Sekaraia 6:10 - Godigo dwagi yai po buku

¹⁰ “Te me si me si bidi, Heldai, me Tobiya, me Jedaia, te Sefaniago ogwa Josaia, te Babilon tagalama, augwali Jerusalemba polo asali dao. Megi tama nago augwaligo sesali wiegi yai maiabo nai dabe selama, tama nage Josaiago beba pao.

Sekaraia 6:10 Referans Kwoze

Godigo Sęba Tagala Palai Bidigo Po 24:17

Te bidi Pol agai po me tama wali, “Te polobadu ena Jerusalemde bidama, nosali gasa buluba pelama, kibu be me si me si nama silama, ena Jerusalemba tamadi ma pali. Te sogo ena peyu, eno ama dede Jerusalemde bidibo bidi tau sai hagede, mone ge dali selasa pali. Eno homu me eno Godibolo hasa elama, Godibolo nai ula mabo kolesagadu wali pomainu yali.

Jeremaia 28:6

Jeremaiago te tiwai po wali, “Mu tamao, eno homugo Genuai Bidigo nago wabo po tiwai emainu yali. Genuai Bidigo te profet po wabo mu pedalumainogo homu yalio. Tama aga bede nai dabe te somainogo, tama te Babilonde bidibo we bidi dabe ma odasa asaiba homu ebo dao.

Aisaia 66:20

Tama te tǫ kantri we bidi dabego te duga deli hani dabe duga abagi te augwa bulu kantridu enaba te ofa tiwai elama, odasa asaibao. Augwa te augwali te hos dabede, me donki dabede, me kamel dabede, me karisde dugulasa asomainu ilaibao, te augwaligo augwali te eno bulu du Jerusalemba odasa asaibao. Augwaligo augwali enaba odasa asobo, te dage Israelgo te ofa yabo wit te wiegi yai pou dis te eno gedude wiegi yai yaide wit munama, te eno beba sela asobo tiwai yaibao.

Te Israel me Juda Hani Sigo Tuni Bidigo Po Elalubo Buku Si 25:18

Te bidi Nebusaradan, te bidi aga te Babilon bulude polalubo tobolu gavman ofisa bidi deli da, tama agai te tobolu pris bidi Seraia sali, tama me te Sefanaia me sali, te bidi te Seraia tudi badu bidiyu sę ebo bidi da, tama me te gasa pris bidi sela, te bidi sela te Godigo tempel be tų tonalubo bidi sela dao, te bidi selama, agai kalabus ilali.