Sekaraia 6:12 - Godigo dwagi yai po buku

¹² Tama nago agabolo e tama po walao, ‘Tigidali Bomo Elalubo Genuai Bidigo te po wali, Te Bidi Ni Abu wabo bidi aga bidibo pesagede wiegi yai mu pedelaibao. Tama agai eno be ma sę yaibao.

Sekaraia 6:12 Referans Kwoze

Sekaraia 3:8

Polalubo pris Josua, odao, me dage meba pris dabe me dagego me odao, dage te nosali pedalabo wiegi yai nai te magi tiwai me dage dao. Odao. Eno ena sę bidi odasa asaibao. Agai nogi da e dao, Ni Abu.

Jeremaia 33:15

Te sogo eno te wiegi yai bidime deli te Devitgo hanide pedelaibao, te ni nologode gesini hogodo holobo tiwai yaibao. Tama te bidigo wiegi yaidoloba pai kolesaga mu te tǫde we bidi tigidaliba yaibao.

Jeremaia 23:5

“Ena Genuai Bidi, eno te po obao. Eno te wiegi yai bidi mu me deli te Devitgo hanide pedelabo sogo bodolu mueibao, te ni nologode gesi ni kulubi holobo tiwai yaibao. Te bidi te king bidiyu, agai te wiegi yai doloba pai homu kolesaga wali paibao. Tama agai te tǫde we bidi tigidaliba doloba pai kolesaga mu yaibao.

Aisaia 11:1

Te Jesigo hani te ni bidi dabego gelai ni tane tiwai bididuali. Tiali goli, gesi age te ni tanede ma kolibo tiwai yaibao. Awe, te ni tanedu te gesi ni tigi holama, tama nologo me deligo du walaibao.

Aisaia 4:2

Te me sogo nosali pedalaibao, Genuai Bidigo te ni me deligo gesi nologo ma kolimainu yaibao. Tama tǫgo dwagi dwagi yai nai dabe holiyu yaibao. Tama te Israel we bidi dabe dolisąma me bidibo bage, augwaligo te nai dabe wiegi yai holobo sulama, augwali dwagi yai homu ela paibao.

Aisaia 53:2

Genuai Bidigo aga sę bidi te olo ni me deli tiwai te tǫ pesagede pedalumainu ilali. Awe, aga te ni me deli te wa pai tǫdu pedalubo tiwai pedalali. Te sę bidigo nogi meni yai, magi baso meni, te bidi dabego gedude tonobo sawi isiąwai. Te agade te bidi dabego godolo elama, tonabo nai me deli elalusąwai.

Godigo Sęba Tagala Palai Bidigo Po 17:31

Tama agai deli sogo me bodolu mawai. Nosali te sogo agai tigidali tǫde bidibo we bidi po tų ela mawaibao. Augwali po tų yabo bidi Godigo sa muai dao, te bidi agai dwagi yai doloba pai po tų mu yaibao. Tama Godigo te sa muai bidi agai dabolo hania ola mani. Mena sę elama, da tigidaligo sualiwe? Agai te bidi isąma, gų pagede ma hodaluama, ma gesi bida bida paibao,” Pol agai te po wai.

Hibru 8:3

Tigidali polalubo pris bidi augwali deli deli te augwaligo augwali sa munama tama te sęba muani, te augwali deli deligo te we bidi tobade te haniani nai dabe te Godibolo sela pelama ofa iligi pabo sę yai. Tama tibaso, dago polalubo pris bidi me agai ofa me deli elalumainao.

Hibru 7:24

Tiali goli Jisas da, sesemane sogo bidada peyu, bidada pabo dao. Tama tibaso, agai te pris sę sesemane sogo tonaluyu, tama gasa bidigo aga me hasegelegobeo.

