Sekaraia 14:19 - Godigo dwagi yai po buku

¹⁹ Te tiwai genuai side lotu augwaligo wasiąwani da, te Isip dabe me gasa bulu tǫ kantri bidi dabeba me te deli tigi poai dene saibao wai dao.

Sekaraia 14:19 Referans Kwoze

Dwagi Yai Gesi Po Jongo Asęani 3:19

Tama te po tų yabo page tama telalubo. Ula yali e tǫde polo pedalai dao. Tialima, bidi dabe augwaligo homugo hulia sabo augwaligo godola pai. Augwaligo ula te godolo ebeo. Magi basowe? Augwaligo kolesaga te dwalio.

Sekaraia 14:18

Te Isip dabe augwaligo te Tolu Yabe Bede Osogo Bidibo Genuai Bodolu Muani Side te Jerusalemde lotu wabo hagela homu ebaso da, teda te deli tigi poai gasi te Genuai Bidigo te pisąbo homu meni yani te bidi dabeba tagala palali, te gasi Isipba me pedelaibao.

Sekaraia 14:20

Te sogo augwaligo te tama homu eyu, te tigidali nai Genuai Bidigo nai naga da homu elama, te dwasianu nai belo te hos dabego magede domoani naiba usu nama yaibao. Tama te po me deli augwaligo te belode te tiwai asęani elaluaibao, “Te nai da Genuai Bidigo dao,” teda asęna elalueibao. Te olo sospen sęnę dabe tama me te Genuai Bidigo bede munaluali nai baso da, teda Genuai Bidigo nai mu pedelaibao, te ofa ebo kaneme gelebo genuai pou dis dabe tiwai yai baso te Genuai Bidigo dao.

Pris Sę Ebo Bomai Po 23:34

Agai te tiwai po wali, “Te 7 polua 15 dei wabode, te namba 1 dei te genuai side te we bidi augwaligo te dwasianu be te ni nologo selama sę ebo side elalubao, te bede bididubadi te a naga si sogo Sarere deliba usu nama, ena homu kone palao.

Aisaia 66:23

Te genuai si tigidalide, te gesi poluade nanobo side, me tigidali Sabat side, te tigidali tǫ habu we bidi te asiyu, te ena geduba kidu sugunama, enaba lotu waibao, Genuai Bidi dao.