Sekaraia 14:3 - Godigo dwagi yai po buku

³ Tama Genuai Bidigo te bulu tǫ kantriba boi hwįgi paibao, te agai hwįbo sogo te ebo kolesaga tiwaigo te boi hwįaibao wali.

Sekaraia 14:3 Referans Kwoze

Sekaraia 12:9

Tama te sogode eno te Jerusalem dali boi hwįainu yali te tigidali bulu tǫ kantri eno dolaibao,” Genuai Bidigo te po wai dao.

Sefanaia 3:19

Suao, te sogo bubugade eno dage dali dwai sę elama, dage aiyaba elaluali te boi bidi dabe dene mawaibao. Dage meba Israel dabe gasa kantri dabeba subigila pelama, tama gasa kantride bidibao, te sipsip kibu hani subigila pelama, augwaligo sągą dola tagalali bage tiwai yali gilama yali da. Tiali goli, eno augwali duga bulu tǫba mu ma odasa asaibao. Megi da, dage meba hanigo gedude te hale mu te ebao. Tiali goli, eno te hale silama, tama dagebolo genuai nogi mawaibao. Tama digibulu tǫ we bidigo dagego nogi ugwaba saibao.

Joel 3:2

Te eno tigidali we bidi hani selama, te odogo malu tǫ pesageba sisinagasali, augwaligo God Te Po Tų Odobo Jas Dao nogi polali tǫba. Te pesagede eno te po tų elama, tama te Israel hani isąwai bage augwaligo te eno we bidi dabeba yali tigidali kolesaga dagalaibao. Te hani dabego eno tǫ pepedama, te augwa hasi dobola sali, tama augwaligo te Israel dabe te gasa bulu tǫ kantriba wi tedela pomainu ilalio.

Tuni Bidi Dabego Po Elalubo Buku Si 20:15

Tama agai e tama po wali, “King Jehosafat, me Jerusalem we bidi, dage me tigidali Juda bulu we bidi, dagego bugagia odiąo. God Genuai Bidigo te po wali, ‘Dage te genuai ami hanide wi elama homu sęgę kuna igimio. Menio. Te hwįabo te God agaduba sę dao, te dagego sę menio.

Josua 10:42

God, te Israel dabego Genuai Bidigo, te augwali tau sobaso, tama augwaligo te tigidali tǫde bidali tuni bidi dabe tigidali augwali aiyaba elaluama, tama augwaligo tǫ te hwįanigo naga sai dao.

Josua 10:10

Te Amor dabego te Israel ami bidi dabe asobo sulama, tama Genuai Bidigo augwali wi ilama, tama augwali homu kolesaga umuna palai. Tama te Israel dabe augwaligo te Amor dabe augwali te Gibeon hanude dolobo sę ilama, tama augwaligo augwali pobeasa duluyu, te bulu du bagua sali te Bethoron teba dulai. Augwaligo te Amor dabe dolobo sę ela pidubadi, te Aseka te bogo badu usu nama, te Makeda teba dąį iligi pai.

Josua 10:14

Te polobadu sogo tede gagalasa, asama, tama megi e po asębo sogoba usu nagasobo, te tiwai sę me deli te me ebeo. Genuai Bidigo te bidi me deligo po odama, tama te Israel dabego hwįbode te agai augwali tau sai dao!

Nehemia 4:14

Eno suali, te we bidi wi elama, haliga sęgę elaluai, tama tibaso eno te tobolu bidi dabeba, me ofisa dabeba, me te tigidali we bidiba te tama po wali, “Dage te boi bidi dabede wi me igio,” wali. “Dagego te sę ebo te bugagia homu kone palao, Genuai Bidi te bomai mu da, tama tiyu te tigidali bidi agade wi ebo dao. Tama tialima, odao. Dagego te bomo elama hwįbaso da, teda te dagego abagi dabe me, we wai puluba me, te duga be dabe, te doado bage me, te me dolisąma bugagia elalueibao,” wali.

Aisaia 29:7

Tama te gasa genuai bulu dabe te Jerusalemba hwįagasainu asali da, te Godigo altaba, teda augwali munu me bidigobeo. Tama augwaligo te hanu sainu yali sę olo dali hagawaibao. Te sę dabe sese sia saibao, te Jerusalemgo nade suali tiwai yaibao.