Sekaraia 13:9 - Godigo dwagi yai po buku

⁹ Tama te me badu bugai elalubo te dwagi yai pedalabo sę usu sabo sę ilaibao, te bidi mebago te gol me silva te dwai hogomu sela sąmainogo te isiba ulubo tiwai yaibao. Tama augwaligo gedu haluasa po enaba obaso da, teda eno augwaligo gedu haluasa po wabo odaibao. Tama eno te tama po augwaliba walaibao, ‘Dage da, eno we bidi dabe da’ obaso, teda augwaligo te tama po waibao, ‘Nage God, dago Genuai Bidi dao,’ po waibao,” Genuai Bidigo te po wai dao.

Sekaraia 13:9 Referans Kwoze

Godigo Nogi Ugwaba Sabo Tęąbi Po Wabo Buku Dabe 50:15

Dagego tama tibo si, tama te sęgę pedalubo sogo, dagego enaba i waiyą, tama te eno dage tau mu siyu, tama dagego eno nogi ugwaba sagameo,” po wali.

Godigo Sęba Tagala Palai Bidigo Po 2:21

Tama te side Genuai Bidi nogi elama i wabo bidi dabe da, teda Godigo augwali tau selama, aga we bidi dabe yaibao,” Godigo te po wai,’ Joelgo tama po wai,” Pitago te po wali.

Aisaia 48:10

Eno dage wiegi yai pedalumainu homu yali, tialima eno dage te siaba me ulusiąma, te bidi dabego silvade ebo tiwai eyu, te aga meda yali sela sąwainu ebo tiwai ebeo. Menio. Eno dageba te haniani sęgę pedalumainu ilali, te dagego dwai kolesaga ebo tagalomainu yai dao.

Godigo Nogi Ugwaba Sabo Tęąbi Po Wabo Buku Dabe 91:15

Te augwaligo enaba gedu haluasa po wabo sogo, te eno augwaligo wabo po odaibao. Tama te sęgę augwaliba pedalubaso da, te ena augwali dali bidaibao. Tama eno augwali ma selama, tama augwaliba te genuai nogi mawaibao.

Kraisgo Geme Dualali Sę Pedelabo Po Jonbolo Ola Mani 21:7

Tama niwai bidi agai bomogo te dwai sę ebo kolesagago bomo aiyaba elalubo bidi, te bidi agai te tama siyu, tama ena agai God bidiyu, tama aga eno ogwa bideibao.

1 Pita 4:12

Eno abagi mu dede, te dageba te dwai usu sabo sogo megi pedalobo. Tama te sęde te gasagi yai konesiąbo sę dao homu eyu, dagego noma sigimio. Woo, te menio.

Jeremaia 30:22

Tama dage Israel te eno we bidi hani mu pedelama, te ena dagego God bidaibao,” te po wai dao.

Aisaia 43:2

Dagego te ąį gebo aiyanu dulai te nogebo sogo, te ena dage dali bidaibao, tama te ąįgo dage me dologobeo. Awe, dage te soabo ąį nogebo si, te ąįgo dage mesegelegobeo. Tama dage te posolo yai sia tomoba mu pabo sogo, te siago dage me dogobeo. Te sia bogoligo dage dogobeo.

Jems 1:12

Niwai bidi me aga dali te dwai sę yanama sinayu bomo ebadi tama te bidigo dwai sę emainogo te bidi me deligo te dwai sę yao po weyu da, te bidigo te sę isiąma, te bidi aga bomo elama te dwai sę aiyaba elalubaso, te tiwai bidi aga dwagi yai homu eyu bidaibao. Magi baso meni. Agai te dwai sę usu sabo sogo aiyaba elaluama, tama Godigo aga bidabo ula mawaibao. Godigo te po polobadu wai dao, “Niwai bidi agai ena dali dwagi yai homu eyu, godolo mu ebo bidi agabolo te bidabo ula eno mawaibao,” te po wai dao.

