Sekaraia 8:12 - Godigo dwagi yai po buku

¹² Te eno augwali haliga dua tegaluama bidibo sę ilama, te augwa wai gi dabe bulumainu yaibao. Te tulubage hauwa tulama, te augwaligo wain ni du dabe walama, te nai dabe me wiegi yai holaibao. Eno te tigidali wiegi yai sę te dwasianu bidibo hani pedali dali yaibao.

Sekaraia 8:12 Referans Kwoze

Bomai Po 33:13

Tama agai Josep hani kone palama, agai te po wali, “Genuai Bidigo Josep hanibolo tulubage hauwa magameo.

Tigidali Nai Gagalama Nigali Side 27:28

Te eno homugo te Godigo hulide te siginibo wę tagala palomainu elama, tama nago tigidali gide nai hauwa holomainu yaibao. Te agai nagebolo te wit hauwa me, wain wę me hauwa momainu yaibao.

Matyu 6:33

Tama tibaso, te naide moni homu isiąma, tama dagego hasia bolo te Godigo we bidi tonalubo sę dali, me te wiegi yai doloba pai kolesaga sabo sę bolo wali piduama sao. Dagego te tama kolesaga ebaso da, te nosali agai gasa nai dabe tigidali me dagebolo mawaibao.

Sekaraia 8:6

Te Tigidali Bomo Elalubo Genuai Bidigo e po me wali, “Te me bidibo we bidi dabe augwali te dwasianu hani naga bidibao, tama augwaligo homugo eno te po wali sę dabe pedalugobe da homu yali bogo. Tiali goli ena Genuai Bidi Tigidali Bomo Elalubo Bidigo, eno te tiwai homu me egobeo. Menio. Eno tigidali sę ebo usu yaibao.

Hagai 2:19

Te mu tama, te tubo nai muabo bede te sia gagawai nai wit me elalubeo, tama ni wain me, me te ni kaya fik me, tama me te ni pomigranet me, te oliv me, te ni dabe augwali du walisąbadi, tiali goli megi eno te gagalama, tama dage dali eno dwagi yai sę ma ilaibao,” te po wali.

Hagai 1:10

Duga te tama tibo kolesagago da tama teyu te kulubage eba tulube dao,” wali, “tama te nai dabe te gide munu me holobe dao,” wali.

Joel 2:22

Te kibu hasa sibi dabe, dage wi me igimio. Magi baso meni, te nosai ma pedelali. Te ni dabego nai ma walali, te ni kaya fik me, ni wain me, te du hauwa walama elaluali.”

Jems 3:18

Tama tiyu, dago wiegi yai kolesaga eyu, deli homu naga elama bidiyu da, te sę ebo dago te nai ge tǫba bulubo tiwai dao. Tama dago te wiegi yai kolesaga eyu, te deli homu naga ebo te kolesaga ebode te nai ge dwagi yai walobo tiwai yaibao, te doloba pai kolesaga ebo genuai pedalaibao.

1 Korin 3:21

Tama tibaso, te dage tomode te bidi me deligo te da Godigo po pusubo bidigo nogi ugwaba sabuo. Suao, te tigidali nai duga nai dao.

Hosea 14:5

Te eno Israel dabeba wiegi yai sę ilaibao, te tulubage segeni te wa pai tǫba tulama, te telabo tiwai yaibao. Te augwali te gasa wiegi yai sawi yai plauwa tiwai pedaliyu, tama te tǫ kantri Lebanonde te genuai bomai ni dabe tiwai pedaliyu yaibao. Te ni dabe sele te tǫ aya tomoba mu dulali tiwai ebo dao.

Aisaia 61:7

Polobadu te dage hale dwai mu elama, duga gesabidi seselaluali. Tiali goli, dage te duga tǫde digi bidaibao, te dagego nai hauwa mu siyu, te dagego polobadu elaluali nai mu edelaibao, te dage pemene umabo mu yaibao. Tama dagego te ebo homu pemene sesemane sogo elalua paibao.

Aisaia 30:23

Tama Godigo tulubage te dagego bulali nai wai dabeba mawaibao. Tama te węgo dagego nai wai dabe bugagia mu holaibao. Tama dagego nai dabe hauwa mu elaluaibao. Tama te sogo dagego kau kibu dabego tuabo nosai dabe hauwa me elaluaibao.

Tigidali Nai Gagalama Nigali Side 26:12

Aisakgo te tǫde nai wai dabe bulama, tama te kibu bede nai umabo mu pedelama, tama agai nai te hauwa sogo mu bulu dali tiwai gilama yali. Yawego aga tau siyu, tama dwagi yai sę aga dali yai,

Esekiel 36:12

Tama eno ena we bidi Israel dage bulu du dabede bugagia bidimainu yaibao. Tama dage augwaligo tǫ elaluaibao, tama augwaligo te tǫ augwa wai dabebolo nosali mawaibao. Tama dagego te Israel dabego wai bǫų dabe munu me ma dologobeo.” Te tama po te bulu du dabe dali, me odogo malu bulu dabebolo tama pusao,’ ena Genuai Bidi eno te po obao,” wali.

