Sekaraia 6:1 - Godigo dwagi yai po buku

¹ Tama nosali eno ma tonobadi yaide, hwįbo nai karis me si me si te bulu du si bras tomode pedelama edaba udabo suali.

Sekaraia 6:1 Referans Kwoze

Daniel 8:22

Nago te moni bage kom togwa pabo suali, tama aga te pesagede gasa gesi kom me si me si pedelali. Te page e tiwai dao. Te kantri Grik te peda pelama, te gesi kantri me si me si pedelaibao. Tiali goli, te kantri bulu peda pisąbadi, te bomo elaluali, te tiwai gilama nosali me elalugobeo,” wali.

Efesus 1:11

Ao, te God agaduba agai te nosali pedalabo sęde homu bugagia konea pelama, tama agai homugo magi sę yainogo ebo sę, te sę tigidali mu pedalobo dao. Tama agai te homu kolesaga wali peyu, tama polobadu agai da Juda dabe sa muai. Tama aga homugo da Juda dabe da aga hani we bidi mu bidimainogo agai da Krais dali wadolali. God agai te sęde hasia mu konea pelama, tama tiwai dao.

Godigo Sęba Tagala Palai Bidigo Po 4:28

Polobadu nago bomogo me, nago homugo me, te po wai, ‘Augwaligo nosali te tigidali sę yaibao,’ wai. Tama tibaso, tamadi augwali sisinagaselama, te tigidali sę yali.

Sekaraia 6:5

Tama ensel bidigo te po wali, “Te me si me si karis te me si me si haniani wali magiyu te yali dao. Megi tama augwali tigidali tǫde tonalubo Genuai Bidi page tagalama, augwali te asali dao,” wali.

Sekaraia 5:1

Tama eno ma tonobadi yaide, eno buku me bola pabo suali.

Daniel 4:35

Agai suali, te tǫde bidi dabe te olo nai tiwai yali. Te dagalude ensel mobo bidi dabe, me tǫde bidi dabe, te aga dologode bidiyu, tama agai augwali tonalubao. Te agai magi sę me deli yainu ebo sogo, te niwai bidi me deligo te paligobeo. Tama te niwai bidi mego agaba te tama po me hanalu, “Nago magi yainu ebawe?” te po me wagobeo.’ Eno te po wai.”

Daniel 4:15

Tiali goli, te aga page da, te nosai elalubo tǫ tomode elalumainu yao, tama te genuai ring ain me bras te me deli selama, tama te aga pageba muao. Te hulide tulubage segeni ebo te aga daiba tulalumainu elama, tama aga te kibu hasa dabego te tuabo nosai gegebo tiwai emainao.

Aisaia 43:13

Megi me, tigidali sogo, ena te God mu bidibao. Te eno we bidi me deli te bonogo kębo tiwai eyu da, te niwai bidi me deligo te eno bomo sela sąnama, te augwali eno nogode ma dobola sogobeo. Te sę me deli eno ebaso da, te mena bidi me deligo eno te sę ebo me paligobe,” te po wai.

Bugagia Bidibo Kolesagade Po Asęai Buku 21:30

Te nago wiegi yai homu elalubo, me te wiegi yai kolesaga koneani me, te nago mena sę ebo kolesaga wiegi yai koneani elalubo, te tagalao, tego nage dwasianu tau sainu ebo usu me egobeo, te nago Genuai Bidiba boi bidi ebaso da, te tama tiaibao.

Godigo Nogi Ugwaba Sabo Tęąbi Po Wabo Buku Dabe 36:6

Te nago doloba pai kolesaga te genui mu elalubao, te bulu du dabe tobage tiwai elalubao. Dago nago te doloba pai po tų ebo page koneainu ebaso, te usu me egobeo. Te aiyanu mu dulali, te tamu ąį aiyanu mu ebo tiwai yai. Genuai Bidi, nago te bidi dabe me te hasa dabe bugagia tonalubaso, te augwali bugagia bidibo dao.

Godigo Nogi Ugwaba Sabo Tęąbi Po Wabo Buku Dabe 33:11

Tiali goli, Genuai Bidigo te sę yao po wali da, teda agai po te sesemane bomo elaluaibao. Agai te mena sę me deli yabo homu eyu da, tama te homu yali te sesemane elalua peyu, elalua pabo dao.

Jopgo Po Asęani Elalubo Buku 34:29

Tiali goli, Godigo magi sę me igi menigi sogo da, teda dego mu Godigo dwai page elalubao po wagi dawe? Ma, agai gesabidi dualigi sogo da, teda de aga pageba mu pigi dawe? Tiali goli, agai tigidali we bidi dali, tigidali bulu tǫ kantri dali si tonalubo dao.

1 Samuel 2:8

Agai te magi doado bage meniama, te sǫą pabo we bidi dabe tau selama, tama augwali bugagia bidaibao. Tama agai augwali te augwa bulu tǫde te genuai pedelama, bidimainu ilama, tama te we bidigo augwaliba genuai nogi mawaibao. Agai te tama tebo, magi baso meni, te e tǫ tolalubo bomai nai dabe augwali te Genuai Bidigo digi nigilai nai dabe, tama aga digi te nai dabe daide ugwadu te tǫ sese nigilama elalubo dao,” wali.

Efesus 3:11

Polobadu digi dago Genuai Bidi Krais Jisasgo sęde Godigo te wiegi yai homu kolesaga eyu tama tiaibao homu yai. Tama megi agai te yali homu kolesaga wali pelama te sę yali dao.

Te Israel me Juda Hani Sigo Tuni Bidigo Po Elalubo Buku Si 6:17

Awe, tama Elisago agai e tama God dolo gedu haluasa po wai, “Genuai Bidi, nago te bidi gedu pedelao, tama agai te eno te po wali bidi hani agai sumainao.” Tama tialima, te Elisago sę ebo bidi te agai gedu te Genuai Bidigo pedelama, tama te sę bidi agai suali, ma te gasa hos kibu me, te karis kibu me, te augwali asama, te Elisa bidibo bulu duba usu na sai yali. Te hos kibu me, me te karis kibu me, te bidi dabe me, augwali te isi bogoli ula gagawai mu tiwai pedelai.

Aisaia 66:15

Te dagego Genuai Bidi te sia dali asobo sueibao, te aga karisde dugulama, bomonama, umagia mu udayu, te bomai wali asobo tiwai yaibao. Te aga haliga sębę ebo siago te aga boi bidi dabe ulama, te augwali mu silaibao.

Jeremaia 4:13

Tialima, ena Jeremaia, eno te we bidi dabeba te po wali, “Suao. Te boi bidi dabe te pǫ husugu yai tiwai mu yaibao. Te ami bidi dabego karis udada pabo te pobege ebo wali asobo tiwai yaibao, te augwaligo hos dabe te ba kemodage bola asobo tiwai asesa asaibao. Hobede mu dao. Megi da mu tama dolainu ebao waibao.