Sekaraia 10:6

“Te eno Juda we bidi augwali te bomai we bidi pedalumainu ilama, tama eno te Israel we bidi dabe ma dobola somainu yaibao. Eno augwali hobede mu ebaso, tama eno te tigidali we bidi ma selama, te augwa page buluba ma odasa asaibao. Te eno augwali sela sąsiąwai we bidi bidibo tiwai elama, te augwali bugagia bidalueibao. Magi baso meni, ena God te augwaligo Genuai Bidi dao. Tama tiyu, eno augwaligo gedu haluasa po wabo odaibao.

Hibru 8:10

Tama Genuai Bidigo po ma wai, “Te tama tiali sogo te hasia silali. Tama nosali eno gasa augwali tau somainogo dąų wabo po augwalibolo mawaibao. E tiwai yaibao. Te eno bomo yai po dabe tigidali te eno augwaligo homu tomoba munama, tama eno augwaligo homu kolesaga tomode te po asęaibao. Tama ena augwaligo God bidiyu, tama augwali te eno we bidi bidiyu yaibao.

Jopgo Po Asęani Elalubo Buku 23:10

Tiali goli, Godigo ena bilibo dabe tigidali mu koneanio. Ma, aga ena usu siyu da, teda agai ena tonobo da wiegi yai gol masigi tonobo tiwai yaibao.

Jeremaia 31:33

Tialima, eno te Israel we bidi dali dąų wainu ebo bomo yai po e tiwai elalubao. Te eno bomo yai po augwaligo homude munama, te augwaligo haligade te bomo yai po asębo tiwai yaibao. Te ena augwaligo God bidiyu, te augwali eno we bidi hani dabe bidalueibao.

Aisaia 58:9

Te dagego enaba gedu haluasa po weyu, i wabo sogo, te ena Genuai Bidi, eno te dagego gedu haluasa po wabo odoyu, tau saibao. Te ena dage dali bidibo, dagego koneaibao. Te dagego gasa bage dabe aiyaba elaluama, te augwaliba nogo tų eyu, po dwai wabo tagalama,

Pris Sę Ebo Bomai Po 26:12

Te ena dage tomode biliyu, te ena dagego God bidaibao. Te dage eno we bidi dabe bidaibao,” te po wai dao.

Sekaraia 12:10

Te Genuai Bidigo po geninama ma weyu te po wali, “Te eno te Devitgo bulali wąį nǫų hani dabego me te Jerusalem we bidi dabe augwaligo te homu dene eyu tau sabo kolesaga dali, te gedu haluasa po wabo kolesaga me, te si wali pomainu ilaibao. Te eno dwasianu naga egobeo. Tama augwaligo te augwa digi enego enama isali bidiba tononalu, te augwaligo aga gela usu mayu, te bidigo deli digi wai isaide dwai homu dene ebo gela wabo tiwai yaibao. Te augwaligo agade gela dwagila mu weyu, te bidigo aga gomunai ogwa deli isaide gela wabo tiwai yaibao.

Bugagia Bidibo Kolesagade Po Asęai Buku 17:3

Genuai Bidigo te tiwai sulama koneainu yai, da te wiegi yai bidi ma dwai bidi, tama agai te dago haliga usu sula soyu, te gol me silva te siade usu sela subo tiwai ebo dao.

Godigo Nogi Ugwaba Sabo Tęąbi Po Wabo Buku Dabe 144:15

Te tiwai wiegi yai nai sabo we bidi hani, augwa te wiegi yai pemene yao. Awe, te we bidi dabego te Genuai Bidi augwa God da homu elama bidibo we bidi dabe, augwali me te wiegi yai pemene yao.

Joel 2:32

Tialima, niwai we bidi te augwali tau somainu enaba hanalubaso, teda te eno augwali tigidali ma saibao,” wali. “Ena Genuai Bidi da, eno te sęde te tiwai po walio, te Jerusalemde bidibo we bidi meba te me hagagobeo. Te we bidi dabe ena digi te sa munama dąį ilali, te augwali bugagia bidaibao wai dao,” wali.

