Sekaraia 14:10 - Godigo dwagi yai po buku

¹⁰ Te Jerusalem pąde elalubo tǫ da, te doloba pai tǫ malu pedelaibao, te taun Geba te not badu gagalasa te pali, te taun Rimon te Jerusalem te sautba usu naibao. Te Jerusalem taun naga te bulu du me deli ugadu daide elalueibao. Te Jerusalem bagulali obo banis te polobadu elaluali tiwai dąįba usu naibao. Te Benjamingo taun sunumide gagalasa pelama, te Dagebadu Sunumiba te dąį usu naibao, te pesagede polobadu sunumi deli elaluali. Tama te dąį Hananelgo Tauade gagalasa pali, te kingo wain nigali pesageba usu nigi paibao.

Sekaraia 14:10 Referans Kwoze

Sekaraia 12:6

“Te sogo eno ilama, tama te Juda dabe polalubo bidi dabe te kalade te genuai isi bogoli dala sabo tiwai pedalu, ma te wa pai wit gide isi bogoli ula pedalubo tiwai yaibao. Tama augwaligo te augwali pąde elalubo bulu tǫ kantri bidi hani tigidali ela silaibao, tiali goli Jerusalem taun te aga elaluali pesagede tama elalueibao,” Genuai Bidigo te po wai dao.

Josua 15:32

Lebaot, Silhim, Ain, Rimon. Te bidi sese deli olama, te nogo a naga me si me si, te 29, te tama hanu dabe badi, tama te hanu dabe pąde te dwasianu bulu dabe, te Juda hani sibigo elaluali.

Jeremaia 37:13

Aga pelama, te Jerusalem genuai obo sunumiba sabaligi pali, augwa nogi eyu Benjamingo Sunumi da wali. Tama ami augwa tobolu bidi ofisa me deligo te we bidi ugwa peyu, eda asu ebo sunumide tonaluali. Te ofisa bidi nogi, Iriya, te Selemiago ogwa, te Hananiago bulali wąį. Tialima, Iriyago Jeremaia pageabi elama, te po wai, “Eno koneani, nage wi pelama, te Babilon dabe dali bidigi painogo ebao,” te po wai.

Jeremaia 30:18

Genuai Bidigo te tiwai po wali, “Eno te olo mu tau sabo wiegi yai kolesaga te Jekopgo haniba elama, augwali tau saibao. Te augwaligo augwa bidabo be dabe sęnama, te augwa tǫde bugagia ma bidaibao. Tama augwa te Jerusalem taun ma dodolama, te polobadu elaluali pesagede ma nigaibao. Tama augwa te kingo be aga elaluali pesagede ma sę yaibao.

Te Israel me Juda Hani Sigo Tuni Bidigo Po Elalubo Buku Deli 15:22

Tama nosali te king Asago agai te tigidali Juda hani bidi dabebolo agai po ola tolama, “Dage te Rama hanu taunba pao,” wali. Tama augwali pelama, tama te king Basago tigidali te masigi me, te ni name me, Basa agai te sisinani doado bage te Juda dabe augwaligo sali. Tama te Basago te hanu taun obo dąų wabo sę yainu yali nai augwaligo selama, tama augwaligo tolasa pali. Tama te king Asa agai te aga Mispa hanu taun obo me, me te Benjamingo hanigo tǫde elalubo hanu taun Geba taun obo me, tama te king Asa agai te taun sigo obo dąų walobo sę yai.

Sekaraia 2:4

Tialima namba wan enselgo namba tu enselbolo e tama po walali, “Nage te usu sabo bono string tolalubo te bidi pageba usayao, tama agabolo e tama po walao, ‘Te Jerusalemde te we bidi hauwa bidiyu, me kau kibu hauwa bidiyu yaibao. Tama te pesage genuai mu elama, tama augwaligo taun obo bagulabo usu me egobeo.

Jeremaia 38:7

Ebetmelek, te tǫ kantri Sudan bidi, aga te kingo bede ofisa bidi me deli da, agai odali, augwaligo Jeremaia te dedageba muani po wali. Te sogo king aga te moni obo sunumi me delide bidali, augwaligo te Benjamingo sunumi wabo, aga tede dugulalu, te we bidi dabego po tų odolubadi dao.

Nehemia 3:1

Tialima, tigidali bidigo te Jerusalem moni masigi obo ma geselebo sę gagalali. Polalubo pris Eliasip dali, te gasa pris dabe dali, augwaligo te obo dage me badu te augwaligo te Kibu Sipsipgo Sunumi nogi poali, te badu te obo nigibo sę yali. Augwaligo te sę silama, tama augwaligo te me badu obo dage sa muyu, te Godigo masigi obo mu da olama, te lotu po wai. Tama nosali augwaligo te sunumi palibo sunumi dabe muani, augwaligo te nogi te Kibu Sipsipgo Sunumi dao wali. Tama augwaligo te obo ugwanu holama nigali te usu nigulali, te Bidi Sese A Naga te 100 Tonalubo Bidi bobobage beba peyu nigali, tama te Hananelgo Tauaba usu nai, te bobobage be mu dao. Augwaligo silama, tama te Godigo obo da olama, te lotu po wali.

Te Israel Tobolu Bidi Dabe 20:47

Tiali goli, te 600 bidi begasa pelama, te wi peyu, te ola be masigi elalubo madi te Rimonba wi pai. Tama augwali tede bidaludubadi, te polua me si me si bidai dao.

