Sekaraia 8:13 - Godigo dwagi yai po buku

¹³ Dage Juda dabe me Israel dabego, odao. Polobadu te gasa hani dabego te dage dolobo sulama, tama augwaligo augwa boi bidi dabeba te tiwai po walali, ‘Dago homugo te dage mu dolomainao homu ebao. Te Juda dabe me Israel dabe dolali tiwai emainogo homu ebao.’ Tialima megi da, eno dage Juda me Israel dabe dobola ma selama, te dageba wiegi yai sę yaibao. Te gasa hani dabego dageba te tama tebo sę ebo sulama, te augwaligo augwa abagi dabeba te tama po walaibao, ‘Dago homugo dage te Juda dabe me Israel dabe bugagia bidibo tiwai gilama emainogo homu ebao,’ waibao. Tibaso dage wi me elamuo, dage bomo elama naga dolalubo usu dao,” Genuai Bidigo te po wali.

Sekaraia 8:13 Referans Kwoze

Sekaraia 8:9

Te Tigidali Bomo Elalubo Genuai Bidigo e po me wali, “Dage dilibi budulama, sę bomo yao. Te eno be sę hodolobo sogo, te eno po pusubo bidi profet dabego eno po pusali. Augwaligo pedauwalide wali po homu kone palao. Tialima, megi me te tobage deli po naga odobao.

Sefanaia 3:20

Te asobo bubugade, eno dage te tigidali pesagede bidalubo te pesagede ma oda saibao, tama eno dage duga bulu muba ma odasa asaibao. Tama me eno dage genuai nogi menama, tama tigidali tǫde we bidigo dagego nogi ugwaba saibao. Tama te sogo eno dagego sę wiegi yai pedelemainu ilama, tama dage wiegila bidibo elaluaibao. Dagego te sę pedelebo te duga gedugo mu sueibao. Ena Genuai Bidi, eno po polo walio,” tama wali.

Godigo Nogi Ugwaba Sabo Tęąbi Po Wabo Buku Dabe 72:17

Tama te bidi hani bagego te kingo nogi homu kone me gegeda palu tagaligio, tama agai genuai te sesabi gana elama, te giliga nanalubo sogo usu nama elalumainu yaibao. Tama tigidali hani we bidigo aga nogi ugwaba sao. Tama augwa te Godiba hanalu, te augwali wiegi yai homu ilibo nai momainu yao wao, te agai te king wiegi yai homu ilali tiwai emainu yao.

1 Korin 16:13

Dagego bugagia tonaluyu, tama te Kraisde konealubo pode bomo elama bugagia dolaluao. Dage bidi mu sesemane sogo bidiyu, tama bomo elama bidaloao.

Esekiel 5:15

“Ena Genuai Bidi, eno te po obao. Eno dageba dwai haliga sębę mu elama, te eno dageba dwai sęgę umagia mu yaibao. Tama dage pąde bidalubo tigidali we bidigo te dage te tama tebo sulama, te augwali homu hauwa elama, te wi dwai mu yaibao. Te augwaligo dage begela dolobo posobo po obaso, te dage hale yaibao.

Jeremaia 29:18

Tama te gasa tǫ kantri we bidi dabego eno te dwai sę te Juda dabeba yali po odolama, te augwali wi elama, dwai noma mu saibao. Tama eno te Juda dabe te gasa tǫ kantriba tedela palaibao. Tama te bulu kantri we bidi dabego te Juda dabe augwaliba dolobo sę eyu, posobo po waibao. Tama te we bidi dabego augwa boi bidi dabeba dwai po wabo sogo, augwa te tiwai po waibao, “Dage te Juda dabe dolali tiwai gilama dolaibao,” waibao.

Hagai 2:19

Te mu tama, te tubo nai muabo bede te sia gagawai nai wit me elalubeo, tama ni wain me, me te ni kaya fik me, tama me te ni pomigranet me, te oliv me, te ni dabe augwali du walisąbadi, tiali goli megi eno te gagalama, tama dage dali eno dwagi yai sę ma ilaibao,” te po wali.