Esekiel 37:27

Tama eno bidibo madi augwali dali bidaibao. Tama ena augwaligo God bidaibao, tama augwali eno we bidi bidaibao.

Esekiel 36:28

Tama dage eno duga wąį dabebolo mani te tǫde bidaibao. Tama dage ena we bidi dolo mu pedelaibao, tama ena dagego God mu bidaibao.

Esekiel 11:20

Tialima, dagego te eno bomai po, me eno po dali te dagego bugagia wali paibao. Tama dage eno we bidi hani dabe dolo mu pedelebaso da, teda ena dagego God bidaibao.

Jeremaia 32:38

Tama augwali eno we bidi hani dabe bidiyu, te ena augwaligo God bidaibao.

Kraisgo Geme Dualali Sę Pedelabo Po Jonbolo Ola Mani 8:7

Tama te hasia wali ensel mobo bidi me deli aga te ona tiwai nai elali, tama te talua ge tulubage me, te sia dali, te si te kaneme dali gelama, tama e tǫba tulaluai. Augwaligo te tǫ me tigidali ni dabe dali te sela tama usu siyu dąį ilali, tama siago te tǫ me habu badu deyu, te ni me badu habu badu deyu yali. Tama te ni yabe tiwai nosai dabe tigidali, te me te siago dai.

Kraisgo Geme Dualali Sę Pedelabo Po Jonbolo Ola Mani 8:8

Tama te hasia wali enselgo aga sę silama, tama te si wali ensel mobo bidi aga te ona tiwai nai elali, tama tialima, augwaligo magi nai me deli sąyu tama te genuai bulu du me siago dabo tiwai eyu, tama te nai tamu ąįba tulaluali. Tama augwaligo tamu ąį usu siyu dąį mubo te sela nigilali, tama me habu badu begelama te kaneme pedalali.

Kraisgo Geme Dualali Sę Pedelabo Po Jonbolo Ola Mani 8:9

Tama augwaligo te tamu ąįde bidibo ula elalubo nai tigidali tomode bugulama, tama te nai hani sela me tali muani, tama te nai hani me deli te sia dabo genuai bulu dugo isilali. Tama augwaligo te tamu ąįde elalubo sip, te moni geba dabe, te sip me bugulama tama tiyu, te hani sela tedali muani, tama te sip hani me deli dolai.

Kraisgo Geme Dualali Sę Pedelabo Po Jonbolo Ola Mani 8:10

Tama te tudi badu te sela wali ensel mobo bidi aga te ona tiwai nai elali, tama te badi, te genuai hǫ me deli te sole ula ebo tiwai mu yali, te sole ula ebo hǫ dagalu tagalama e tǫba tulaluai. Augwaligo te tigidali pabo ąį aga hani sela tedali bugulali, tama hǫ te ąį hani me deliba tulaluali, tama te tigidali ąį ulu asobo digi me te sia bogoli tulaluali.

Kraisgo Geme Dualali Sę Pedelabo Po Jonbolo Ola Mani 8:11

Tama te tulaluali hǫ nogi te Ha Ebo Marasin da wai. Tama augwaligo te ąįgo hani sela muani, tama te ąį hani me delide te ha ebo marasin pedalai. Tama bidi hauwa augwaligo te ha ebo marasin ąį tuali, tama te marasingo augwali elama tama augwali isali.

Kraisgo Geme Dualali Sę Pedelabo Po Jonbolo Ola Mani 8:12

Tama te sę silama, tama te me si me si wali ensel mobo bidi aga te ona tiwai nai elali, tama tebadi, tama augwaligo te giliga me, poluade me, te tigidali hǫde me augwaligo tomode dąį sela muani. Tama te giliga ge me badu dolali, te polua me tama tiyu, te tigidali hǫ me te me badu dolali. Tama tibaso, augwaligo ula ebo sogode te ula bugagia ebeo. Ulade te me badu pedaigo te giliga gego ula bugagia ebeo. Tama hulide me te polua dali, hǫ dabe dali, augwaligo me badu ula ebo pedai te bugagia ula ebeo.