Hibru 7:4

Dagego te Melkisedek homugo koneao, aga genuai nogi mu elaluai. Magi baso meni. Dago hasia wąį mu, Abraham, agai digi te tigidali wiegi wiegi yai nai te wąbi hwįyu sali nai dobolama, tama agai te nai nogo si nogo si dodolama tama te tigidali nogo si nedali naide te nai deli digi wai te Melkisedekbolo mawai, te aga genuai nogi elalubaso te agabolo tama mawai.

1 Korin 3:9

Magi baso meni, da si te Godigo deli sę naga ebo sę bidi dao, tama dage te Godigo gi tiwai dao. Tama dage te Godigo be tiwai, aga te be sędu bidibao.

Godigo Sęba Tagala Palai Bidigo Po 13:38

“Ama dede, dagego te sę bugagia koneao. Dago dagebolo Jisasgo tigidali yali sę dagebolo pusa mobe dao. Tama agai dago tigidali dwai sę ebo sela sąyabo tų nigali. Duga bugagia koneao. Niwai we bidi augwaligo augwa homu Jisasba mubaso da, teda Godigo augwaligo yali dwai sę sela sąwaibao. Tiali goli, Mosesgo bomo yai po dabe augwaligo dagego dwai kolesaga ebo sę sela sągobeo.

Dwagi Yai Gesi Po Jongo Asęani 1:45

Filip pelama, Natanielbolo te po wagi pai, “Te bidi polobadu Mosesgo te bomo yai po bukude asęani po dali, tama Godigo polobadu po ola mani profet bidi dabe me, augwaligo te bidi dali po asęai, te bidi dago suai. Te bidi Jisas aga Nasaret bulu bidi Josepgo ogwa dao,” Filip agai te po wai.

Dwagi Yai Gesi Po Lukgo Asęani 1:78

Dago God da dali hobede mu elama, agai e tama tiwaibao. Te dagalu be posobo ula elalubo e tǫba dabolo tagala palaibao.

Dwagi Yai Gesi Po Makgo Asęani 15:39

Tama te ami bidi dabe augwa genuai bidi aga te Jisas pąde dolalubadi aga te tiwai elama isibo suali. Tama agai te po wai, “Mu tama, te bidi aga te Godigo Ogwa dao.”

Dwagi Yai Gesi Po Makgo Asęani 15:29

Tama te augwali eda soyu, ugwa peyu ebo we bidi augwaligo dwai posobo po agabolo weyu yai. Augwaligo tobolu pemeyu, tama po wai, “Ia, nago te Moni Lotu Be tempel aluama tama te sela sogo naga ma sę yaiba wali bidi dao. Behede!

Dwagi Yai Gesi Po Makgo Asęani 14:58

“Dago odali, agai te tiwai po wai, ‘Te eno digi eno te bidi dabego nogogo sę yani te Moni Lotu Be tempel te aluaibao. Tama nosali te be eno te sela sogode gasa dodolama sę yaibao, tiali goli te be te nogogo me sę egobeo,’ agai te po wabo dago odalio,” augwaligo te po wai.

Matyu 26:61

Tama te bidi sigo te po walio, “Te bidigo te po wai dao, ‘Eno te Godigo Moni Lotu Be tempel aluama degebode, tama sela sogo eno ma sę ebo usu yaibao,’ agai te po wai dao,” augwali sigo te po wai.

Matyu 16:18

Tama eno nagebolo te po obao, nage Pita dao, te nogi page te masigi dao, tama eno ena po wali pabo we bidi hani te masigi daide pedalaibao, te be me deli te genuai masigi daide sę ebo tiwai. Tama te we bidi hani augwali te dwai mobo bidi Satango we bidi ela muabo bomogo augwali me aiyaba elalugobeo.

Sekaraia 13:7

Te Tigidali Bomo Elalubo Genuai Bidigo te tiwai po wali, “Bainat hwą, nage hodaluama, tama eno tonalubo sę ebo bidi dali hwįao, te bidi ena pąde bidibo bidi yali goli. Aga ela mubaso da, teda te sipsip dabe wi tedela sąwaibao. Te tama tiwai naga eno te ena we bidi dabe dali boi hwįaibao.

