Sekaraia 11:15 - Godigo dwagi yai po buku

¹⁵ Tama Genuai Bidigo enabolo te tiwai po walali, “Nage te kibu sipsip tonalubo bidi ma pedelao,” wali, “tiali goli megi da, nage te sipsip kibu tonalubo dwai bidi mu tiwai pedelao.

Sekaraia 11:15 Referans Kwoze

Dwagi Yai Gesi Po Lukgo Asęani 11:40

Dage da, te mu umawai bage te yabao. Te nai dabe bulu badu nigali Godigo te nai dabe tomo badu me nigibe homu eba, agawe?

Matyu 23:17

Dage esela pelama gedu widalio. Magi nai da te polalubo nai dawe? Ma, te gol da, te polalubawe? Ma, te Moni Lotu Be tempelgo te gol wiegi yai ilali, ma te da te polalubo nai dawe? Te be tempel polalubo dao.

Matyu 15:14

Dagego te Farisi dabe augwali sula tagalama elaluao. Augwali te gedu widai, tama te gedu widai mego te gasa gedu widai bidi te pabo tų ola mawainogo ebao. Tiali goli, te me gedu widaigo te me gedu widai bidi te tų ola mayu da, teda bidi talua si te ąį gamia pageba tulaluaibao,” Jisasgo te po wai.

Esekiel 13:3

Ena God Genuai Bidi, eno te po obao. Te wabo pabo po wabo tiwai ebo profet dabe te dolaibao. Augwaligo te nade subo nai tiwai me sugobeo. Menio. Augwaligo te pusubo po dabe, te augwa homude digi augwaligo nigilama, pusai dao.

Te We Bidi Dabego Jerusalem Hagede Gela Wali 2:14

Te nago profet sibigo te nade subo nai tiwai suali po olama, tama augwaligo nage dali ili po naga walio. Tama augwaligo nage ili po ola mayu, augwaligo nago yali dwai sę hanilai menio. Te nage tau selama, te dwai sę tagalama, tama nage bugagia bidimainu tau me sabeo. Menio. Augwaligo Godigo po pusubode ili po walio. Tama augwaligo pogo nage kegasa bilama, mu tagalalio.

Sekaraia 11:17

Tialima te tonalubo dwai bidi dolomainao, magi baso meni, agai aga hani sipsip tonalubo tagalali. Te boi bidi dabego agaba boi hwįagaselama te agai bomo tigidali aiyaba mu tamunaibao. Tialima agai nogo kimi bomo isilama, tama agai dolo nogo badu gedu te mu halua somainao,” Genuai Bidigo te po wai dao.

Jeremaia 23:1

Genuai Bidigo te tiwai po wali, “Genuai sęgę te eno we bidi dolobo tobolu bidi dabeba pedelaibao. Augwali te dwai tonalubo bidigo te sipsip dabe dolama, te augwali subigila tedela palobo tiwai ebao.

Esekiel 34:1

Genuai Bidigo enabolo e tama po walali,