Bugagia Bidibo Kolesagade Po Asęai Buku 19:12

Te kingo wado weyu, te haliga sębę eyu ebo, aga te laiongo bomonama te gaa wabo tiwai ebao. Tiali goli, agai te bugai haliga elama, tama te we bidi dabe tau sabo homu eyu da, te segeni tulubage tuluyu, te nai bugagia holomainu ebo tiwai te ebao.

Godigo Nogi Ugwaba Sabo Tęąbi Po Wabo Buku Dabe 72:3

Nago te wiegi yai sę hauwa te augwaligo sęde pedalumainu yao. Tama nago te we bidi dabego te doloba pai kolesaga sesemane sogo emainu yao.

Bomai Po 33:28

Tama tiyu da, te Jekopgo hani augwali bugagia bidaluyu, tama te boi bidi dabego augwaliba me hwįagasogobeo. Tama te pesagede te hulide ąį segeni tulama, tama tǫ tedolama, tama tubo nai dabe hauwa elama, wain dabe me hauwa elaluaibao.

Bomai Po 32:2

Eno pogo te dage we bidi bugagia sę mu ilaibao, te tulubage tulama, tama te nosai dabe bugagia holobo tiwai yaibao. Eno pogo da, te tulubage tulama, tama te tubo nai dabe hogodo gesi ma holama, dila pelama, tama genuai ebo tiwai yaibao.

Te Israel me Juda Hani Sigo Tuni Bidigo Po Elalubo Buku Deli 17:1

Elaija aga te Tisbe taundu asai profet bidi deli da, aga te Gileat tǫ page bidi da. Me sogo deli aga aselama, tama te king Ahap suagaselama, tama agai agabolo e tama po wali, “Ena Godigo sę bidi dao, Israel hani dabe dena Genuai Bidi. Te God tigidali sogo bidada peyu, bidada pabo God dao, tama agai nogide eno nagebolo dolo po mu obao, te kulubage me, te hulide asobo segeni wę me asisiąbadi, te si sela kibu beba usu nigi paibao,” te po tama wali. “Tama tilaludu bididubadi, tama eno po wabo sogo bodoluba usu nagasaibao,” Elaijago te po wai.

Pris Sę Ebo Bomai Po 26:3

“Te dagego eno bomai po dabe wali peyu, te eno dagebolo yao po wabo sę dabe ebaso da,

Godigo Nogi Ugwaba Sabo Tęąbi Po Wabo Buku Dabe 85:12

Genuai Bidigo te da bugagia bidimainu tau saibao, tama dago ebo sę dabe te wiegi yai pedelaibao. Tama dago tǫde te nai hauwa walaibao.

Hosea 13:3

Tama tialima, te we bidi dabe augwali te kigamu pedalubo dagalu pǫ te olo sia sabo tiwai gilama yaibao wali. Augwali te hulide tulali tulubage segeni te nosade elaluama, te giliga nanu polo sia sabo tiwai ąǫ yaibao. Augwali te wit bo te waligo sela pelama, te besela palobo tiwai yaibao. Tama augwali te sia hano te be pedudu ugwaba holama, te polo silibo tiwai yaibao wali.

Hagai 2:18

Megi e 9 polua, dei 24 wabode, te dagego te tǫ dodola silama, tama eno be sę ebo sę yaibao. Tama teyu, te megi dagego suao, eno homugo te eno dwagi yai sę dage dali yaibao.

Jeremaia 31:12

Tama augwali te Saion bulu duba dolugulama, te augwali wiegi yai pemene mu elama, te i umabo mu udaibao. Te ena Genuai Bidigo augwaliba te wiegi yai nai mu mobaso, te augwali wiegi yai pemene yaibao. Te augwaligo wiegi yai pemene ebo te nai witba, me wain, me oliv wel, me te kibu sipsip dabeba, me eno mabo bulmakau dabeba te augwaligo homu pemene yaibao. Te wiegi yai mu pedalama, te gi wę usu elalubo gi tiwai dao. Te augwali dwai munu ma bidibeo.

Esekiel 34:28

Tama te gasa kantri haiden bidi dabego augwali dali dwai sę munu me ma egobeo. Tama te bulu hasa dabego augwali munu me ma ela tugobeo. Te we bidi augwali bugagia bidibadi, te gasa we bidigo augwali wi me iligobeo, te meni yaibao.

Esekiel 36:9

Eno dage bulu du dabe dali wiegi yai sę yaibao. Tama tialima, eno te Israel dabe augwaligo dagede gi dabe ma emainu yaibao.

Joel 2:19

Agai te po wai, “Megi da, eno dageba te wain me, ni oliv wel me mawaibao, tama dagego hauwa elalueibao. Eno tama tibode te gasa we bidi dabego dage tudiba mubo po munu me ma wagobeo.

Sefanaia 3:13

Te Israel hani dwasianu augwali me bidibao, augwaligo gasa bidi dabe dali dwai kolesaga me egobeo. Tama augwaligo ili po olama, tama augwa abagi dabe ili po wabo sę me egobeo. Te augwali wiegila bidibo sę naga elaluaibao. Tama augwali wi ilabo bidi meni yaibao,” Genuai Bidigo te po wai.

Malakai 3:11

Dagego tama tibaso da, teda eno te dwai osogani dabe paniama, te dagego gi nai me dologobeo. Te ni wain du te dagego wain gide mu pągąna paibao wai dao.