Sekaraia 14:18 - Godigo dwagi yai po buku

¹⁸ Te Isip dabe augwaligo te Tolu Yabe Bede Osogo Bidibo Genuai Bodolu Muani Side te Jerusalemde lotu wabo hagela homu ebaso da, teda te deli tigi poai gasi te Genuai Bidigo te pisąbo homu meni yani te bidi dabeba tagala palali, te gasi Isipba me pedelaibao.

Sekaraia 14:18 Referans Kwoze

Sekaraia 14:15

Tama te boi bidi dabe elali gasi dwai mu te boi bidi dabego pesageba te augwaligo hos dabede, me kamel dabeba, me donki dabeba te gasi pedelaibao.

Sekaraia 14:12

Te Genuai Bidigo dwai gasi me deli te Jerusalemba boi hwįani bulu tǫ kantri tigidali bidi dabe augwaliba te gasi pedalomainu ilaibao. Te gasi e tiwai da. Te bidi dabe bididubadi digi te augwaligo tigi wali me gedu me hamena me te damueibao.

Sekaraia 14:19

Te tiwai genuai side lotu augwaligo wasiąwani da, te Isip dabe me gasa bulu tǫ kantri bidi dabeba me te deli tigi poai dene saibao wai dao.

Pris Sę Ebo Bomai Po 23:34

Agai te tiwai po wali, “Te 7 polua 15 dei wabode, te namba 1 dei te genuai side te we bidi augwaligo te dwasianu be te ni nologo selama sę ebo side elalubao, te bede bididubadi te a naga si sogo Sarere deliba usu nama, ena homu kone palao.

Aisaia 60:12

Tiali goli, te nage dologoba aselama, nago sę isąbo bulu tǫ kantri dabe, te augwali dolama, mu silaibao,” wali.

Aisaia 66:23

Te genuai si tigidalide, te gesi poluade nanobo side, me tigidali Sabat side, te tigidali tǫ habu we bidi te asiyu, te ena geduba kidu sugunama, enaba lotu waibao, Genuai Bidi dao.

Maika 5:8

Te Israel hani te gasa hani tomode bidiyu, te laiongo buside te hasa sibi ela tueinu gegebo sę tiwai eyu, ma te sipsip obode ela tueinu ebo tiwai yaibao. Aga te sipsip dabe tomoba pelama, te augwali daiba samonama, te augwali gąųgo subigila tologa sąsąbo tiwai eyu, tama te sipsip dabe tau sabo bidi me deli meni ebo ąǫ yaibao.