Sekaraia 11:14 - Godigo dwagi yai po buku

¹⁴ Tialima nosali eno te si wali dono togwali, te dono nogi eno te tiwai nogi yali te Deliba Sisinibo dono nogi polali, tama te Juda me Israel si tomode pedelama, te hani si me pedelai dao.

Sekaraia 11:14 Referans Kwoze

Aisaia 9:21

Te Manase hanigo Efraim hani aiyaba elaluainu yaibao. Tama Efraimgo Manase hani aiyaba elaluabo homu yaibao. Tama te hani sigo Juda dabe aiyaba elaluabo homu yaibao. Genuai Bidigo augwa digi augwa hasi ma dolomainu yaibao. Tiali goli, tego agai sębę ebo siligobeo. Menio. Agai nogo me balalubao.

Jems 3:16

Tama tiyu, bidi meba augwaligo gasa bidi dabe dali dwai homu eyu da, tama augwaligo te haniani kolesaga ebode te augwa digi augwa nogi ugwaba siyu da, te tiwai bidi dabe augwaligo konila po subigila wabo bidi dao, te haniani dwai sę ebo page bidi dao.

Jems 3:14

Tiali goli, dagego dwai homu gasa we bidi dabe dali elaluyu, tama dagego augwaligo nogi ugwaba sabo eno hagelabo homu eyu da, tama dage nai yogo homu eyu da, dage te tobage dwai homu eyu da, teda geda muyu dagego te po wabo dao, “Da da, te wiegi yai homu eyu, te dwagi yai po konebo bage dao.” Te tobage tibo po wabo tagalao, duga nogi ugwaba sabo po wagimio.

Galesia 5:15

Tiali goli, dagego wado wado po weyu, tama gasa bidi aiyaba elaluyu, tama duga hasi tomode hwįbo po weyu da, teda dage dua dao. Tiyu dage tigidali hodobo hagabo dao, tama deli hani bidibo kolesaga dolaibao.

Matyu 24:10

Tama tebo sogo te we bidi hauwa augwaligo enade konealubo po dąų wali tagalama, tama augwaligo augwa ama dabe boi bidigo nogoba munama, tama augwa me augwa digi augwa ama dabe dali boi bidi yaibao.

Sekaraia 11:9

Tama eno te hani sipsipbolo te tama po walali, “Ena dage tonalubo bidi munu ma bidigobeo,” wali. “Te isabo sipsip dabe augwaligo dąį ilali, te augwali isimainu yaibao. Tama augwaligo te dolabo dąį ilali sipsip dabe da, augwali te dolomainu yao. Te meba mugai bidaluali hani yai baso da, teda augwa digi augwa dolobo sę emainao, tama tialima te augwali mu sia saibao,” wali.

Sekaraia 11:7

Tama tialima ena te sipsip dabe meba tonalubo bidi pedelali, te magi nai doado bage meni ebo bidi dabego te ela tuabo sipsip kibu dabe da. Tama eno te sipsip kibu dabe tonaluali bidi dabego te kibu ososalo biliyu tolasa bilali dono si eno sali. Te dono me nogi, eno te tiwai nogi polali, te Olo Mu Tau Sabo Homu Ebo dono da, tama dono me nogi te tiwai nogi yali te Deli Madi Sisinibo nogi polali. Tama eno te dono si tolalu, te sipsip kibu hani dabe tonalua bilalio.

Aisaia 11:13

Te bulu Israelgo te bulu Juda dali dwai homu me egobeo. Tama Juda dabego Israel dabe dali boi bidi homu me egobeo. Menio.

Sekaraia 11:6

Genuai Bidigo te tama po wai, “Te eno te tǫde we bidi dabe homu dene me egobeo. Te ena digi eno te tigidali deli deli te augwali te augwa kingo nogoba mueibao. Tama te king dabego augwali dolaibao, te sipsip kibu dabe aga ayago te sipsip kibu elebo tiwai yaibao. Te kingo augwali dolobo sogo da, teda eno augwali me tau sogobeo,” te po wai dao.

Esekiel 37:22

Tama tialima, eno augwali kantri deli te tǫde pedelemainu ilaibao, te Israel dabego bulu dabede. Tama augwali king deligo augwali tigidali tonaluaibao. Tama augwali bugulama, king bidi si elalubo kantri si munu me ma bidigobeo.

Dwagi Yai Gesi Po Makgo Asęani 3:24

Te genuai tǫde bidi me deligo bomo tomode bidibo bidi dabe augwa hasi te hani si bugulama tama hwįbaso da, teda te bomo elaluali te usu me elalugobeo, te moni hani tulaluaibao.