dage dolaibao,” wali. Tama te sę dabe pedalobo sogo te we bidi tigidaligo e tama koneaibao, Tigidali Bomo Elalubo Genuai Bidi aga digi ena tagala palama, eno agai po pusagasai yabo homu koneaibao.