Sekaraia 2:1 - Godigo dwagi yai po buku

¹ Eno nade nai subo tiwai elama, tama eno bidi mego usu ni bono nogo tolalubo suali.

Sekaraia 2:1 Referans Kwoze

Esekiel 40:3

Tama Godigo ena pąba odasa pali, tama eno bidi me bidibo suali, tama aga te bras ula tiwai ebo suali. Te bidi te taun obo sunumide dolaluali, tama agai te bobobage nai usu sabo haliga bono elaluyu, me te gasa nai usu sabo ni tolaluyu, dolalubo suali.

Sekaraia 1:16

Tialima, eno megi Jerusalemba ma aselama, tama eno agai we bidi dabe dali hobede homu ma yainu ebao. Tama augwaligo eno be ma sę eyu, me augwaligo taun Jerusalem ma dodoliyu yaibao,” te Tigidali Bomo Elalubo Genuai Bidigo te po wali.

Kraisgo Geme Dualali Sę Pedelabo Po Jonbolo Ola Mani 21:15

Tama te ensel mobo bidi agai ena dali po wali bidi, agai te kapa golgo nigai dono te hanu usu sabo nai nogogo tolaluai, tama te usu nigo agai te obo me te obo tų dabe me usu sela sueinogo yai.

Kraisgo Geme Dualali Sę Pedelabo Po Jonbolo Ola Mani 11:1

Te ensel mobo bidigo enabolo te usu ni sabo nai mani, te bilibo dono tiwai nai, tama agai enabolo te po wali, “Nage hodaloama, te usu sabo nigo te Godigo Moni Lotu Be tempel dali, tomode elalubo te Godibolo maiabo ofa nai ulubo sai dali te si usu sao. Tama nago te lotu be tomode bidiyu agabolo lotu po wabo we bidi augwali nedao.

Esekiel 47:4

Tialima, agai te ąį wali 500 mita ma pali, tama agai enabolo te ąį ma nogeao po wali. Tialima, eno te ąį nogeali. Tama te ąį gebo delama, tama eno bogoli ugwadu dąį igiluali, te ena sągąde. Tama agai te ąį 500 mita ma pali. Tama te ąį tede eno tigi tomoba ugwa holama, tomo dąį yali.

Esekiel 40:5

Eno Godigo tempel be suali, tama masigigo nigai genuai obogo te be bagulai suali. Tama te bidigo te usu ni sabo eno suali. Te usu ni bobobage te 3 mita usu nama elaluali. Tama agai te Godigo be bagulali genuai obo usu sali. Tama te obo bobobage ugwaba te 3 mita usu nama elaluyu, me ugwade edasi dedawali te 3 mita usu nama elaluali.

Sekaraia 1:18

Eno nade subo nai tiwai ma suali, tama eno kau kibugo tobolu gąų me si me si elalubo suali.

Jeremaia 31:39

Tama dąį ebo te giliga dega sigilubo badu, te dwasianu bulu du Garep teba usu nigi pelama, te begelama, te bulu Goaba pedelaibao wali.

Esekiel 47:3

Tama te bidigo aga usu sabo haliga bono selama, tama te ąį wali peyu, usu sesa pelama, te 500 mita usu nigi pali. Tama agai enabolo ąį nogeao po wali. Tialima, eno ąį nogelama, tama te ąį ugwanu eno sągą aiyadu sągą sawali bogoli dąį yali.

Aisaia 54:16

“Suao, bugagia konea sao. Ena digi eno te haniani nai te aingo nigibo bidi dabe nigali. Augwa te ain siaba munama, te ain dabo posolo yai sia mu nogani. Augwa te ain selama, te hamago elama, te bidigo hwįabo haniani nai dabe nigibo dao. Tama eno te ami bidi dabe me nigali, tama augwa te nai dabe selama, te boi hwįnama, te gasa bulu tǫ kantri dolobo sę ebo dao.

Jeremaia 48:25

Te boi bidi dabego Moapgo bomo aiyaba elaluama, te Moapgo aga tau sabo mena sę me deli yabo usu meni yai. Ena Genuai Bidigo, eno te po wai dao,” wali.

Daniel 7:7

Eno te sogo hulide ma tonono ela bilibadi, tama eno te me si me si wali te hasa suali. Iya, aga gesabidi te mu dwai elama, tama aga bomo genuai mu elaluai, tama ena agade wi dwai mu yalio. Agai genuai ain kele elalu, tama agai te tigidali bage tulama, dolobo sę mu yai. Tama nosali aga agalama, tama mimia sabo kakali tulaluali. Te kibu tiwai moni hasa te gasa eno suali hasa dabe tobage tiwai meni, magi baso meni, aga tobolude te nogo si gąų elaluali.