Sekaraia 6:8 - Godigo dwagi yai po buku

⁸ Tama te ensel bidigo enabolo i weyu te po wali, “Te notba pali te hos dabego tebogo te Genuai Bidigo homu kedau iligi palio,” wali.

Sekaraia 6:8 Referans Kwoze

Esekiel 5:13

Te tama tebo kolesagade te eno sębę genuai eyu, te haliga sębę yali kolesaga silaibao. Te tigidali sę pedalubo sogo da, teda dagego eno te wali po homude kone palagasu, te dagego koneaibao, ena Genuai Bidi, te tibo god me deligo ena hasegelemainogo me ebo menio.

Sekaraia 1:15

Polobadu ena we bidi dali sębę dwasianu yai dao, tama gasa hani bidi dabebolo augwali dene magasao po wai dao. Tialima augwali aselama, tama augwaligo eno we bidi dwasianu gana me dolobeo. Menio. Augwaligo te magi edelama, tama augwali mu tama mu dolama tagalalio. Tama tede megi te kantri dabe augwali bugagia bidiyu augwali sęgę meni yai goli, eno augwali dali sębę dwai mu ebao.

Esekiel 24:13

Dage Jerusalem, te yaba yali po wali page te dagego dwai meda yai kolesagade dąį elasa walio. Eno dagego dwai kolesaga sela sąbo usu sali, tiali goli dagego hagela yali. Dage meda dali bidabo homu naga yali. Tialima, te ena haliga sębę ebaso, te eno dageba dwai dene mabo sę ebaso, te eno dageba dwai dene mabo sę mu yaibao. Tama dage te meda dali me tama bidaludubadi, te eno haliga sębę yali silibo sogoba usu naibao,” wai dao.

Esekiel 16:63

Tama eno nago te yali dwai kolesaga dabe sela sąnama, tama tede homu kone ma palogobeo. Tiali digi, te nago te nago yali dwai kolesagade ma kone paliyu, hale dwai mu ebaso, te nago po me deli wagobeo. Ena God Genuai Bidi, eno te po wai dao.”

Esekiel 16:42

Tialima, te tama tebo kolesagade te eno wado genuai ebo po me eno haliga sębę ebo silaibao. Te ena dua digi bidaibao. Te eno nageba wado po me haliga dwai munu ma egobeo, te po wai dao.

Aisaia 48:14

“Dage tigidali, dage sisinagaselama, eno po odao. Te tibo god me deligo dageba te tiwai po me pusai menio, ‘Te Genuai Bidigo godolo homu mu ebo bidi te aselama, te Genuai Bidigo sę yagasu, te Babilonba hwįaibao. Te aga bomogo digi, Genuai Bidigo te Babilon dabe aiyaba elaluaibao,’ te tibo god me deligo te po wabe.

Aisaia 1:24

Tama tibaso, Jerusalem, Godigo po dabe megi odao. Tigidali Bomo Elalubo Genuai Bidi te Israel dabego boma pai God dao. Agai te po wali, “Ena Genuai Bidi, eno te ena boi bidi dabebolo dwai dene wei ponaibao. Usu dao. Tama augwaligo enabolo sęgę ma magobeo.

Kolesaga Koneai Bidigo Pusali Po Elalubo Buku 10:4

Te naga tobolu bidigo nageba wado po obaso da, teda nago naga sę me tagalamuo. Te nago sali sęgę genuai elalubadi digi, tagalao, te nage bugagia dua digi bidibaso da, teda agai nago sali sęgę te tagalaibao.

Te Israel Tobolu Bidi Dabe 15:7

Tialima, Samsongo augwaliba te po walai, “Dagego te tiwai kolesaga yali da, agawe? Tialima, eno te tiwai po dąų walobao, te ena polo toma me nogobeo. Hasia bolo eno dagego te yali kolesaga wei ponoma da, tama nosali te ena toma naibao,” wali.

Te Israel Tobolu Bidi Dabe 8:3

Godigo dagebolo te Midian dabego tobolu bidi si mani, te Orep me Sep. Te eno yabo usu isąbo sę te dagego yali.” Gideongo te po obaso, tama te Efraim hani dabego te wado po ma wabeo.