Te Israel Tobolu Bidi Dabe 20:45

Te Benjamin dabego gasa bidi dabe begelama, tama wi peyu, te Rimon tǫ wa pai bulu te ola beba palio. Tama te Israel dabego te bidi meba te umabo te 5,000 bidi dabe te sunumide elala pali. Tama gasa bidi dabe te augwaligo pobeasa pelama, te Gidom hanuba te augwaligo siligi paboba mu usu nigi pali. Augwaligo te umabo bidi sese meba ma elali, te 2,000 bidi ela muani.

Amos 9:11

Genuai Bidigo te tama po wai, “Nosali te me sogo si pedalubaso, teda eno te Devitgo hanide king me deli hodolaibao. Megi da, te hanigo tǫ kantri te be me deli degasa pelama, dolai tiwai elalubao. Tialima, nosali eno te be ma sęnama da, teda eno te be daga dabe me dodola silama, te be polobadu elaluali tiwai ma pedelaibao.

Aisaia 10:29

Augwali aiya dulama, wę odogo nogegi pali. Tama augwali ugwaba holama, hanu Gebaba pigi pali. Te Rama hanu we bidi wi genuai mu eyu, midigi sali. Tama te hanu Gibea, te tuni bidi Solgo hanu, augwali hanu tagalama, wi pepelawali.

Aisaia 2:2

Te me sogo nosali, te Genuai Bidigo be dolalubo te bulu du, te genuai ugwanu ma dolaluyu, tama gasa bulu du dabe aiyaba elaluai elaluaibao. Tama tigidali we bidi hani teba sisinagasaibao.

Nehemia 12:39

Tama dago te badu taga soyu, tama peyu, te Efraim Sunumi, me te Jesana Sunumi, me te Pisgo Sunumi, me te Hananel Taua, me te Tonalubo Bidi 100 Bidibo Taua, me te Sipsip Sunumi elaluali me, te ededeli palio. Tama da asiyu, te Godigo tempel be oboba sabolali, te sunumi augwaligo nogi yali te Kalabus Dabego Sunumi Dao wai.

Tuni Bidi Dabego Po Elalubo Buku Si 25:23

Tama Jehoasgo Amasia pagabi elama kalabus ilali. Tama nosali, Jehoas aga te Israel ami bidi dabe dali augwaligo te Amasia selama, tama augwaligo Betsemes tagalama, Jerusalemba pali. Tama augwaligo te taun obo meba hųgiali. Te Efraimgo Sunumidu gagalama pelama, te Konago Sunumiba usu nigi pali. Augwaligo te hųgiali te obo dąį da, te 200 mita tama usu nama ganama dao.

Tuni Bidi Dabego Po Elalubo Buku Deli 6:77

Te Israel dabego te taun dabe meba te Merarigo haniba mani, te gasa Livai hani me da. Te taun dabe te Ruben hani me Gat hani me Sebulun hani te augwaligo tǫde elaluali. Te Sebulun hanigo tǫde elaluali taun dabe nogi e tama da, Rimon me Tabor da.

Tuni Bidi Dabego Po Elalubo Buku Deli 4:32

Tama me augwali te a naga taunde bidali, Etam, me Ain, me Rimon, me Token, me Asan,

Te Israel Tobolu Bidi Dabe 21:13

Te bidi dabe sisinagaselama, tama te Benjamingo hani me badu pedai te Rimon ola be masigide bidalubo madiba po ola tolu, tama augwaligo te tiwai po wali, “Megi da, te dago dage dali ma hwįabo homu ebeo. Tama dago homugo te boi pimainao,” wali.

Josua 21:17

Te Benjamingo hanigo te hanu me si me si augwaliba mani, Gibeon me Geba,

Te Israel me Juda Hani Sigo Tuni Bidigo Po Elalubo Buku Si 14:13

Tama te king Jehoasgo te king Amasia nogo tulama, tama aga hadabu ilali. Tama nosali, te king Jehoas dali, te aga te Israel ami bidi dabe dali, augwaligo te Betsemes hanu tagalama, tama augwali te Jerusalem taunba pali. Tama augwaligo te taun bologobea sali moni masigi obo banis aluali, tama augwaligo te Efraim Pabo Tų badu gagalama, agalu pelama, te tų me nogi te Kona, te tųba usu nigi pali. Tama augwaligo te obo banis aluali bobobage dąį usu, te 200 mita dąį usu tama aluali.

Jeremaia 20:2

Tama Pasurgo po obaso, te augwaligo keloago te Jeremaia elama, te augwaligo aga te Genuai Bidigo be obo sunumi pąde aga kalabus ilali, augwa te nogi poali, te Benjamingo Sunumi Ugwaba Dao wali.

Tuni Bidi Dabego Po Elalubo Buku Si 26:9

Tama Jerusalemde Usia agai te e tama taun obo dabe dodolobo sę yali. Agai te Konago Sunumide agai be sę yani, me te Odogo Malu Bulu Sunumide me, tama augwaligo te Sapela Kona wabo te sunumi badu me be te obo daide sę yani. Te ami bidi dabe tede bidiyu, te boi bidi asobo no munalu yabo.

Maika 4:1

Te me sogo si deli te nosali pedalubo side te bulu du, te Genuai Bidigo be elaluali madi, te daide mu elalu, te gasa bulu du tigidali aiyaba elalueibao wai. Tama we bidi hani hauwa teba sisinagasaibao.

Sekaraia 8:3

Te ena ma aselama, ena te Jerusalemde bidaibao, te eno taun mu da. Tama Jerusalem, te Genuai Bidi te Tigidali Bomo Elalubo Bidigo bulu du da, te augwaligo nogi eyu Te Genuai Bidigo Tedali Gasagi Yai Bulu da waibao. Te gasa hani we bidi augwaligo te eno we bidi dabe sulama, te augwaligo tama po waibao, ‘Suao, te Jerusalem augwaligo Genuai Bidi wali mu pabo dao,’ te tama po waibao.