Jeremaia 24:5

“Ena Genuai Bidi, ena duga Israelgo God, eno po obao, eno te Juda meba sela sąnama, augwali te Babilon tǫ kantriba pali, tialima, eno homugo augwali te wiegi yai ni kayago du tiwai dao.

Esekiel 20:38

Tama eno te hagoma ebo bidi dabe me, te dwai sęgę elalubo bidi dabe me sela sąnama, te augwali dage tomode munu ma bidimainu me egobeo. Te eno dage Israel tigidali te kalabus bidali bulude selama, dage te po tų ebo madi odasa asaibao, tiali goli te hagoma eyu dwai sę ebo bidi dabe, augwali Israelgo te tǫba me pogobeo. Eno te tiwai ebaso, te dagego bugagia koneama, ena digi ena Genuai Bidi da waibao,” wali.

Daniel 11:35

Te boi bidi dabego te polalubo bidi meba dolaibao,” wali, “tiali goli, augwaligo te sęgęgo te gasa polalubo bidi meba dąų waliyu, te doloba pai kolesaga emainu yali, tama te augwali God gedude magi meda isąwai mu pedelaibao. Te tobage kolesaga te me siligobeo. Te tama elalua pidubadi, te Godigo te tigidali nai sia sabo bodolu muani siba usu naibao,” wali.

Daniel 12:10

“Te sęgę dabe pedelali te hauwa we bidi dąų waliyu, te doloba pai kolesaga emainu yai, tama augwa te magi meda meni yai wiegi yai mu te God geduba pedalumainu yaibao. Tama te wiegi yai homu kolesaga koneai elaluali we bidi, te augwaligo naga te sę dabe page koneaibao. Tiali goli, te dwai we bidi dabego te sę page koneainu ebaso, usu me egobeo, tama te augwaligo dwai kolesaga hauwa mu ebo sę yaibao,” wali.

2 Samuel 7:24

Genuai Bidi, nago da Israel hani we bidi dabe te naga hani we bidi mu pedelama, tama da te tiwai sesemane sogo bidaibao. Tama Genuai Bidi naga digi nage te dago God pedelai dao.”

Jopgo Po Asęani Elalubo Buku 28:1

Te Jopgo po ma weyu, te po wali, “Te bidi dabego tǫ aiyanu mu dogobo dao, te silva dali, gol dali si sainu tibo dao. Tama augwaligo te gol dali, silva dali si ulabo madi geselebo dao, te dwai pobelebage sela sąnama, dwagi yai mu emainu.

Godigo Nogi Ugwaba Sabo Tęąbi Po Wabo Buku Dabe 43:4

Tama tialima, ena te God, nago alta sai teba paibao. Magi baso meni, nago ena wiegi yai haliga iliyu, te pemene ilibo dao. Nage eno God da, te eno gita selama, te musik weyu, tama nago nogi ugwaba sabo tęąbi po naga waibao.

Solomon 2:16

Te abagi eno bidi da, tama ena agai we da. Agai te aga meme kibu dabe te sawi yai plaua dabe tomoba sela pelama, tama augwali te nosai tubo sę ebo dao.

Jeremaia 9:6

Te we bidi nage augwali tomode bidibo bage, augwaligo te gasa bidi aiyaba elalubo sę bomo eyu, te tobage tibo po wabo kolesaga eyu ebao. Tama augwa te ena Genuai Bidiba homu kęą pabeo,” Genuai Bidigo digi te po wali.

Esekiel 14:11

“Eno te tama tiwai sę ebogo te dage Israelgo sunumi palibao, te dagego ena tudiba munu me musiąma, te dagego sęgę sabo sę me isąma, tama dage eno gedude meda yai me pedalugobeo. Te dage eno we bidi dolo pedelama, te ena dagego God bidaibao. Ena God Genuai Bidigo eno te po wai dao,” wali.