Sekaraia 11:7 - Godigo dwagi yai po buku

⁷ Tama tialima ena te sipsip dabe meba tonalubo bidi pedelali, te magi nai doado bage meni ebo bidi dabego te ela tuabo sipsip kibu dabe da. Tama eno te sipsip kibu dabe tonaluali bidi dabego te kibu ososalo biliyu tolasa bilali dono si eno sali. Te dono me nogi, eno te tiwai nogi polali, te Olo Mu Tau Sabo Homu Ebo dono da, tama dono me nogi te tiwai nogi yali te Deli Madi Sisinibo nogi polali. Tama eno te dono si tolalu, te sipsip kibu hani dabe tonalua bilalio.

Sekaraia 11:7 Referans Kwoze

Sekaraia 11:14

Tialima nosali eno te si wali dono togwali, te dono nogi eno te tiwai nogi yali te Deliba Sisinibo dono nogi polali, tama te Juda me Israel si tomode pedelama, te hani si me pedelai dao.

Sekaraia 11:4

God ena Genuai Bidigo enabolo te tama po walali, “Nago sę te sipsip kibu dabe tonalubo bidigo ebo sę tiwai yao,” wali. “Te sipsip kibu dabe aga aya dabego te sipsip dabe ela tueinu ebo dao.

Aisaia 11:4

Te po tų odobo dolo naga agai te nai meni yai bidi dabego homu sęgę elalubo po odama, te bagenu tau saibao. Te gasa bidi dabego augwali aiyaba elaluama, augwali dolama, dwai sę yali dabede agai pode te tiabo sę yali we bidi dabe dene saibao. Tama te dwai sę ebo bidi dabe da isaibao.

Sefanaia 3:12

Tama te we bidi augwali eno Jerusalemde bidimainu sula tagalaibao. Augwaligo nai dabe hauwa meniama, tama augwaligo augwa aiyaba elaluama elaluaibao. Tama augwali enaba aselama, tama augwali tau somainu enabolo hanalu waibao.

Aisaia 61:1

Tigidali Bomo Elalubo Godigo Mobo Noma Bidi enaba bidagasali, magi baso meni, Genuai Bidi aga digi eno toboluba wel gelali, te ena dąį sa muyu, te aga wiegi yai po te magi doado bage meni yai bidi dabe selasa pomainu yai. Te agai ena tagala palali, te haliga sęgę genuai elalubo bidi dabego sęgę silimainu yai, te kalabuside bidibo bidi dabeba po pusu, te augwa kalabus tagalama, olo pao po omainogo yai.

Jems 2:5

Eno ama dedeo, eno dagebolo dwagi yai homu eyu, godolo mu ebaso, eno dagebolo te po obao. Bugagia odao. Te tǫde tigidali bidi gedude magi nai meni yai bage, te Godigo te tiwai bidi sa munama, tama augwaligo te Godigo po dąų waligo te augwaligo te homu kolesagade te masigi me walu hauwa munalubo bidi tiwai yaibao. Te polobadu Godigo tama po wai, “Niwai bidi agai homu enaba muyu godolo ebo bidi, te aga eno we bidi bugagia tonalubo madi tomoba asagameo,” te po wai. Tama tiyu, agai te magi nai meni yai bidi augwali sa muyu, augwaligo te Godigo po mu dąų waligo da, te augwali te dąį ilali madi te pesage saibao.

Dwagi Yai Gesi Po Jongo Asęani 10:16

Eno gasa sipsip me elalubuo. Megi augwali e tomogai tomode bidibo menio. Te me eno sigi pelama, odasa asaibao, e tomogai tomoba muaibao. Tama augwaligo eno po odaibao. Tama deli kibu sipsip hani bidaibao, tama te sipsip dabe tonalubo bidi deli digi yaibao.

Dwagi Yai Gesi Po Makgo Asęani 12:37

Devitgo digi aga te Genuai Bidi nogi yali. Tama tibaso, te mena tama te Genuai Bidi aga te Devitgo bulai wai pedalaibawe?” Jisasgo te po wai. Te genuai we bidi hani augwaligo te Jisasgo ola mani po odoyu, wiegi yai homu pemene yai.

