Sekaraia 2:2 - Godigo dwagi yai po buku

² Tama eno agabolo e tama po hanalu wali, “Nage mena pobawe?” Tama agai po wei ponoyu, te po wali, “Ena pabo da te Jerusalem usu nigo usu sainu pobao, te eno agai bobobage yali koneyu, me genuai iyu yali koneainu te usu ni bonogo usu sainu pobao,” wali.

Sekaraia 2:2 Referans Kwoze

Esekiel 45:6

“Dagego pris dabego tǫ bogo badu gasa tǫ me ma dąį ilao. Te tǫ bobobage te 12 kilomita usu nama dąį iliyu, me agai genuai te 2 olama, hap kilomita usu siyu yao. Te tǫ da, te tigidali Israel we bidi dabego tǫ dao. Te augwaligo genuai taun te tǫde nigimainao,” Genuai Bidigo te po wali.

Jeremaia 31:39

Tama dąį ebo te giliga dega sigilubo badu, te dwasianu bulu du Garep teba usu nigi pelama, te begelama, te bulu Goaba pedelaibao wali.

Kraisgo Geme Dualali Sę Pedelabo Po Jonbolo Ola Mani 11:1

Te ensel mobo bidigo enabolo te usu ni sabo nai mani, te bilibo dono tiwai nai, tama agai enabolo te po wali, “Nage hodaloama, te usu sabo nigo te Godigo Moni Lotu Be tempel dali, tomode elalubo te Godibolo maiabo ofa nai ulubo sai dali te si usu sao. Tama nago te lotu be tomode bidiyu agabolo lotu po wabo we bidi augwali nedao.

Sekaraia 5:10

Eno te nai sulama, tama eno te enselbolo e tama po hanalu wali, “Augwali sigo te basket wa menaba sela pabowe?”

Dwagi Yai Gesi Po Jongo Asęani 16:5

“Tialima megi ena te ena tagala palai bidi pageba ma pobao. Tama dage tomode bidi me deligo enabolo me hanalu, ‘Nage mena pobawe?’ wabeo.

Esekiel 40:3

Tama Godigo ena pąba odasa pali, tama eno bidi me bidibo suali, tama aga te bras ula tiwai ebo suali. Te bidi te taun obo sunumide dolaluali, tama agai te bobobage nai usu sabo haliga bono elaluyu, me te gasa nai usu sabo ni tolaluyu, dolalubo suali.

Sekaraia 1:16

Tialima, eno megi Jerusalemba ma aselama, tama eno agai we bidi dabe dali hobede homu ma yainu ebao. Tama augwaligo eno be ma sę eyu, me augwaligo taun Jerusalem ma dodoliyu yaibao,” te Tigidali Bomo Elalubo Genuai Bidigo te po wali.