Daniel 9:11

Te bomai po dabe te Moses te nago sę bidigo dabolo mayu, nago bomai po te tiwai wali, dago te bomai po bugagia wali pisąbaso da, te nago dwai sę daba yaibao po wali. Tiali goli, da tigidali Israelgo nago te bomai po togoyu bolama, tama dago nago po odisąbo homu yalio. Dago dwai sę nageba ebaso, tama nago te wali po gilama te dabolo dwai dene mabo sę yai dao.

Jeremaia 24:9

Te gasa bulu tǫ kantri tigidali we bidigo te sę eno te Juda dabeba yali po odolama, te augwali wi elama, nogo hogwayu, te dwai noma saibao. Tama eno te boi bidi dabe tagala palama, te augwali ela muagasaibao, te augwali nasigo isiyu, me te dwai gasigo augwali dolama isaibao. Tama eno augwali meba te tǫ kantri dabeba tedela palaibao. Te tama tebo kolesagago te eno augwaliba me te augwa wąį nǫų dabeba mani tǫde bidibadi mu silaibao. Tama eno te Juda dabe sela sąbo te tǫ kantri we bidi dabego, te augwali Juda dabeba dolama posobo po waibao. Me te gagali po wabo tiwai yaibao. Tama te we bidi dabego te augwa boi bidiba digi i ola mabo po wabo sogo, te augwa te tiwai po waibao, ‘Dage te Juda dabe dolali tiwai gilama dolomainao,’ te po waibao,” wali.

Tigidali Nai Gagalama Nigali Side 26:4

Te nago wąį hani augwali te umabo mu pedalumainu yaibao, te dagalude elalubo hǫ dabe tiwai gilama yaibao. Tama eno e tǫ pedai te tigidali eno augwalibolo mawaibao. Tama te tǫde tigidali bidi dabego te augwali da dali dwagi yai sę yao wabo po enabolo hanalu, te eno nago hani wąį dabe dwagi yai sę yali tiwai gilama yao po waibao.

Jeremaia 42:18

“‘Ena Tigidali Bomo Elalubo Genuai Bidi, ena Israelgo God, eno po dolo obao, polobadu eno haliga sębę umabo mu te Jerusalemba elama, te eno augwali mu dolai dao. Te tiwai naga, te dage Isipba pobaso da, teda eno haliga sębę umabo mu elama, te dage dolaibao. Te gasa bulu hani we bidi augwaligo eno te dwai sę dageba yali po odolama, te augwali wi elama, nogo hogwabo tiwai eyu, midigi dwai mu yaibao. Te augwaligo dage dolama, posobo po waibao. Te augwa boi bidi dabeba dwai po wabo homu ebo sogo da, augwa te tiwai po waibao, “Dage te Juda dabe dolali tiwai dolagameo,” te po waibao. Tama dagego duga te tǫ ma sugobeo,’ Genuai Bidigo te po wai,” Jeremaiago te po te Juda we bidi dabebolo wali.

Godigo Nogi Ugwaba Sabo Tęąbi Po Wabo Buku Dabe 79:4

Te da pąde bidalubo we bidi hani dabe, augwa te posobo po weyu, te gisugu weyu, tama te po dwai dabolo wali.

Esekiel 37:11

Tialima, Genuai Bidigo enabolo te po wali, “Tǫde bidi, te kalabuside megi bidibo Israel dabe tigidali augwali da, te bidi dili dabe wa pai tiwai dao, tama augwaligo te po wabo dao, ‘Te dago dili dabe mu wa pai dao, tama bugagia munu ma me bidigobeo. Tama da mu tama mu hagawaibao.’ Augwaligo po da te tama goli dao.

