Biblia Todo Logo
Bib sou entènèt

- Piblisite -




Sekaraia 12:8 - Godigo dwagi yai po buku

8 Te tebo sogode Genuai Bidigo te Jerusalemde bidibo we bidi te obogo bagulubo tiwai yaibao, te boi hwįbo side mubo sabelego te tigi bea sabo tiwai gilama yaibao. Te eno augwali dąų walobaso, te boi hwįabo bomo meni yani bidi dabego me, augwali te polobadu bidali bidi king Devit tiwai bomai bidi pedelaibao. Tama te Devitgo bulali wąį nǫų dabe te nosali pedalubo hani bage te augwa polalubo bidi bidaibao, te Genuai Bidigo mobo bidi ensel tiwai, ma God aga tiwai digi bidibo tiwai yaibao.

Gade chapit la Kopi




Sekaraia 12:8
53 Referans Kwoze  

“Te eno ena tǫ kantri tonalu, eno te tǫba te ami bidi dabe uga peyu, eda asu ebo sę munu ma egobeo. Te boi bidi dabego eno we bidi dabe aiyaba elaluama, te augwaliba dwai sę ebo eno me gogolama sula tagalogobeo, magi baso meni, eno suali, te we bidi dabe augwali dene sabo suai dao.” Genuai Bidigo te po me wai.


Tama Genuai Bidigo te po wai dao, aga te isi tiwai pedalama, tama aga te taun bagulai obo tiwai te Jerusalem bagualuaibao, tama agai te taun tonaluaibao. Tama aga Jerusalemde bidaibao, tama agai genuai ula me bomo pepeli diliba haninaibao,’ te po te usu sabo bono string tolalubo bidiba walao,” te enselgo te po walali.


“Te gasa hani bage augwaligo te bomo elalubao, tialima te augwaligo eno bomo sulama, te augwali dwai noma saibao. Te augwali wi elama, te augwa nogogo pedauwali pania siyu, me olo si pania saibao,” wali.


Te dago boi bidi dabego te dabolo posobo po omainu me ilamuo. Mu tama, da tulaluali, tiali goli, te da ma hodaluaibao. Da be hulia side megi bidibao, tiali goli te Genuai Bidigo ula dabolo mawaibao.


“Te gi tǫ pedebo genuai ain te bainat tiwai pedalumainu halua,” wali, “me te ni nologo togobo hwą haluama, te sesemone tiwai pedalumainu yao,” wai. “Te bomo meni yai bidi me te hogodama, te hwįbo bidi tiwai yao,” wali.


Te tiali sogo silibaso da, teda te Israel dabe te Godiba ma aselama, te Genuai Bidi deliba naga lotu waibao. Te augwaligo te king Devitgo wąį nǫų deli naga wali paibao. Tama augwa te Genuai Bidigo po dologoba naga pobaso, tama agai te haniani wiegi yai nai augwaliba mayu yaibao.


“Ena Jisas, eno digi eno mobo bidi dageba tagala palai, tama agai te eno po wali pabo we bidi hani dagebolo e po pusumainogo yai. Ena digi ena te polobadu bidai bidi Devit aga hani bidi wąį dao. Tama te kigamu mu pedalobo te genuai hǫ te ena dao,” agai te po wai.


Ena da, ena digi te hasia bididuali bidi dao, ena te nosali sogo mu bididueibao wai bidi mu dao. Ena naga te polasa mu peyu, te ena nosali mu eyu ebo bidi dao. Te ena tigidali nai page bidi, tama eno ebo sę tigidali ela silibo dao,” agai te po wai.


Tama augwaligo te moni sia bogoli ebo me sula sąyu yalio. Tama me te augwali wi pidu gebaso te gasa bidi dabego te bobage hwą gego te augwali elali te usu me ebeo. Tama augwali bomo meni yai bidilama, tama nosali augwali bomo sai. Augwali te wąbi hwįbode bomai bidi mu pedalai. Augwaligo te gasa hanigo genuai ami bidi dabe augwali aiyaba elaluyu pobeasa peyu yai dao.


