Sekaraia 10:12 - Godigo dwagi yai po buku

¹² Te eno we bidi dabe augwali te bomai we bidi dabe pedalumainu ilaibao. Tama augwali ena dologode bidiyu, te eno po wali peyu bilibo sę yaibao. Ena Genuai Bidigo eno te po wai dao,” wali.

Sekaraia 10:12 Referans Kwoze

Aisaia 41:10

Dage wi igio, magi baso meni, ena duga God da, ena dage dali bidibao. Te eno dage boma pai pedalumainu ilama, te dage eno tau saibao. Te dage eno bugagia tonalu, te eno genuai bomogo te eno dagego boi bidi aiyaba elalueibao wali.

Sekaraia 10:6

“Te eno Juda we bidi augwali te bomai we bidi pedalumainu ilama, tama eno te Israel we bidi dabe ma dobola somainu yaibao. Eno augwali hobede mu ebaso, tama eno te tigidali we bidi ma selama, te augwa page buluba ma odasa asaibao. Te eno augwali sela sąsiąwai we bidi bidibo tiwai elama, te augwali bugagia bidalueibao. Magi baso meni, ena God te augwaligo Genuai Bidi dao. Tama tiyu, eno augwaligo gedu haluasa po wabo odaibao.

Aisaia 2:5

Asao, Jekopgo wąį dabe dage, da Genuai Bidigo da mani uladu pinao.

Polgo Si Wali Pas Timotiba Asęani - 2TI 2:1

Timoti, eno ogwa, naga digi sesemane sogo nago te Krais Jisasgo olo mu tau sabo dwagi yai kolesagago te nage bomo momainao.

Maika 4:5

Te tigidali hani bulu bage deli deli augwa te tibo godiba lotu weyu, te augwali wali pabo dao. Awe, tiali goli, te da Israelgo te lotu Godiba waibao, te dago sesemane bidada peyu, bidada pabo Genuai Bidi da, te aga deli naga wali pabo dao.

Kolosi 3:17

Tama tigidali sogo dagego po obadi ma dagego nogogo sę ebadi, te tigidali ebo kolesaga dagego dago Genuai Bidi Jisasgo nogide yao, tama agai dage dali yali sęde dagego dago Aya Godibolo puba hwi po weyu bidao.

Kolosi 2:6

Dagego “Awe, Krais Jisas aga dago Genuai Bidi dao,” te po dagego polobadu olama tama aga tama saligo da, teda agai kolesaga eyu aga dali hodobo bidao.

Filipai 4:13

Krais agai aga bomo ena menama, tama te bomogo eno tigidali sę ebo usu ebo dao.

Aisaia 45:24

Te augwaligo te tama po waibao, ‘Genuai Bidigo naga te da tau siyu, te da dąų waliyu, te doloba pai kolesaga ugwa igulama, ugwa ela holomainu yaibao,’ te po augwaligo waibao,” wali. Tigidali we bidi agaba asobaso, te agaba haliga sębę ebo hani dabe te augwali dwai hale mu yaibao.

Tigidali Nai Gagalama Nigali Side 24:40

Tama agai te po wai, ‘Ena te Yawego po wali pabo bidi dao. Te agai aga mobo bidi ensel te nage dali tagala palama, tama nago sę wiegi yai bugagia ilaibao. Te nago eno ogwago we me deli te eno ayago hani tomode sesaibao.

Efesus 6:10

Te eno po silagasu wabo po e dao: dage te Genuai Bidi Krais agade wadoloyu, tama dagego agai genuai bomo meba siyu, tama dage bomo eyu bidao.

Sekaraia 12:5

Tama te Juda dabego augwa polalubo bidi dabego te tama tebo sę ebo sulama, augwa homu tomode te tiwai po waibao, ‘Awe, God, te Tigidali Bomo Elalubo Genuai Bidi, agai Jerusalemde bidibo aga we bidi dabeba bomo mawai dao,’ Juda dabego te po waibao,” Genuai Bidigo te po wali.

Tigidali Nai Gagalama Nigali Side 5:24

Aga te God dali sesemane sogo deli homu eyu bidali, tama Godigo aga selama, tama bidi dabego aga ma subeo.

1 Tesalonaika 4:1

Dago abagi dede, dago gasa po me elalubo. Tama da te Genuai Bidigo po sela pabo bidi dabe dao. Tama tibaso, dagego e po tudiba muidali weyu, tama dago bomo elama, dagebolo e po megi obao. Polobadu dago te Godigo gedude dwagi yai dolo yai kolesaga ebo po dagebolo ola mawai. Tama dago te tobage po dagebolo ola menama, tama dagego te po odoyu, wali peyu bidibo dao. Tiali goli, megi dago bomo elama, dagebolo e po megi obao, te dagego dene siyu te tobage sę tigidali dagego bugagia mu yao.

1 Tesalonaika 2:12

Tama dage tulaluidali weyu, dago dagego homu kolesaga tomode hodoloyu, tama dagego homu kolesaga dąų waliyu yai. Tama dago bomo elama, dagebolo po mobo maidu geai, te po wai, “God agai dage dali dwagi yai homu emainogo, agai dwagi yai kolesaga mu wali pao. God agai dage i wali, tama dage aga obo tomode bidiyu, agai genuai ula yai bomo sumainogo agai dage i wai dao,” dago dage dali te po wai.

Esekiel 30:24

Tama tialima, eno Babilon king bidigo nogo si bomo ilama, tama ena bainat hwą te agai nogoba muaibao. Tiali goli, eno Isip king bidigo nogo si tama togwa sąwaibao, tama aga genuai dene mu saibao. Tama Babilon king bidigo gedude aga hwąwa dwai mu waibao, te bidi me isainogo wabo tiwai yaibao.