Bomai Po 28:37

Tama te bulude dabe Genuai Bidigo dage subigila besela pomainogo yaibao. Tialima, te dwai sę dabe dage tigide pedalobo sulama, te we bidi augwali noma dwai mu saibao. Tama nosali augwaligo dage gisugu dwai menama, tama nosali augwaligo dage posobo po waibao,” Mosesgo te po wali.

Galesia 3:14

Agai te sę magi baso yaliwe? Te God agai te tama homu yai, te da tigidali Krais Jisas dali wadolama, tama te Godigo polobadu Abrahambolo dąų wali po te po te Juda hani isiąwai bagede mu pedalaibao, te God agai augwali tigidali dali dwagi yai sę mu yaibao, agai Abraham dali yali gilama tiwaibao. Tama te tiwai eyu, Godigo homugo da tigidali dena homu tigidali te Jisasba munama, tama God agai aga Dwagi Yai Mobo Bidi dabolo mawaibao po weyu dąų wali. Tama te po mu pedalainogo, Jisasgo te dwai sęgę da tobade sali. Tama tiyu, te dago Godigo Mobo Bidi sabo tų te tiwai megi elalubao.

Sekaraia 9:13

Te Juda dabe augwali eno te enesigi tolalubo tiwai eyu, tama te Israel dabe augwali te eno enesigide ene daganalubo tiwai elalueibao, tama te Jerusalem bidi dabe augwali da te hwą ge bainat gelalubo tiwai elalu, tama eno te Grik dabe dali boi hwįaibao,” te po wali.

Sekaraia 1:19

Tama te ensel ena dali po wali bidi asobo si, eno agabolo e tama po hanalu wali, “Eno te suali nai page mena tama nai dawe?” wali. Tama agai te po wei ponoyu, te po wali, “Te gąų dabe te Juda me Israel me Jerusalem dolali te kantri dabe te magi iyu te yali dao,” tama wali.

Te We Bidi Dabego Jerusalem Hagede Gela Wali 4:15

Te we bidi dabego augwali hai mayu elama, tiwai po wali, “Dage gedao. Dage polo meda yali dao, tama dage da pąba asigio. Dage gediąo,” wali. Tama tibaso, te pris dabe me profet dabe augwali gasa kantriba wi peyu, te olo wau bilibo bage tiwai bidali. Tiali goli, te kantri we bidigo te bidi dabe augwali te kantride bidimainu sula tagalobeo.

Jeremaia 44:22

Dagego te dwai kugumini yai kolesaga ebaso, tama nosali Genuai Bidi dagego te kolesagade hagela mu yai. Tama agai te tama sę elama, te dagego tǫ dolama olo elalubadi, te bidi bidisiąbadi, te megi e sogoba usu nagasobao. Te gasa tǫ kantri we bidi dabego te augwa boi bidi dabeba dwai po wabo sogo, augwa te tiwai po waibao, ‘Dage te Juda tǫ dolali tiwai gilama dolagameo,’ wabo dao.

Jeremaia 44:12

Eno dage te Isipbabidagasainogo bomo yali dwasianu Juda hani te musilaibao. Te dage te Isipde bidibo sogo, dage isaibao. Teboi bidi dabego dage ela munama isibadi, te nai sǫą peyu, nasigo isibadi yaibao. Dage tigidali isaibao, te gegunaibidi dabe me, olo bidi dabe dali isaibao. Te gasa bulu webidi dabego eno dagede te yali sę po odama, te augwaliwi mu elama, midigi saibao. Te dage dolama, posobo powaibao. Te augwa boi bidi dabeba posobo po wabosogo da, augwa te tiwai po waibao, “Dage te Judadabe dolali tiwai gilama yagameo,” waibao.

Jeremaia 33:24

“Te we bidi augwaligo te po wabo dao, ‘Polobadu Genuai Bidigo te Israel hani me Juda hani, te hani si teaga hani da olama, dąį ilama elaluai. Tialima, megi da, agai augwali tudiba muanio.’ Te we bidi augwa te tobagepo weyu, te augwaligo eno we bidi dabe dolama, tamaaugwa homugo te eno hani we bidi hagawali homu ebodao.