Sekaraia 8:9

Te Tigidali Bomo Elalubo Genuai Bidigo e po me wali, “Dage dilibi budulama, sę bomo yao. Te eno be sę hodolobo sogo, te eno po pusubo bidi profet dabego eno po pusali. Augwaligo pedauwalide wali po homu kone palao. Tialima, megi me te tobage deli po naga odobao.

Maika 5:5

Tama aga digi te nagame yai haliga ebo homu te tigidali we bidiba mayu, tama te boi bidi homu ebo kolesaga te munu ma me pedalugobeo. Te Asiria dabe dago tǫba asobo sogo, te dago taun bagulali masigi obo dabe aluama, dago te ami dabe tonaluabo bomai polalubo bidi dabe hauwa tagala palama, augwaligo te boi bidi dabe dali hwįmainu yaibao.

Esra 3:10

Te sę bidi dabego te genuai masigi dabe te Godigo be daga pagede mubo sogo da, teda te pris dabego te prisgo ugwa gudulama, tama te biugel selama, tama te sę ebo pesageba dolagasalio. Tama te Livai te Asap hani me aselama, augwali dali dolagasali. Tama tigidali bidi deli deligo te kapa pou si te musik ebode elainu tola sesa pali. Tama augwa te king Devitgo asęani po wali pelama, tama augwa te Genuai Bidigo nogi ugwaba sai dao.

Esra 3:8

Tama tialima, te polua 2 mun, te si wabo kibu bede te nosali augwali te Jerusalemba ma aselama, augwaligo te Godigo tempel be sę ebo ma gagalali. Te tobolu bidi Serubabel, me pris Josua, tama augwa si abagi dabe tigidali, te augwali pris, me Livai, tama tigidali bidi augwali te Jerusalemba ma aselama, augwaligo te sę hodolama yali. Tama augwaligo te Livai hani bidi dabe te kibu be bidi sese deli, te 20 yia yali bidigo te sę tonalubo bidi nigilali.

Hibru 10:12

Tiali goli Kraisgo aga digi te sęgę sela sąbo ofa te deli sogo naga mani, tama te ofa te tigidali sogo usu nama elalua paibao. Agai tama tilama, tama aga megi te Godigo dolo nogode dulalubao.

Dwagi Yai Gesi Po Jongo Asęani 19:5

Tama Jisas buluba asai, augwaligo te sesani yai bonogo nigali madi aga tobolude munaluai. Tama te mama yai nami ugwa me agai tigide me elaluai. Tama Pailatgo augwali dali te po wai, “Te olo bidi dagego suao,” te po wai.

Esekiel 37:25

Tama dage hani bidi dabe tigidali sogo polobadu duga wąį dabe bidali te tǫde bidada paibao. Te da, te eno ena sę bidi Jekopbolo mani te tǫ dao. Tama Devitgo hani bidi me deli augwaligo tomode king tigidali sogo bida bida peyu bidaibao.

Amos 9:11

Genuai Bidigo te tama po wai, “Nosali te me sogo si pedalubaso, teda eno te Devitgo hanide king me deli hodolaibao. Megi da, te hanigo tǫ kantri te be me deli degasa pelama, dolai tiwai elalubao. Tialima, nosali eno te be ma sęnama da, teda eno te be daga dabe me dodola silama, te be polobadu elaluali tiwai ma pedelaibao.

2 Samuel 7:13

Te kingo naga te eno be sę emainu yaibao, te eno we bidi dabe augwali ena pąba asomainu emainao. Tama te eno aga hani bidi dabede naga te sesemane bidada pabo sogo king bidi pedalumainu ilaibao.

Esekiel 41:1

Te Tedali Gasagi Yai Be Habu te be mabo tiwai be habu tudi badu elalubo. Tama te bidigo ena te Tedali Gasagi Yai Be Habu sunumiba odasa pali. Agai te sunumi usu nigo usu sali. Tama te sunumi sesegede te obo ugwanu dedawali te 3 mita elaluali.