Sekaraia 8:6 - Godigo dwagi yai po buku

⁶ Te Tigidali Bomo Elalubo Genuai Bidigo e po me wali, “Te me bidibo we bidi dabe augwali te dwasianu hani naga bidibao, tama augwaligo homugo eno te po wali sę dabe pedalugobe da homu yali bogo. Tiali goli ena Genuai Bidi Tigidali Bomo Elalubo Bidigo, eno te tiwai homu me egobeo. Menio. Eno tigidali sę ebo usu yaibao.

Sekaraia 8:6 Referans Kwoze

Jeremaia 32:27

“Ena digi ena Genuai Bidi, ena te tǫde we bidi hani tigidaligo God dao. Eno tigidali sę ebo usu dao.

Dwagi Yai Gesi Po Lukgo Asęani 18:27

Jisasgo te po wei ponani, “Te sę ebo, bidigo te sę yabo usu egobeo, te Godigo te sę ebo usu yaibao.”

Dwagi Yai Gesi Po Lukgo Asęani 1:37

Godigo me isiąwai sę me menio,” te ensel bidigo te po wali.

Dwagi Yai Gesi Po Lukgo Asęani 1:20

Nago odao. Nago eno wali po mu dao homu isąbaso da, nago pedauwali dagana saibao. Dagana selama, nago po me wasiąbadi, eno po tų sisu pabo bodolude nage doloa paibao. Te eno po tų sisu pao wali bodolude te sę yaibao,” ensel bidigo te po wali.

Jeremaia 32:17

“O God, Genuai Bidi, te nago genuai bomogo nago te dagalu me tǫ nigai dao. Te nago isą yabo sę deli me elalube dao.

Te Israel me Juda Hani Sigo Tuni Bidigo Po Elalubo Buku Si 7:2

Tama te king tonaluyu tau sabo gavman ofisa bidi me deli aga te king dali asali. Te bidigo te Elisago wali po odali, awe, tama agai te po wei e tama ponani, “Tagalao. Tialima, Genuai Bidi God aga digi te dagalude elalubo moni bakstua tų dalama, te umabo nai daba gealugi sogo da, teda eno homugo dago e tiwai dwasianu monego dago nai abelebo me usu egi menigi da,” wali. Tama Elisago te gavman ofisa bidibolo te po wai, “Mu tama dao, tama nago te nai pedalobo suagameo, tiali goli nago te wit nai dabe munu me tugobeo,” Elisago te po wai.

Tigidali Nai Gagalama Nigali Side 18:14

Te eno magi sę me ebo usugobewe? Nosali kibu bede, te mani bodolude, te sogo asama, te Sarago wai ogwa ame nai madi, tama ena ma asaibao,” wali.

Godigo Nogi Ugwaba Sabo Tęąbi Po Wabo Buku Dabe 118:23

Genuai Bidigo digi te tiwai elama, tama dago suali, te wiegi yai mu yai dao.

Matyu 19:26

Tama Jisasgo augwali dolo mu ponama tonalu, tama te po augwalibolo wali, “Te e tǫde bidi dabe augwaligo te sę ebo te usu me egobeo. Tiali goli God da, te tigidali sę ebo usu yaibao,” wali.