Jeremaia 26:6

Te dagego eno po wali pisąbaso da, teda eno te eno e be dolaibao, te eno polobadu te Silo taun be dolali tiwai yaibao. Tama te gasa tǫ kantri we bidi dabego augwa boi bidi dabeba dwai po wabo sogo, augwa te tiwai po waibao, “Dage dolobaso, te Jerusalem dolali tiwai yao.” Augwaligo te po waibao.’ Nago te po te Juda we bidibolo pusao,” Genuai Bidigo Jeremaiabolo wali.

Jeremaia 25:18

Hasia bolo ena te Jerusalemba pelama, te Juda tigidali taunba me peyu, teking dabeba me tobolu bidi dabe dali pali, te augwaligoąį tumainogo yali, te tǫ kantri Juda mu dolama, te tǫolo mu tama elalumainogo yaibao. Te gasa Israel haniisąwai we bidigo te kantri tǫ Juda sulama, te augwalidwai midigi mu selama, te wi umabo yaibao. Tama te webidi dabego augwa boi dabeba dwai i ola mabo po wabosogo, augwa te tama po waibao, “Dage te Juda dabe dolalitiwai yagameo,” te sę dabe pedelai dao.

Maika 5:7

Tama te Israel hani meba te boi bidi dabego me dolisąwai bage, augwali te gasa hani hauwa tau sabo bidi pedelaibao, te Genuai Bidigo te hulide tulubage segeni wę te nosaiba tulumainu tagala palobo tiwai eyu, te olo tulubagego te ni dabe wiegi yai pedalumainu ebo tiwai yaibao. Tama augwaligo te sę te Genuai Bidigo bomode naga yaibao, te augwaduba bomogo digi te tegobeo.

Aisaia 43:28

Tama tibaso, eno te het pris dabe eno gedude meda yai pedalumainu ilali. Te eno dage Israel dąį ilali, te Jekopgo hani dabe, te tigidali mu dolomainu yaibao. Tama eno te gasa hani we bidigo te posobo po weyu, te dageba gisugu momainu yaibao,” wali.

Esekiel 34:26

“‘Tama eno te bulude wiegi yai sę iliyu, me eno bulu du bagualubo tǫ wiegi yai ilaibao. Tama tulubage side da, eno te tǫba tulubage hauwa te tǫba tulumainu yaibao, tama te tulubagego te tǫ wiegi yai mu pedelemainu ilaibao.

Hagai 2:5

Polobadu mu dagego te Isip bulu tagalama tama dage eba asali, tama te sogo ena dage dali po bodolu siyu tama po wai, ena te dage dali tigidali sogo bidada paibao, te po wai. Tama me te eno Mobo Bidi me te tigidali sogo dage dali bidaibao wai dao, tama teyu dage tigidaligo wi egimio,’ eno te po wai,” wali.

Sekaraia 8:15

Tiali goli megi da, eno te Jerusalem dabe me Juda dabe te wiegi yai bugagia ilabo homu ebao. Tibaso dage te bomo elalu, dolaluao,” te po wali.

Sekaraia 14:11

Tama te Jerusalem we bidi dabe bugagia bidaibao, te magi nai me deligo augwali munu me ma dologobeo.

Bomai Po 26:19

Agai dage hani bidi geninama mu pedelemainogo yaibao, te tigidali agai e tǫde nigali we bidi hani edelama, mu elaluaibao. Tama augwaligo dagego wiegi yai kolesaga sulama, tama augwali Godiba genuai nogi mu mawaibao. Tama dage God aga we bidi hani mu bidaiba, te aga te po hasia polo dąų wali gilama,” Mosesgo te po wali.

Sefanaia 3:16

Nosali bubuga me deli pedelaibao, tama te bubugade augwaligo Jerusalem dabe te tama po waibao, “Dage Jerusalem we bidi dabe, magi naide wi me elamo dao, tama dage olo dali noma sigio.