Sekaraia 11:12 - Godigo dwagi yai po buku

¹² Te eno augwaliba te tiwai po walio, “Te dagego mone enabolo maiabo homu ebaso da, teda mao. Te meni baso, tagalao. Duga homugo dao.” Tialima augwaligo enabolo te mone ge bidi sese deli, gasa nogo si, te 30 silva naga mawai.

Sekaraia 11:12 Referans Kwoze

Matyu 26:15

“Dagego magi nai enabolo mobaso, tama eno dage nogoba te Jisas mawaibawe?” wali. Tialima augwaligo te mone ge 30 agabolo mawai. Te masigi dabe te wiegi yai kapa nogi silva tego nigai masigi dao.

Ma Dobola Sali 21:32

Tama te bulmakaugo te sę ebo bidi ma te sę ebo we elebaso da, teda te kibu page bidigo te monego K300, te sę bidi ma te sę we te aga genuai bidibolo te mone menama, tama dagego masigi sąnama te bulmakau ela muao.”

Tigidali Nai Gagalama Nigali Side 37:28

Te Midian bisnis bidi meba teba asobaso, tama augwaligo Josep te tǫ dedagede selama, tama aga te Ismael dabebolo mani. Te Ismael dabe augwaligo Josep te mone ge bidi sese deli, te 20 silva monego abelama, tama augwaligo aga te Isipba selasa pali.

Dwagi Yai Gesi Po Jongo Asęani 13:2

Te dwai haubo mobo bidi Satan agai dwai homu kolesaga te bidi Judas homuba hasia muai dao, agai Jisas te boi bidigo nogoba muabo po Judasgo homude muai dao. Judas aga aya nogi Saimon, tama aga bulu nogi Keriot. Te pio hulide Jisas dali, aga wali pabo bidi dabe dali, augwaligo nai tuyu bidali.

Te Israel me Juda Hani Sigo Tuni Bidigo Po Elalubo Buku Deli 21:2

Ahapgo Nabotbolo te tiwai po wali, “Nago wain gi eno be pagede elalubao. Tama tialima, eno homugo nago ena menama, te eno te tǫde keba gi bulabo homu ebao. Te nago enaba mobaso da, teda eno nageba te gasa wain gi mayu, te wain gigo nago gi aiyaba elalubo tiwai yaibao. Ma, nago mone sabo homu wei ebaso da, eno te gi te genuai monego abelaibao,” wali.

Tuni Bidi Dabego Po Elalubo Buku Si 30:4

King me te we bidi augwaligo te pode usu dao olama, deli homu yali.

Matyu 27:9

Tama augwaligo te tǫ tama abeleyu, tama po me deli polobadu Godigo aga po pusali bidi profet Jeremaiago pedauwalide wali po te megi mu usu nanio. Agai te po polobadu wai, “Te Israel dabe meba augwaligo te bidi me deli abelabo mone ge noma dodolama tama te silva mone ge bidi sese olama nogo si te tama po dąų wali.

Matyu 27:10

Tama augwaligo te mone ge selama, tama augwaligo te sene nigabo mama tǫ sabo tǫ abelali, te Genuai Bidigo enabolo wali po tiwai dao.”

Tigidali Nai Gagalama Nigali Side 23:16

Abrahamgo te usu da olama, tama aga mone te bisnis bidi dabego ebo kolesaga tiwai elama, bugula muani. Te Hit bidi dabe augwaligo te Efrongo te tǫde mone te 400 mone silva masigi nogi yali po wabo odali. Tama Abrahamgo te dobolama, tama Efron agabolo manio.

Te Israel me Juda Hani Sigo Tuni Bidigo Po Elalubo Buku Deli 5:6

“Tama tialima, eno homugo te nago sę bidi dabe tagala palumainu yai, te augwali Saidon dabe, te Lebanon bulu duba pelama, tama eno te be sę emainu yabo ni bǫ dabe togogi pomainu yao,” wai. “Te Saidon dabego te ni togobo te mu koneai, tama eno sę bidi dabego te me konebeo,” wali. “Tiali goli, te eno sę bidi dabego te tau sagasomainu naga te augwali tagala palaibao. Tama nago te naga sę bidi dabe te nisu naga monego abelimainu homu ebaso da, teda eno mayu naga yaibao,” po wai.

Jeremaia 32:9

Tama te tǫ eno abelali. Eno te tǫ abelibo bomo yai po kontrak asęnama, te eno haluama, tama tede eno dąį ilali, te bidi mebago gedude muai. Tama eno te silva bidi sese nogo si 200 gram sęgę yai silva usu nama, tedali dagalama, eno te Hananelbolo mawai, te tǫ pedai mone usu nama mawai dao.

Malakai 3:5

Tigidali Bomo Elalubo Genuai Bidigo te po wai, “Eno dagego kolesaga dagalainu asaibao,” wali. “Te polo tama eno te we sali tomode dolobo sę eyu, te pobi wabo bidi dabe po tų iliyu, te tibo po kotde pusuyu, te tonalubo bidi dabego te augwa sę bidi bugagia me abeligobeo, te we dabego tigidali doado bage sabo bidigo te muma sabo po weyu, te augwa bidi isai we dabego doado bage me siyu, te augwa aya isai wai dabego doado bage me sali, te bomai po boloyu te gasa tǫ kantridu asai bidi dabego nai me sali. Te tigidali bidi ena dologode me bidibeo, tama tibaso te eno augwali po tų ilaibao,” wai dao.

Pris Sę Ebo Bomai Po 27:4

Te wego kibu be bidi sese delide dąį elama te bidi sese selaba dąį igi pali we da, te mone 300 kinago abelao.