Awe, mu tama, te polobadu geme dualali po, te Godigo dabolo waselali konealuabo po page te genuai mu elalubo, tama bidigo te pode te po mu menio wabo te usu me egobeo. Te konealuabo po e dao: Aga te tigi elalubo bidi mu pedalali, tama hania hanilai. Tedali Mobo Bidigo we bidibolo ola mani, te bidi aga dolo mu yali. Te dagalude mobo bidi ensel dabego aga suai. Tama po pusubo bidi augwaligo agade po te tigidali we bidi hanibolo pusigi pali. Te tǫde bidi dabe augwaligo konealubo po agade dąų wai. Te Godigo aga dagaluba odasa holama, tama megi aga bomo dali, genuai nogi dali selama bidibo dao.


Augwaligo wąį mu Abraham dali, Aisak dali, te Jekop dali, augwali polobadu bidiyu te genuai nogi sai bidi dabe hasia bidali, tama augwali te augwa bulai wai dabe naga bidai. Tama Krais aga e tǫba dulama tama da bidi tiwai tigi sali sogo, agai te Juda hanide naga te bidi mu pedalali. Aga te tigidali nai tobolu bidi bidibao. Aga te God dao, te aga nogi dago sesemane bidada pabo sogo ugwaba sinao. Mu dao.


“Odao, wegi me deli te bidi dali me pisąwai, te wegi aga haliga elama, te wai ogwa ame naibao. Tama augwaligo te wai nogi Emanuel nogi yaibao,” te po wai. Tama te nogi page e tiwai dao, God aga da dali bidibao.


Tialima, Tigidali Bomo Elalubo Genuai Bidigo po wei ponoyu, te tiwai wali, “Te eno po pusugi pabo bidi me deli te eno sunumi dodoligi pomainu polasa tagala palaibao. Dagego te Genuai Bidi asobo tonalubao, tialima polo tama aselama, te aga beba bidagasaibao. Dagego te eno po pusagasobo bidi suabo homu ebo wida, te suiąo. Tialima, aga asobo te eno dąų wali kontrak po pusagasaibao,” te po wai dao.


Te Israel hani te gasa hani tomode bidiyu, te laiongo buside te hasa sibi ela tueinu gegebo sę tiwai eyu, ma te sipsip obode ela tueinu ebo tiwai yaibao. Aga te sipsip dabe tomoba pelama, te augwali daiba samonama, te augwali gąųgo subigila tologa sąsąbo tiwai eyu, tama te sipsip dabe tau sabo bidi me deli meni ebo ąǫ yaibao.


Augwa wąį nǫų Jekopgo te aga ama dali hwįani, te augwa si idago haligade bidibadi tialio. Nosali Jekop te genuai igulama, tama agai te God dali hwįai dao.


Tiali goli, augwaligo dage tibo po ola mobao, tama dagego augwaligo po homu dąų obaso da, teda eno dage te duga page bulu mude digibulu sela sąwaibao. Tama dage mu dolaibao.


Te augwali dene me sęgę tolali sogo, Genuai Bidi me augwali dali te dene me sęgę tolali. Te agai haliga augwalide homu dene ebaso, te agai augwaliba te olo mu tau sabo wiegi yai kolesaga yali, tama aga digi te mobo bidi ensel tiwai pedelama, te augwali ma sali. Te tobage sogo sesabi mu elama, te agai augwali tolalu, te augwali bugagia mu tonaluai dao.


Te bidi dabego aga tudi ola menama, te aga begela dolama, te aga godolo mu me isąwai. Sesemane sogo agade te homu dene me haniani sęgę pągąnaluali. Augwaligo aga tudiba mu muanio. Te dago aga te olo bidi me tonobo tiwai yai dao.”


Genuai Bidi, aga te Israelgo Wiegi Yai Doloba Pai Kolesaga Tigidali Mu Ebo God dao, aga te Israel tudibadu posolalu, tau sabo bidi elalubao, agai te po aga sę bidiba wali. Aga da te gasa we bidigo godolo homu isiąbo bidi, te gasa bulu tǫ kantri we bidigo te aga dwai nai mu tiwai tonani, te aga te genuai bidi dabego olo sę ebo bidi tiwai bidali. Genuai Bidigo te tiwai po wali, “Te king dabego nage sulama, te augwali dolagaselama, te genuai bidi dabe augwa gesabidi te tǫba basigulama, te nageba genuai nogi mayu tiaibao. Augwaligo tama tebo, magi baso meni, ena Genuai Bidi, te Israelgo God, ena te Wiegi Yai Doloba Pai Kolesaga Mu Ebo God da, nage sa muani, te eno sę emainu yali, te eno dąų wali po te eno me bologobeo,” wali.