Matyu 11:5

Dagego e subao, te gedu widai bidi dabe augwali gedu usu ma iliyu, te sągą dwai bidi dabe augwali bugagia ma bilibo dao. Te oiyabe yai bidi dabe augwali tigi wiegi yai pedaliyu, tama olo degai bidigo po ma odobo dao. Te isai bidi dabe augwali ma hodoliyu, tama te magi nai meni yai bidi dabe augwaligo te Godigo wiegi yai gesi po odobo dao.

Godigo Nogi Ugwaba Sabo Tęąbi Po Wabo Buku Dabe 23:4

God, ena te dwai bulu te be hulia sai madi bilibaso da, te tagalao, ena te dwai naide wi me egobeo. Magi baso meni, nage ena dali bidibao. Eno suali, nago te sipsip tonalubo bidigo dono tolasa bilibo suali, tama tibaso, eno homu nagame elama, bidibo dao. Ena me dologobeo.

1 Samuel 17:43

Tama tiyu, aga dolagaselama, tama Devitbolo te po wali, “Magi baso nago te bilibo dono sela asaliwe? Nago homugo ena te yowi da weyu, elainu asali, agawe?” Tialima, agai te aga tibo god dabe i olama, te Devit dolomainu yali.

1 Samuel 17:40

Nosali aga te tolasa bilibo dono selama, tama te dwasianu wę me deli elalubo madi pelama, tama te dwasianu dudu du masigi a naga selama, tama aga dwasianu waba bulali. Tama agai te masigi sąyabo kibu wali tolasa peyu, tama pelama, te Goliat dali hwįgi palio.

Pris Sę Ebo Bomai Po 27:32

Te nogo si bulmakau me sipsip dabe elalubaso, te me deli eno dao. Dagego te kibu dabe tigidali wasilama, te augwali nedelama, tama te nogo si wali tigidali enabolo mao.

Godigo Nogi Ugwaba Sabo Tęąbi Po Wabo Buku Dabe 27:4

Eno te nai me delide naga te Godiba hanalu wali, tama eno homugo agai te tama sę emainu homu yali. Eno agaba te tama po hanalu wali, te ena bidibo ula elalubo sogo ena te agai bede tigidali sogo bidainogo yai. Te agai enaba wiegi yai homu bugagia ebaso, te eno wiegi yai homu pemene agaba yaibao. Tama eno agaba hanalu, te enaba wiegi yai sunumi ola momainu homu ebo dao.

Godigo Nogi Ugwaba Sabo Tęąbi Po Wabo Buku Dabe 90:17

Genuai Bidi, nage dago God da, dago homugo te nago olo tau sabo wiegi yai kolesaga dabolo eyu, tama da wiegi yai bugagia ilao. Tama dago ebo sę tigidali te wiegi yai pedalumainu ilao. Mu tama, nago te dago ebo sę tigidali dąų walama, tama te bugagia elalumainao.

Jeremaia 39:10

Tama agai te doado bage meni yai bidi dabe naga te Juda tǫde bidimainogo yalio. Te tǫ mu meni yai we bidi dabe, me agai wain gi dabe, me te gasa gi dabe te augwaliba mawai dao.

Aisaia 40:11

Agai te aga we bidi dabe bugagia tonalubao, te sipsip tonalubo bidi dabego te aga sipsip bugagia tonalubo tiwai ebao. Te tonalubo bidigo te sipsip wai dabe te hagawiade pageasa bilaibao. Te aga dua digi pidu, te dwasianu wai dabe elalubo sipsipba te sunumi ola mayu, ela pidubo dao.

Maika 7:14

Genuai Bidi, naga digi te naga dąų olama, sa muani we bidi dabe te naga tonalubo bidi bidao. Augwali te moni genuai dulu te wiegi yai tǫ elalubo bulu du dabe bagede bidibao, tama te gi bulabo wiegi yai tǫ me aiyadu elalubao. Tialima, nago augwaliba te wiegi yai tǫ elalubo madiba te gi bulugi pomainu yao, te Basan me Gileatde, te polobadu yali tiwai yao.