Te sogo te polua te giliga tiwai bomo elama, mu nanaibao. Tama te sogo te giligago ula te bomo yai mu nanama, tama megi tama ula ebo edelama, mu nanaibao, te tigidali sogo ula ebo edelaibao. Te a naga olama, me badu nogo si sogo nanebo giliga deliba sisinama, deli bubugade nanebo tiwai yaibao. Te sę dabe te Genuai Bidigo aga we bidibolo mani sęgę dabe, me dene dabe mani sela sąbo sogo, te sę dabe yaibao. Tama agai augwali usu ma ilaibao.


Eno te po wali, ‘Dage tigidali deli deli te god dao. Dage te Ugwanu Mu Bidibo Godigo wai dao.’


Tiali goli, eno te Juda we bidi dabe godolo ebao. Tama ena God, te augwa Genuai Bidi, te eno augwali tau saibao. Tiali goli, eno te hwįbode te bainatgo me enesigi sesemonego te augwali tau selama, me hwįgobeo. Tama eno te ami dabe me hos dabe dali tagala palama, te Juda we bidi tau sagasomainu me egobeo. Menio. Eno gasa sunumi me elalubao,” wali.


Te Godigo Ensel Mobo Bidi te Israel hani dabe polasa pabo bidi, tama augwali tede tagalama, aga augwali nosali pai. Tama te Israel dabe pabo tedu polasa pabo pǫ, te me geasa te augwali tudi badu ma doligi sai.


Tama eno ensel mobo bidi me deli te dage pabo madi polasa tagalama, tama eno te Kenan hani, me Amor, me Hit, me Peres, me Hivi, me Jebus, te hani augwali eno sela sągi paibao.


Te dage nogo a naga bidigo te bidi sese a naga 100 boi bidi aiyaba elalueibao, te dage 100 bidigo te bidi sese umabo hauwa 10,000 boi bidi aiyaba elalueibao, tama tigidali boi bidi dolaibao,” te po wai.


Te dage hani bidi me deligo te umabo bidi mu, te 1,000 bidi dabe te wi pomainu ilibo sę ebaso, te usu yai dao, magi baso meni, God, te dago Genuai Bidigo, te dage tau siyu, augwali dali hwįai dao, te agai polobadu po dąų wali tiwai gilama yaibao.


Nago da nigilama, tama nago da te nagaduba deli naga dologode bidimainu muani. Nago da ugwaba siyu, tama daba genuai nogi mabo dao.


Genuai Bidigo enabolo e tama po wali, “Te bulu yowi laiongo sipsip kibu me elama, tudubadi da, teda aga wi elama, tama te sipsip taga peyu, wi me pogobeo. Te sipsip kibu tonalubo bidi hauwa aselama, aga tonaluyu, hae mobadi goli, aga wi me egobeo. Menio. Agai augwali dali wado elama, tama te sipsip kibu bugagia tonaluaibao. Te tama tiali goli, ena Tigidali Bomo Elalubo Genuai Bidi, te eno te bulu du Saionba hwįagasaibao, te Jerusalem bulude. Tama magi nai dabe mego ena togolobo usu me egobeo.


Te Genuai Bidi aga we bidi augwali daiba ugadu hanilama pedelaibao, tama agai enesigi kekelama togolaibao, te agai enani ene dabe te be selego ula ebo tiwai yaibao. Tama God Genuai Bidigo te bu wabo nai biugel bu wabo si, te aga bomonama soyu, te aga bidali pesage saut badu tagalama, te wali dali tulubage si tomodu asaibao.


Tama te sogo te Jerusalemde bidibo we bidi dabego e tama po munu ma wagobeo, “Ena gasi ebo.” Tama Genuai Bidigo te Jerusalemde bidibo we bidigo dwai sę yali sęgę sela sąwaibao.


Te Israel we bidi dabe augwali te bomai ami bidi dabe tiwai pedalubaso, te augwali te wain ąį tubo bidi dabego homu pemene ebo tiwai yaibao. Te augwaligo nosali ame nabo wai dabego te wiegi yai sę Genuai Bidigo augwa bulai wąį dabede yali sę homu kone ma palama, te wiegi yai homu pemene mu yaibao,” wali.


Swiv nou:

Piblisite


Piblisite